歲月風雲(2)

最近加拿大播<<歲月風雲>>, 借汽車夢去講回歸十年, 借回歸十年去為吉利汽車賣廣告. 中國汽車要打入世界市場, 似乎冇十年都要多五年, 如果要數歲月風雲, 不如話在全球銷量唔低而又有營養價值既維他奶la.

提到維他奶, 最出名當然係80年代既廣告歌:「如果太多牛奶味, 朱古力味冇定企, 等到朱古力味番番黎牛奶味又唔爭氣......」

其實維他奶係1940年(4月3)面世, 創辦人係羅桂祥先生同佢兩個細佬, 第一日賣出6瓶, 6仙一瓶. 由單車逐户派送, 初時冇消毒, 所以要即日飲用, 銷量有限. 二戰爆發, 維他奶被逼停產. 1945年, 香港重光, 維他奶亦繼續以單車派送同零售寄賣方式經營. 1953年, 維他奶引入高温消毒技術, 無須冷藏, 令銷量大增. 為左增加知名度同認受牲, 維他奶開始在各中小學免費派送同試飲. 而當時讀小學, 我daddy亦係果陣時飲豆奶. 1962年, 加入麥精豆奶. 60年代末, 香港開始由輕工業時代步入消費服務業時代, 於是1968年, 羅桂祥細佬睇到寫字樓打工仔食飯, 時間就係金錢呢個需要, 離開大佬出來創業, 開左會港第一間快餐店, 果然食正條水, 生意越來越大, 分店遍佈全港, 就係為人熟識既大家樂飲食集團. 過去, 大家樂跟後來係1972年才成立既大快活鬥左足足幾十年, 加埋美心快餐(怡和's)三分香港既飲食天下, 唔講你未必知, 其實大快活係羅桂祥另一個細佬開.

早期既維他奶係用闊口既牛奶瓶，後來改用裝汽水既玻璃樽. 1975年由依家主席羅友禮先生係瑞典引入紙包裝, 84年出維他375(仲記得「多D, 多D, wala」果個廣告嘛?)00年出125 mini版. 不過最令人懷念同津津樂道既, 依然係士多, 放在鐵櫃熱水中既玻璃樽維他奶, 「秋風起, 三蛇肥, 北風吹, 熱維他, 正!!」95年12月/96年2月, 香港曾經出現過一場維他奶風波, 係麥精維他奶中發現有酸味, 令維他奶一度停產同回收.

時至今日, 維他奶己由獨孤一味變出十種味道, 係香港深入民心, 不過係北美生意一直唔好, 現正不斷打入內地市場. 至於我, 喜歡麥精維他奶, 亦經常飲用, 不過, 我仍然好想飲蒙牛. 哈哈, 可能因為要返香港先買到既緣故, 其實返到香港, 以毫升計, 我還是飲麥精多過飲蒙牛.