小時侯(21) 集結浩

好多回流返港的同班同學仔做了教書的阿蛇同Miss, 大概沒有誤人子弟罷.
談近況, 現在的中小學生真的跟以前不同, 非常 high tech, 又 PSP, 又 i-phone, 禁都禁不住, 你怕他/她上堂打機, 又怕他/她落堂索 K, 問你點死?

Billy 讀小學時侯沒有 P2P, 沒有 i-phone, 也沒有上網, 但又不覺沉悶.
由小學兩年班開始, 同班同學仔就愛上玩彈擦子膠. 每個小息就聚在一起, 一檔檔好像賭檔(好聽 D, 好像學習小組)般三五成群的來一場又一場彈擦子膠比賽.

起 初的彈擦子膠比賽沒有任何系統可言, 都是每人拿自己的那舊擦子膠在檯面上彈來彈去, 能將所有對手擦子膠彈出檯者為之贏. 所以, 沾貼力強而 size 夠大的擦子膠贏面最高. 於是, 同學彼此間進行「軍備競賽」, 將零用錢用來「投資」買舊「勁」的擦子膠. 這對小四才擁有每日兩蚊零用的 Billy 來說, 輸蝕得多, 所以, 彈擦子膠比賽總是輸多贏少, 幸而沒有任何賭博同輸釆頭成份 .

到小三, 比賽變得成熟和公道, 轉成在各人的筆盒和間尺組合而成的擂台大戰, 被人彈下擂台就輸. 擂台大戰較成熟和公道正如傳道書話:「快跑的未必能力贏, 戰的未必能勝......所臨到眾人是在乎當時的機會.」 神的話語, 果然是放諸四海皆準.
這樣看來, 多勞唔一定多得, 可能唔公平, 但對弱勢社群而言, 可能較公道.

小四有零用, 因此世界變得很美. Billy 把1/3零用儲起來, 用小得戶口買紐元做定期, 1/3俾比比買野食, 留下 1/3買野食同模型以及致力擴充其擦子膠儲備的強勢集結浩!!

那時, 同學轉用擦子膠玩衛生麻雀. 但由於麻雀要動用大量「大會」指定的英文字母擦子膠, 對於每個字母的數量亦有要求. 所以在校內文具部曾軒起一輪字母膠搶購潮. 由於如此派場的比賽, 不是一位同學能承辦得起, 通常要3-4個同學個「主辦國」.

在小四全盛時期的, Billy 有130舊擦子膠, 當中有41舊字母膠(相信亦比不上 blog 友小癡的集結咁酷).
最後, 被老佛爺以「莫須有」的罪名封殺. 幸好有比比仗義相救, 擦子膠才得以保存.

小五, 正值90世界盃, 彈擦子膠比賽用來了脫變. 放支筆架起鐵筆蓋做「龍門」, 將擦子膠射入龍就得分. 如此進行分組 - 16強 - 8強 - 4 強, 決賽, 互射 12碼戰.

至小六, 彈擦子膠比賽被小五才興起的各式猜枚遊戲成為主流, 開始變得不受歡迎, 及至中一, 兩樣都完全絕跡, 因為同班同學仔個個都要扮大個, 話彈擦膠同猜枚低 B喎!

至於 Billy, 由於中一移民, 移民時將1/3擦子膠從「故宮」偷運了出來, 一直保留著這種小學流傳的遊戲同文化.
直到中三, 四時才被老佛爺抄家, 將所有擦膠 + 模型丟掉. 現在遺留下來的擦子膠, 只有「故宮」裡比比保存的 60-70舊. 比比返天家之後, 擦膠落在陳圓圓手中, 它們的命運如何就不得而知.

投資講座: 投資選擇

今次講都仲係唔係太順, 仲要進步 D. 另外, 原來 youtube 唔受超過 10分鐘既片, 攪到我又要 post 去 blogspot. 但 blogspot 好慢, 等成個鐘先 load到.

Finance 101 investment selection

本來要幫 Carol 將首英文歌翻做中文, 教會主日學材料又要月尾交俾牧師過目, 仲有兩份 tax, 死啦! 乜都未做完. 聽日仲要睇樓.

要努力 D先!! 求主俾多 D智慧我 .

今次新增了經濟數據分析, 多多指教:

Bilibala comment 09 week 26

蘇州屎

呢兩三日工作好疲累, 有個同事又走, 尋日最後一天. 佢篤蘇州屎, 成個強積金 report 交給我接手. 乜都唔知, 但今日要交, 死未!!
幾年前曾經問個 x-manager, 強積金壇野係點?
X:「買個薄餅比我.」
Billy:「薄餅?」
X: 「我將個薄餅擲埋牆然後你嘗試砌番一模一樣, 假如你 ok, 就研究到強積金壇野.」
有次 X同我講:「要了解強積金 report, 比駱駝穿過針眼, 又或者研究一支針上面企到幾多個天使更容易...」(滴汗 lor)

今云個同事走, 走之前話:「好簡單乍, 我做晒, 你淨係叫人簽名就 ok.」
點知個核數屍話:「點解份 custodian (代管)report 的基金價位同份基金年報價位唔同.」嘩! 我點知? 同埋最火係: 你又唔早講!! Deadline先講, 你點核數?

查 左成日, 先找到個核數屍講果十幾個數. 打開本厚厚的基金年報, 一邊對數, 一邊恥笑 D基金投資屎雞. 「乜都買, 上面既朋友(雞金部 8樓, 我7樓)你知點知自己做乜?」睇到一度, 原來公司有買 Google, 哈哈哈, 不過, 更大發現是: 公司 Google D 貨都唔 Billy 多. 忽然間好有成功感, 覺得自己居然多錢過公司, 哈哈哈.
其實唔係真, 不過做到好疲累, 當做鼓勵.

除左強積金壇野, 隔離投屍部被炒之後, outsourcing team (外判部) D數對到我死, 但冇個岩. 2個月, 都係果個死樣, 依然錯漏百出, 第二季我都唔知點死.

開會開左幾次, 教埋佢做, 又話叫佢唔洗驚, 你唔識, 我坐你身邊, 教到你識為止. 點知一個屈尾十, 仲夠膽死push back D 工作俾我個 team, 唔 Do 喎!

豈有此理, 我做晒 D野, 要你做乜? 新來新豬肉, 學人咁大聲! 於是, 走去同老細投訴, 結果, V.P. 走去鏟佢.
何必敬酒唔飲, 飲罰酒呢?

依然果句, 你唔識, 我坐你身邊, 教到你識為止.
但係要伸出友善之手, 我先可以同你握手 lor.

09年夏令營(5) 友伙心

這次夏令營, 梵高沒有教我們畫抽象畫, 卻和我們玩了一個有關抽象畫的遊戲. 透過這遊戲令我們認識到人與人之間相處的困難, 以及如何處理人與人之間的衝突.

遊戲是成班圍個大圈, 兩人一組, 一開始, 梵高給圈中人一副抽象畫, 又給圈外人一副一模一樣但被剪碎了的抽象畫, 圈外人要靠著圈中人提供的指示, 玩鬥將剪碎了的抽象畫回復本貌.

兩人要背對背, 單靠用口溝通, 絕不容許(但無可奈何地任憑)圈外人偷望那副完整的抽象畫.

圈中人圈外人七嘴八舌多時, 砌來砌去砌唔出樣, 除了砌生豬肉之外, 什么也砌不出來. 想深一層, 人與人相處好多時亦有好多障礙同限制, 你同我因為不同背景, 立場, 學歷, 職業, 信仰, 階級, 性別, 種族......有人拿著幅畫, 有的拿著砌圖.
結果, 變成背對背, 雞同鴨講, 越講越火.

睇下肥肥人, 用盡最 flexible 的方法, 頭側左, 連紅都面埋(肥肥人金句), 但小 Mike依然一頭霧水, 越砌越愁.

原來這個所謂遊戲, 說穿了其實是成班集體被梵高玩的遊戲.
圈外人手上的砌圖少了一塊, 任你點砌都砌佢唔入. 加上幅畫所有抽象圖案都在混淆視聽, 所以砌唔到係正常, 砌得到果個係 K 型.

當大家唔岩嘴型, 例如一個 O 嘴而另一個 C 嘴時, 就會發生衝突.
不過, 通常人以為衝突是負面. 其實假如懂得處理, 衝突是可以非常正面, 除了加深彼此的認識, 達成一定共識之外, 仲可以從對方身上/立場, 學到另一套觀察人事物的方法/角度.

梵高開估了答案, 又從口袋中將少了的一塊給了我們, Billy還是要花一段長時間才砌出來(証明 Billy真是個圖像白痴).

玩遊戲衰左不要緊, 可以經一事, 長一智. 生活亦一樣.
梵高話處理衝突有好多方法, 按不同情況可以逃避, 有商有量, 先斬後奏, 遷就到底, 或者一人退一步. 能夠知道自己慣用的那套方法之餘, 學多其他方法對處理衝突就會事半功倍.

更重要是: 負面衝突通常是情緒問題和口臭引起. 當你紅都面埋果陣就乜都冇計傾. 不過有時好難, 泥都火埋果陣, 點急凍? 唯有求主幫助, 向主申訴/發洩悲忿 lor.

送俾大家, Philos 友伙心.
歌詞講到「發生碰撞慚傀; 火花擦亮才矝貴; 基督裡培養一種默契.」

衝突會令人與人發生碰撞, 但矝貴的火花唯有經過碰撞才會擦出. 至於冇 common interest 共同興趣的人? 可以透過在基督裡培養一種默契.

同各位共勉!! 希望你鐘意首歌.

Philos 友伙心
作曲: Sandra Wu 填詞: Billy Lau

With my (your) friends一起走過因每人有顆心,
有心去在各樣甜酸苦辣裡共渡時間.
若結識一位知音聽我(你)盡訴傾心,
會相見恨晚但誰可保證真心不變卦?

試問誰會像神為我(你)竟甘心犧牲?
試問誰會有如基督令我(你)再度重生?
In my (your) life 可否感到主愛長闊高深?
捨身救贖我(你)又能開解我(你)心底牽掛;

人在各自各追踪一生的志願夢想;
人為愛互愛才值得珍貴;
友伙心會令人無計得失彼此靠近;
維繫每段情誼不變是神恩.

In Christ 一起走過因每人有顆心,
有心去在各樣甜酸苦辣裡共渡時間.
In Christ 一切隔膜可變成「友伙心」;
發生碰撞 - 慚傀;
火花擦亮才矝貴;
基督裡培養一種默契.

阿崩叫狗

細個喜歡在地鐵口的街邊, 見擋買擋, 食完腸仔食魚蛋, 再食碗仔翅, 生菜魚球. 那種偶一為之的街頭風味是正正經經的飯店所無法取代, 三個字:「過晒癮!」

尤其是周六日, Daddy 媽咪帶我去大埔踩單車, 經過吐露港, 踩到14鄉/大圍. 海邊有魚蛋, 又有雞翼同腸仔, 是我每次指定要食.

03年去北京, 王府井有好些小食擋.
$5一串, 都唔平, 但我只花了$5, 就飽到我.....

話說成班團友, 話 D臭豆腐黑仔, 好惡心, 又話羊肚D味好怪......
怪就唔好買, 買左又冇信心食, 幾浪費都有.

班團友s話佢唔食, 問我食唔食喎?!
「你肯唔肯幫我? 你肯除去我既不潔淨嘛?」
我個人出名好人, 樂於助人, 而且大有信心, 被為食所充滿, 滿有能力.
當我見到班團友咁可憐, 就動了慈心, 伸手摸住串臭豆腐, 話:「我肯.」然後將成塊羊肚挪過來. 班團友就立刻笑逐頻開, 好似重新得救咁.

班團友s見到我食到津津有味, 問:「我見你食得咁好味, 係咪好好味架?」
我答:「係咪想食? 俾你食, 你地仲有好多喎.」
「唔洗, thank you.」
(come on, 唔洗同我客氣喎!)

唔知大家仲記唔記得當時那個反街邊小食的廣告:

街邊非法流動熟食小販
唔單止整既時侯唔乾淨
賣既地方更加污糟到得人驚....

個廣告其實拍得好嚴肅, 但每次睇我都會發笑, 而且這個「反」街邊小食廣告仲提醒我, 好耐冇食又係時侯去見擋買擋.

點解一個反街邊小食的廣告會變食提醒我去享受街邊小食的廣告?

最近讀本書 Buy-ology, 講到各國政府花許多 $拍反吸煙廣告同宣傳, 但煙民卻與日俱增. 有 8間企業花了700萬尾金俾作者做研究, 訪問煙民這些反吸煙廣告的果效.
調查結果是: 非常有效.

於是作者用類似測謊測腦腺素的方法再訪問.
調查結果是: 反吸煙廣告對反吸煙是有反效果. 即是說那些貴到爆的反吸煙廣告反而令煙民更加不能不吸煙. (真諷刺)

Buy-ology話人不是故意口是心非, 只不過是決定權主要在乎心中的感動, 而不是理性的是與非. 有點似聖經羅馬書講心中有兩個律, 令我們掙扎. 任何人都知麥當勞叔叔不算健康, 但那份美好回憶(參甜蜜蜜)勝過了是否健康的律, 而且那份美好回憶會透過我再去探麥當勞叔叔得以累積下去和不斷強化.

決定權主要在乎心中的感動, 次要才是理性的是與非, 其實是神造人奇妙和偉大之處. 愛本來就是感情多於理性, 神自己都是愛, 如果根據理性, 我地班衰仔點值得愛? 仲肯釘十架? 根據理性, 早頭啦!

Daddy 媽咪愛仔女, 男歡女愛也是一樣, 愛是不計算人的惡但又喜歡真理嘛!

(問題是我們愛的對像是什么?)

最近, 正生書院同梅窩居民的衝突越演越烈. 究竟故事之後發展如何, 不是我最憺心,

我最憺心是全香港學生的索 K情況.
政府, 教育界, 家長, 警方如何處理, 糾正同改變校園索 K的風氣?

梅窩居民指正生書院的學生是「吸毒仔」, 「吸毒妹」, 事實是正生書院學生在一個「封閉」的校園中寄宿, 是零吸毒率, 也就是說它有可能是全香港「吸毒仔」, 「吸毒妹」最少的校園.

但香港只有一間這樣的書院, 問題多嚴重!!
政府居然沒有這方面的 funding, 沒有具體支持辦多一類這樣的院校!! 對普通中學的支援又有幾多? 更難的問題: 要點支援? 點扭轉歪風呢?

這樣的反索 K廣告成效有幾多? 會不會和反吸煙, 反街邊一樣?
我大學讀過 marketing, 近一年讀了不少 marketing 書. 發覺在這個高舉消費至上的社會, marketing 同廣告好 powerful.

但用 marketing 手法去 de-marketing, 用 promotion 去 de-promote 又 work 唔 work 呢?
點解大學/坊間冇書教 de-marketing同 de-promotion?