餘震

「.....早知是餘震, 讓重傷的心再添缺憾, 還剩低的寄望最後也犧牲....」

上年5月尾, 買左依家部 Toyota RAV4, 唔平, CA$32,500蚊, 計埋息成$39,000, 點知一買番去就出事......每次停車就有餘震, 去同條 sales嘈, 佢唔理你, 去整, 佢唔整比番你話冇事, 態度又差, 去投訴睬你都有味, 依然好少理, 結果係生氣, 激氣, 勞氣, 同將人生既盼望好似世界杯咁放係四年後既某一日, 再來一次「大選」.

我走到大街中觀察, 發現十架RAV4(2006 model), 九架在震: 「走到大街中觀察, 多失望的你我她, 相信可以靜下, 經歷多少爭扎, 震到天線沒法停下, 快樂在我心間那位糟蹋它? 同樣形號都有同樣震, 幾多位失敗, 多得堆滿銅鑼灣嗎? 到最後你我歸家, 那個在喊?」

過左一年幾, 最近Toyota車房才肯承認係06年model computer system出錯誤. 等左咁耐先等到句對唔住, 唔知南京大屠殺, 襲佔釣魚臺呢D對唔住又要等幾耐呢? 原諒人唔易, 講對唔住亦好難. 關係和解要雙方都讓一步, 好似耶穌肯原諒你都要肯認罪; 但要雙方各進好多步才能互相了解, 好似神同在, 聖靈內住都要你肯親近佢, 企係佢身邊先得lor. 至於, 我同架RAV4........還是三年後分手罷!!