路人甲乙丙之丙

某日完左崇拜, 送完Minnie之後, 阿lok車我返屋企, 比前面架慢吞吞既警車阻住條路. 阿lok就過線爬佢頭 la(真沙膽), 點知一爬架警車就響燈, 要爬番我地頭(咁少氣架), 佢要爬, 咁我地咪唯有行埋線比佢爬 lor. 警察真愛撩事鬥非, 好似想塞住我地咁, 我地唯有停低.

於是, 阿lok就對住個警察開槍, i mean開窗, 個警察伸個頭入來手指指問左幾個非常無聊又一定要答既問題:「呢包乜來?」「紙巾.」「呢個呢?」「銀鏡.」「呢樣?」「香口膠.」「可唔可以睇下?」「隨便.」「果D又係乜?」「廢紙.」「去完邊度?」「Church.」「會去邊度」「Drop我(Billy)返屋企」「比你地個車牌睇下」(喂!我唔係 C機喎!)

驗完一輪, 比番D野我地, 就話:「我地以為你個brake燈壞左, 原來你落左N波, 冇野啦!」(Then what is it do with 紙巾/香口膠)

常言道:「平生不做虧心事, 夜半敲門也不驚.」原來係自欺欺人. 當警察叔叔來到, 我真係驚 lor even though當時阿lok冇超速又有停 stop side (平時唔知 :P).

小註: 當時跟阿lok傾起/欣賞既黃偉文果首<<落花流水>>既歌詞, 換來既結果估唔到係比警察叔叔問到落花流水.

車子

用車越來越多就create左一個問題: 究竟需唔需要買多架車? 如果買又買乜好呢?

生活係加拿大擁有一架車, 對大部份家庭而言, 大概係必需品, 但買第二架車又如何呢? 係咪真係咁需要同急切呢?

錢係另一個concern: 一架新車連稅最平都要兩萬, 0%利息分5年供都要每年$4,000, 保險$2,500, 油錢+維修$1,000, total 至少$7,500, 但相信大約要一萬一年.

睇車都係揀Nissan Versa or Honda Fit架啦, upgrade up爆佢. Ronald話: 依家美元同加紙平算, 買車會平成一兩千蚊, 如果再等半年可能冇咁著數. Ronald係格價專家, 佢話幾時平同乜野平我都唔會亦冇資格challenge. 但講數口精當然係Billy啦!! 等半年我都可以即時節省四五千蚊 vs 5年內省回一兩千蚊, 邊個著數D呢? 咁要depends on my family因這add'l car既「方便指數」提升幾多而定.

Billy仲有另一個計算方法, 就係用future value去計今日既expense. 如果我唔買車, 一萬一年, 五年五萬, 以20%計廿年後既time value of money, 係138萬. 嘩!! 138萬, 夠我到時退休架啦!! 如果冇必要, 都係遲 D先買車.

貧富懸殊@中國

中國係咪貧富懸殊, 係咪貧富差距越來越大, 唔洗講都知, 問題係嚴重同需要正視. 但貧富懸殊又唔代表中國出現貧者越貧, 富者越富呢個兩極化既問題喎! 雖然中國既億萬富豪數目已經僅次美國, 排世界第二. 至於中國既貧民人口(赤貧), 對比三十年前, 由兩億五千萬減少至兩千幾萬, 可以話, in an overall perspective, 中國已經由溫飽不足步入小康. 似乎中國八十年代改革開放, 讓少數人富起來既政策係成功. 但富有就好容易製造極權階級, 擁有權力就好容易令人腐敗, 作威作富, 又會令人巧取豪奪, 為求發達而不擇手段, 另一方面, 又會因此造成社會上仇富既風氣. 要教育國民仇腐不仇富, 致富而立德, 睇怕仲要一段長時間. 福音能唔能夠救國呢?

中國GDP過去10年增長率都超過10%, 但大部份contributed by出口, 國企/政府開支. 民企/老百姓因GDP受惠相對不多, 反而高經濟增長衍生出來(相對較高)既通脹率卻直接影響民生, 低收入家庭影響最深. 近幾年政府嘗試剌激本地消費(內需), 減低經濟增長對出口既過份依賴. 如果中國要追上已發展國家 consumption佔 GDP 70%既水平, 只怕要二三十年時間. 現階段要剌激內需唔容易, 老百姓寧願儲埋 D錢又或者將D錢放入股市樓市都唔肯消費. 宏觀調控以及國策向國企傾斜都對消費唔多唔少又扣成一定打擊. 即使能夠剌激消費, 令GDP更長遠更穩定咁發展, 高消費又會衍生出過份浪費, 環保等問題. 點可以又有消費又能節儉唔浪費呢? 當物質追求在廣告同潮流推波助瀾下, 變成一種時尚同life style既象徵果陣, 簡樸生活就係out, 不入流, 係呢種情況下, 浪費係天經地義而且不算得什么, 而我地活在北美/香港, 又係咪要活在呢種廣告同潮流擺佈之下?

大皇

星期六晚去左Kenndy同Highway 7 新旺角果間大皇食dinner. 叫左半隻鹽焗雞, 好耐冇叫, 想再試下佢既手藝. 依然唔錯, 但唔再係鹽焗, 只能稱得上係鹽水浸雞. 要分辨鹽焗雞同鹽水浸雞既方法好簡單, 只要睇下個碟就得, 乾身既就係鹽焗雞, 水汪汪既就係鹽水浸雞, 而大皇果半隻雞水汪汪, 所以係鹽水浸雞.

鹽焗雞因為係個放滿粗鹽既大鍋裡面不停咁焗, 所以乾身, 鹽味慢慢滲入雞裡面, 所以會入味D濃郁 D, 而且入口甘中帶甜, 但火侯控制比較困難, 一般廚師會保守 D, over cook一D, 所以比較老. 鹽水浸雞味道會隨住水份流失, 所以冇咁入味, 一定要點沙彊粉作補救, 但較易掌握火侯, 肉質又比較滑.

依家大部份食店都偷雞, 要食真正既鹽焗雞, 睇怕要返香港 :P

SMS

07年尾, 同小mike食飯, 佢分享左一個交通建立既好方法: SMS. 用Email/MSN要對方online先check到, 但SMS只要對方有手機, 就隨時隨地收到; 打電話同唔熟既人可能唔知講乜好, 又可能撞岩人地唔得閒, 而用SMS send一兩句關心/鼓勵說話對唔係太熟 or 太忙既朋友往往係物輕情義重; 要約一班人聚會, 做call果個會好頭痕, 用SMS就一次send比多人, 唔洗打電話咁費時失事, 而且即時收到, 解決左Email/MSN收唔到/冇check mail既問題. 自從用左SMS之後, 我發覺除左小mike, Caron, Minnie同阿Ken都鐘意用SMS. 當我SMS人, ar lok, Calvin, Tim同"all of the above"又都會用SMS回覆我. 即係話: 「我越多SMS越多人, 就越多人越多SMS我.」

感謝神, 令我發現左呢個咁好既交通建立方法.

08年頭, 收到 Rogers張電費單, 發現原來每個out going既SMS, Rogers都會收15仙服務費. 12月總共send左有14個 SMS, 又收番10個 SMS, 比Rogers charged我稅前$2.1, 比others charged我朋友稅前$1.5, 總共比Canada Telecom Co charged我地$3.6 + tax. 於是, 我發現左一個, 原來SMS係要比錢架, 用另一個角度去睇: 「原來SMS係可令電訊公司(係冇乜額外add'l cost之下)賺好多錢架!!」

感謝神, 令我發現左呢個咁好既交通建立方法同思想當中既數學.

簡單example: 假如 1) 3個人之中有1個用SMS; 2) 每個發放人每月會同時SMS比other member in the group一次, 而發放人收到reply既機會率係50%; 3) 每個發放人每月會send individual SMS比 50% of other member in the group 2次, 而reply率又係50%.

問題係呢個3人群體, 一個月in total會SMS幾多次呢? 答案係5次 (send 1個group SMS + 2個 ind'l SMS => 收1個group SMS reply + 1個 ind'l SMS reply)

Ok!! 如果呢個群體人數加到9個人呢? 答案係51次 (send 3個 group SMS + 24個ind'l SMS => 收12個group SMS reply + 12個 ind'l SMS reply) 人數大3倍, 但SMS次數大左5.1倍, 既係話:「人越多, SMS就比人數增長更多, 也就是某電訊公司客戶越多, profit margin %會比客戶較少既公司勁好多. 問題係: 呢個世界上, 邊間電訊公司客戶最多呢?

laptop

最近心思思想買部新「豬腦」(laptop), 舊果部Acer用左兩年半, 仲OK, 不過, 越來越多新「豬腦」改用 Window Vista, 所以, 我要趕住係XP未被取締之前買番部仍然行XP既 laptop. 揀來揀去, 除左Dell同Tiger Direct之外, 所有都轉晒 Vista , 我諗我忍手最多只可以忍多半年. 考慮緊Intel同AMD邊隻好, 真係好難決定tim.

路人甲乙丙之閱

Boxing day約左個朋友去麥當勞食早餐.

9:45 早到, 於是坐係裡面等.

9:50 有個阿伯買左份報紙, 走過來坐係我後面. 個阿伯拍下我, 第一句又係問我識唔識講廣東話(同TD bank果位路人甲一樣). 跟住問我可唔可以幫佢(又一樣). 我帶住懷疑既眼光同語氣問:「你想我點幫你?」阿伯:「有封信我想你幫我睇下, D英文寫得O唔OK.」Billy:「OK」點知果位阿伯其實醉翁之意不在洒:「我1日3号返香港, 4月先番來, 想寫呢封信叫人pick up我....」我一住read, 一味「係呀?」「啊!」「噢!」睇完信, 改左少少, 我天真咁以為幫左人, 阿伯就會走, 點知...

阿伯又走過來多謝我:「你真係好人, 我1日3号返香港, 4月先番來...(repeat之前D說話)」我唯有又「係呀?」「啊!」「噢!」比D反應. 點知反而比位個阿伯入, 佢話:「你個相好好(of course), 我請你食早餐, 免費幫你睇相?」

10:10 我朋友來, 見到我同個阿伯咁「好」傾都有D奇, 於是佢去買早餐. 阿伯又重覆:「我1日3号返香港, 4月先番來....」(Ok!!)又同我朋友講:「佢(Billy)個相好好, 你地讀緊書? 將來一定好有前途, 你地係咪拍拖?(汗都滴埋, 唔知好嬲定好笑, 但肯定好煩)」把口依然重覆果幾個回應:「係呀?」「啊!」「噢!」

阿伯:「我請你食早餐, 免費幫你睇相? 留低啦!」Billy:「伯伯, 唔洗客氣, 有機會先啦!」阿伯:「冇機會, 我走. 今曰唔得, 我約你聽日, 又或者星期六(好有誠意).」

10:15 極速食完早餐, 唔得, 真係坐耐D都唔得, let's go!! 阿伯追出來:「星期六, 我等係.」(嘩! 救命)點解我成日遇到D咁既人?

離開以後

Year end又來, 開始忙個不亦樂乎, 冇左Alison(Controller老細)之後, 少左個人去follow up & monitor個work flow同 D deadline, 依家乜都我做晒, 都幾challenging. 點知? 星期四 VP 老細叫我地個team入房, 講左一個鬼哭神號既消息個我知:「我辭左職, 下禮拜五 is my last day.」(What?)

Year end少左VP, 同人(other department)打交點算? 要做數, review數, analysis數仲要追數同解數比D auditors 聽, 點死? 直接deal with 滅絕師太(CFO), 感覺到一種仍未解決既壓力.

「What?」「老細走, 我可以升職加人工?」

哈哈!! 唔知係咪年紀大左, 睇個「錢」字唔係太緊要, 或者年紀仲係細, 冇乜負擔, 唔知道「錢」既重要. 我個人又冇乜野心, 又可能冇乜大志, 實在唔想升職, 唔想管人. 當然, 多D錢係好, 但神既恩典本來已經好豐足, 冇乜所謂. 唯一憺心係媽咪果檔生意, 驚佢虧本. 我唯一可以做就係盡力幫佢儲多少少錢同埋reserveD錢, just in case anything happen.

星期五, VP正式係全個 Finance department面前annouce佢辭職. 每個仲未「8」到消息既同事都好震驚(音效, 行雷, 唔該!), 見到佢地既反應我都覺得幾有趣. DXDXDX(means裂開嘴大笑), VP跟住講:「無獨有隅, CFO亦resigned左, last day is also next Friday.」(what? 今次除左行雷, 唔該播mission impossible既音樂, 因為MI套戲除左講impossible mission之外, 仲講男主角每次都比上司出賣or擺上台.)

During the department meeting, 老細除左解釋佢走既「原因」(係要照顧屋企同有壓力喎! 呢個社會人人都有屋企, 有壓力, 你有屋企, 我有屋企, 你做乜飛起我)之外, 仲三次提到我: 1) In the short team, Diana will replace me (& the CFO), she is a nice person to work with, where's Bill? (I am here), she works with Bill, and will work with all of u now; 2) I feel sorry to leave u guys at this moment, especially Bill....but I have confident in all of u; 3) Canada will soon switch to IFRS, if u know IFRS, u r ahead of the game. Bill and his team are working on IFRS for few years now....呢云真係有壓力, 公司是我「家」, 係度瞓都唔惦. 一個小主任直接 deal with the President, 太不可思議. 主啊! 求你撑住我啦! 主啊! 我只係一個小薯蓉(small potato), I enjoy who I am and what I am doing & having, 請大家唔好叫我撑起半邊天啦!

勁串民主

從前某村莊來左個惡霸, 周圍迫人買毒品食, 村民反抗, 惡霸就話要教D村民「自由貿易」, 用武力打班村民, 拆村民D屋, 仲要村民賠錢, 賠償惡霸D毒品同拆屋費 100兩黄金. 但村民冇錢, 於是惡霸就「好人道」咁借錢比村民還.

惡霸借左1000兩白銀比村民, 話即係等於100兩黄金喎! 借據係咁: 10%複息分十年還, 即係每年還16兩黄金, 但惡霸唔收黄金, 要收白銀.

一年之後, 村民拿住160兩白銀想還第一筆錢, 但惡霸話:「唔好意思, 依家10兩白銀換唔到1兩黄金, 要12兩先得, 唔該192兩. 講埋比你聽, 下年15兩銀先換到1兩金...」

村民既屋比惡霸拆左, 唯有瞓街, 於是惡霸話:「好啦!我幫你重建家園, 幫你選一個(聽我話既)村長, 建立民主同自由啦!」但村民話:「冇錢.」惡霸:「唔緊要, 你賣一半田一半地比我, 幫我打工, 我出番人工比你咪有錢lor.」於是惡霸幫條村修橋鋪路, 又用極平勞工同極差既待遇去請工人幫惡霸做D貨品. 惡霸將D貨用10倍價錢賣去西洋國同花旗國, 賺左好多錢.

有一日, 惡霸發現有次貨, 於是走去丙班村民, 逼佢地賠錢. 有話呢條村用咁平既人工, 咁差既員工宿舍同醫療, 呢條村真係冇「人權」, 冇「民主」, 惡霸就勸村民, 等我免費資助你地, 推翻你地依家既村長, 立另一個上去, 就係民主....

中國乾隆皇之前, GDP佔世界三分一, number 1, 對外貿易出口絲綢同茶葉, 貿易盈餘勁多; 乾隆皇之後, 外國果班講文明/人權/民主既惡霸想到一條屎橋, 賣鴉片比我地中國人, 對外貿易由盈餘變成赤字, 大量白銀流出國外 :<

林則徐大人下今禁煙銷煙, 外國反而用「自由貿易」為理由, 攻打我地, 逼我地割讓香港, 開放港口比佢地賣更多鴉片, 仲要我地賠錢, 用上述簡直頭揾老襯既方法賠錢, 又逼我地用外國資金攪基建, 借更多錢, 到頭來, 高舉民主/人權/和平/自由, 反而指責我地野蠻.

呢D事正係以前既滿清政府, 今日既伊拉克, 仲有今日既中國發生, 難怪有義和團, 亞蓋達既出現. 昔日耶穌時代有羅馬殖民政府, 亦有反政府既奮銳黨. 耶穌係點面對羅馬政權, 面對奮銳黨, 面對當時當地村民成為我地, 亞蓋達, 中國人, 西方社會值得而急切既學習榜樣.

富貴「黃金」屋(中)

細個果陣金價由US$850跌到二三百蚊, 又想金係「永恆不變」, 地球只會越掘越多金, 一樣永恆不變而supply越來越多既物質一定唔值錢, 正如古鎮煌(經濟學家)話, 「十年黄金變爛銅」. 不過, 點樣解釋呢幾年金價由二三百蚊升破US$870? 睇完果篇黃金歷史既article先知道原來將有以來開採出來既黄金堆起來, 係可以用一個足球場就鋪晒, 只有十二萬五千噸, 而95%係19世紀後開採出來. 即係話19世紀之前, 全球只有6-7千噸黄金, 嘩!! 咁所羅門稅入666他連得(2噸)咪好多!!

不過, 歷史上好多問題都係因黄金而起, 所羅門死後, 佢個仔打仗輸比埃及, 埃及法老就搶左王宮所有財寶同所羅門造既幾百面金盾牌; 出埃及果陣, 以色列人奉獻金器, 造左隻金牛出來拜, 結果令神好嬲; 士師時代, 基甸打嬴仗, 要求金耳環做佢個人既戰利品, 又令以色列人再拜偶像; 但黄金有時可以救命, 當有外敵入侵, 猶大人絕招係將聖殿同王宮D金刮晒出來賠錢又或者去拖馬; 耶穌曾經責備法利賽人既教導, 話佢地叫人指住金子起誓就好有信用, 指住殿指住壇反而係小兒科....可見黄金既誘惑真利害.

路人甲乙丙之甲

今朝返工, 剛走出 subway, 有個人截住我, 問我識唔識廣東話, 想我幫手. 我話:「我要返工, 趕時間.」路人甲:「唔會阻你好耐, 我入左張$2,600蚊既cheque入個bank machine度, 但個bank machine要下星期先可以比我提番D錢出來(咁關我乜事?) 我約左個朋友去Ottawa, 要錢入油同食野(Oh! no)...我抄底個名, 電話同地址比你(我唔想知), 其實大家都講個「信」字(我唔識你又點信你?), 我地可以約禮拜係呢度等, 到時你唔搵我, 我都會搵你(我搵唔到你你又唔搵我咁又點?)...」Billy:「唔好意思, 我幫唔到你.」講完即刻急急腳走.

最近唔知整咩, 見到咁多路人甲, 上個禮拜四又見到個, 欲知詳情, 請看下回分解

2007 Part 3 and 2008 Outlook

3rd term感恩:

4月左右 join左教會 special既mission team, 經過一輪research, 決定08年全教會去North Bay宣教. 8月去左當地探訪, 發覺去餐館傳福音都幾有挑戰性. 萬民堂完左, 跑回恩典堂開會, 成日唔記得, 在此多謝 Joey提醒. 我想, 弟兄姊妹對福音既熱誠多少激勵到Billy, 以致Billy今年都邀請到人返 church. 請到表姐, 朋友Minnie, 同事Shally返 church, 算唔錯. 希望繼續帶到佢地返. 不過, 差傳部找Billy做08年 committee, 卻被他(after prayed)婉拒左, 還是將心思放係主日學學員同團契組員之上, 分散投資唔惦, handle唔到.


7月, 有個朋友由香港追我追到返多倫多, 叫Billy同佢攪生意, 本唔細, 成萬一蚊, 約左傾左好幾次都唔知佢公司做乜, 聽都聽唔明唔夠simply冇圖冇表冇數字既business(after prayed), 唔做!! 話知你掘金, 即使RIM又或者Esprit, Billy唔明佢點賺到咁多, 都唔buy.

股市係低位反彈, TSX升返上14,600, 恆指仲發癲咁升到近32,000, 全港市民都進入非理性抗奮狀態. 14歲「靚」仔$5萬變$20萬比人封做股神; 中大女生玩投資simulation, 不停買買賣賣宏安(1122), 由$1M變$20M (現實生活中, 這隻股由$1蚊跌到得毫六紙), 又被封股神...太crazy, 於是Billy代入做「股神」, 感受一下果種唯我獨專既心態; 又嘗試代入吃不到葡萄是「豬精」果份失落同無奈既經歷. 太crazy, 投資唔係賭錢, 於是, Billy又為呢兩班人祈禱. Billy今年亦研究油價, 金價同加紙匯率對民生同各行各業既影響...


Jeffrey, Kaman同Eva相繼回流返港, 各奔前程, 各散東西, 唔捨得, 但冇計啦! 有勇氣回流返港係我所欣賞. 有趣係, 當Eva話佢走半年就會返來, Billy(或者任何一個YAZone人)第一個反應唔係興奮而係:「有冇攪錯? 」「玩野?」「咁仲 fare唔farewell?」

感謝神, 10月開始寫呢個blog, 比寫website省時間, 原本係invetment blog, 結果漸多元化. 多謝Bonnie, Mandy, Minnie, Lok, Winnie and 好多我唔知既friends支持, thanks for reading. 創作上, 同Stephen幫Across寫左首relate 讀書既歌; 短宣中心請Philos去Market唱歌, 亦係神額外既眷愛.

10月, 神向Billy發出警告, 唔比佢賺盡, 要Billy10個交易日內沽貨25%. 再次感謝神既看顧, 救孩子脫離次按第二波既衝激. 你未必鐘意我又講神又講股市, 神係教會既主, 家庭, 工作既主, why not經濟金融既主? 若從另一角度看, 07年神令Billy風險管理進步左好多, 兩次係跌市中保本. Billy投資(可能因為要向神交帳既關係), 比較conservative, 回報未必好高, 但好少會蝕, enough就算啦.


近年尾攪左個bible study group, 多謝Calvin, Jenny, Lok同 Tim come. 今年主日學幾乎全年都同Alec合作, 係佢身上學左唔少. 又Based on Connie/Ron果班寫左<<福音奇遇記>>呢首歌.

Overall, 07年尾, 事奉無論在家中, 公司, 教會, 在建立, 話語, 投資, 創作上都clear番, 回顧開心同唔開心既經歷, 我好感激神guide我走過, 只要我願意follow, 又發覺到聽話既重要.

2008 Outlook

嘗試同fellowship弟兄關係更進深; 珍惜教主日學/bible study既時間, prepare教案s; 繼續同朋友品嘗唔同既美食; 打算去加納比海旅行; 要開始為daddy媽咪退休做準備, 為佢地搵D細藝; 工作冇乜特別, 希望公司唔好再蝕; 投資? 大方向都係buy & hold, 可能再diversify多少少, 9%回報夠, 當然多D我又唔會唔開心; 想買wii fit, 但仲未出; 要繼續研究民生同pray for the world; continue 寫blog, continue寫歌; 下年開始唔計數計得太detail, 1年2次點數算; 讀神學會放得更慢, 但read more books; No matter what, 求神guide me through.