新豬門怨

豬 P. S. , 之前想買, 想買, 但又不捨得買. 如此思前想後了一年多 (Billy每次 shopping都是如此), 今個月終於從蝸牛手中買了一部豬 B. S. => 一百蚊雞再加稅, 是屎雞牌, 4.3寸手觸感應螢光幕, 有人聲點你轉左轉右, 又會叫出街名.

好開心地打開個盒「玩具」, 一邊充電, 一邊看說明書, 但張說明書(是張說明紙)簡單到極點, 沒有說明任何東西, 看完比起沒有看更胡塗.好不容易忍了一晚手, 一早開著那「玩具」, 開車漫無目的地為遊蕩而四圍遊蕩, 但只聽到個豬 P. S.不停地湯豬咁叫: "G.P.S. signal not find." 但叫極隻豬都唔醒.當場激到我越兜風越覺興, 攪到勁冇引.

唯有打 384838 打電話問蝸牛功課, 教我如何叫醒隻死懶訓豬 原來隻衰豬要曬太陽先肯醒, 真識歎.叫醒隻豬, 即時輸入些地方(不知豬 P. S.能否帶我去「天腳底」, 彩虹的彼端等地?), 點知隻豬 P. S. 居然咁鬼嘈, 不停開口話我超速, 又話我唔聽佢點, 總之不停 B.S. 找了一大餐, 才找到舊「綿花」, 叫佢收聲. 因為我最唔鐘意人話我超速, 仲要不停果隻.

但叫佢收聲之後的第二日, 小得用一陽指神功點了隻豬的啞穴, 豬 P. S. 從此不再說話又唔肯帶路. 結果, 有次去街(就是第二次去探日本老夫妻), 比隻豬老點我在小路搏命兜, 又唔出聲同我玩冷戰, 害得我顧住交通情況又顧不到隻豬, 幾乎炒車.

原來溝通, 培養感情真的十分重要, 不然, 豬 P. S. 比豬流感威力更大, 可以隨時令我斷送小命. 正因為豬流感和豬 P. S.如此可怕, 我怕左佢, 不想繼續這場冷戰, 於是, 不斷在豬 P. S. 會一個部位( function key)篤來篤去, 尋求解穴方法. 情況有點似韋小寶不停的在小郡主腋下篤, 但始終解不到穴時那份愁. 人地同小郡主解穴, 我要同隻豬解穴, 喪愁, 點埋「死穴」 reset都冇用

搭檯

放假去飲茶. 多人到爆. 但原來只要肯搭檯就會好快.
一壺茶, 兩壺, 三, 四, 五, 六, 一張檯 6班人, 變態地多元文化!

小時侯在香港搭檯會捲起塊檯布分清楚河漢界, 但加拿大不會. 將六塊檯布捲起, 場面才壯觀, 可惜!

9 菜豬紅, 又令小得和我懷念細個果陣在澳門食的鴨血. 可惜現在的鴨血溝了雞和豬血大不如前.

搭檯的人還會搭嘴, 一講起鴨血就勾起正對面那兩公婆心中那團火, 一齊來「往事只能回味」. 想到往事只能回味就想到尤雅, 好鐘意佢, 有她的黑膠片, 但不知放在那裡了, 哈哈, 可能是老佛爺將珍妃放在井裡.

牛什, 最正是索滿汁的白蘿白, 認真夠索, 而且不太淋, 好.

搭檯可以看出人生百態.
有位阿姐一個人來, 走來走去, 不停叫點心, 每塊只食一舊, 然後全部打包走.
又有兩個菲律賓女子, 不出聲, 不對話, 一味食;
有個阿伯叫兩個點心, 坐足成朝, 歎報紙....

蝦餃, 肉唔錯, 皮厚左D.

以前食過間中餐館, 荀尖鮮蝦餃, 是冇荀冇蝦只有肉, 真好笑.
這叫往事不堪回首.

連碗粥都只是 $1.7, 算平.
菜乾咸瘦肉粥, 還是土瓜環那粥檔好味. 果日飽到上頸, 話明唔食仲鬼死咁熱 mout 街邊都食得落.



甜品冇興趣, 但小得同老佛爺都最愛.

Shall we talk 之忙亂

忙亂, 忙亂.中文將「忙」和「亂」兩個字放在一起, 有意思.忙就容易生亂.

最近好忙, 未致於亂, 但卻令到心情不太好. 是因為太多未做完的事? 還是什么呢?

這幾晚禱告, 也向神投訴公司和教會的事情太多.

感覺上, 人家只懂不斷的壓東西下來叫你完成, 不斷的將難擔的擔子放在你肩頭上, 卻不理會你的感受, 他們既然聽不到, 我也懶得去再講. 公司事務多, 有人工收, 也算不得什么; 在教會事務多, 再不斷加下去, 冇人工收, 也不介意, 但也不要將它看做應份似的, say No 嗎? 就轉個方法, 喋喋不休的勸你 say yes.

我明白亦體會教會的心腸, 盼望所有人透過生命成長, 這原是好得無比的, 但「做到隻牛咁」是否一個最有效的成長方法? 我有好大保留. 就正如回流香港的朋友認為「做到隻牛咁」等於無悔地接受挑戰和趁年輕闖一番, 差不多, 都是好得, 但是否最好, 則因人而異, 視乎你喜歡外國的散慢生活還是香港的急速節奏.

套用林夕 Shall We Talk 歌詞的一句:「孩童只渴望歡樂, 大人只知道期望, 為何都不懂努力體恤對方? 大門外有蟋蟀, 迴響卻如同幻覺, shall we talk, shall we talk.....」

星期四晚上, 我又如常的禱告, 這次聖靈提醒我一些事:

1. 向公司和教會「自首」, 承認自己不行, 在未出現倒下來之前的情况下發出預警, 我想對所有人都有益處 (因為很難 expect 別人像「相士」般, 看穿你的心情, 忙碌程度等);
2. 向公司和教會 say No, 不能再接新的 projects / 事奉, 做太多, 做不好, 也徨論有什么成長(在公司和教會也一樣);
3. 不妨利用最近的忙碌, 去沖洗沖洗一下自己, 去淨一些 non-core / 不合神心意的生活方式/壞習慣, 又借此建立健康生活, 例如: 飲食上和運動等, 為下次來的衝擊做好準備;
4. 為每個和自己處境差不多, 同是天涯淪落人禱告

除了在禱告時向神投訴, 透過寫 blog 去了解心情, 寫出心情, 整理心情和平伏心情亦是 Billy的另一強項. 因為分析和解讀是 Billy每時每刻的使命, 是神給 Billy的恩賜, Billy分析聖經, 分析經濟/公司.....自己的內心世界也是分析的對象.

最近忙是導火線, 工作繁重也是近因, 上述對公司, 對教會的嘮囌可能也只是某刻的感覺而不是事實的全面.但真正構成壓力, 乏力和不快的原因未必是它們. 那么, 又是什么原因呢?

原因有幾個, 下篇為大家分享其中一個罷!

忙到爆

這個星期非常之忙, 公司趕 quarter end 季報的同時, 基金裡的30間企業又出季報, 兩方面都要進行分析, 另外又要玩報稅(嘩! 我自已 D退稅還未收到), 放工後, 又有教會會同查經班, 個查經班功課多到癲, 好似我什么也不用做似的....

下個月有人邀請我講投資/退休講座, 要開始 prepare;
5月個 camping 話要翻譯一首國語歌, 又話要作首新歌比人吹緊, 希望今個周末完成.

簡直忙到爆廠, 幸而未有爆瘡.

不知是 Yahoo blog定我個 network 有問題, 神神地, 慢吞吞, 更費時.

咪高積塵

今日放工回家, 小得話天花板上的抽氣扇患了肺積塵, 叫我幫手清潔吸塵.
嘩! 估唔到把抽氣扇咁沙塵, 多到成幾 cm 厚. 個風口 D塵多到好似一條條布咁塞住整個風口, 用勁抽吸塵機勁抽, 任我如何抽來也抽去, 都抽唔惦.
反而抬頭舉手一陣, 害到腰骨痛.

小休5秒鐘, 小得在工具箱之中拿支螺絲pie來, 一個刮, 一個吸才慢慢攪惦.
哈哈, 忽然覺得好似牙醫洗牙, 一個刮, 一個吸, 不過我地向上對住個風口, 唔係向下對住人個口.

參透玄機

這三四日 Yahoo blog 死死地, 今日終於可以 upload 相 .
早前同大家分享過吃不到好清高的好清香, 結果去了江南小廚....(參三顧草蘆)
前兩日又再食過番尋味. 皆因老佛爺知道我帶了小怡去, 嚷著要我帶她去試試. 老佛爺叫到, 當然要請她食一餐.

今次叫了二和菜, 但點了不同的菜式. 再次望著那個令我百思不得其解, 為何加了 5毛8的神奇餐牌, 再度思索箇中玄機.

迷團終於被我參透.
3年前, 加國安省的銷售稅(GST + PST)是 15%, 上年改為 13%.
之 前將和菜定價為 $15.8; 23.8 和 $31.8 是令到客人在加稅加小費後, 會付 $20, $30, $40. 而 $0.58, 正好是配合那 2% tax cut, 令客人在加稅加小費後, 依然是付出 $20, $30, $40的同時, 餐館毛利增加 2%.
當然亦方便找續.

它的午餐亦非常經濟實惠, 可惜公司附近冇咁筍 :(
全都貴到死.

炒蒜蓉波菜, 細細碟, 但咁至夠鑊氣.
而且波菜食太多, 會有苦澀味.

小得話, 食江南菜一定要試東坡肉. 究竟東坡肉是否真的是蘇東坡發明?

1/4寸肥膏, 1/4寸瘦肉再加1/10寸肥膏和1/4寸瘦肉.
這是東坡肉的黃金分割, 好味, 入口還有種食野豬的感覺.

健康緣故, 還是將那1/4寸肥膏獻給天上的主, 來有十/三奉獻.
這樣食到天一半, 地一半, 才算健康又合神心意 .

叫多半隻鹽水鴨, 超有水準.
皮光, 肉滑, 咸咸, 濕濕, 正!

皮下脂肪不少 出得來行, 顧不得太多.
浸水過水功夫做得好, 令鴨皮晶塋通透, 爽而不油;
浸過外國咸水的朋友, 連肉連骨都是咸咸, 濕濕, 難得是如此入味但又咸得恰到好處, 令你覺得這隻鴨咸得有道理.

江湖救急

呢兩日 yahoo blog不知為何, upload唔到相片
令到想 update 食物也不行.

試用 Internet Explorer 或 Firefox 也不行.
嘩! 好唔開心呀!

有冇 blog 友可以幫下我 .

顧問

什么是顧問? 即是照顧和答問.
現在無論是企業, 政府或志願團體, 都喜歡聘請一班又一班的顧問, 就連我公司亦不例外. 請了不同的會計師, 律師(仲有維他命 C同心思思)來為公司上下把脈兼照肺.

尋日, 顧問 ABC 和一班高層開會. 提交公司的健康狀況報告, 和推介一班高層食邊隻維他命 C.

公司健康當然唔多好(你做顧問, 乜都話好, 鬼請你), 話我們 projects 太多, 人手太少. 未來要請人, 要 cut 咁D 無謂 projects.
開會之後, 我同老細講:「果D問題同答案, 我一早知啦! 我每季都同你講架.」
我下屬聽完開會內容, 更谷氣:「問題同答案都一早知, 點解仲要比咁多錢, 請班顧問來話比我地聽?」

做顧問真係好爽, 收幾百蚊個鐘, 同公司上下照長命肺, 然後提出幾個問題, 比幾個方案你揀, 幾十万袋袋平安. 其實, 問題? 間間公司都是那幾個, 方案亦一樣, 而且公司間間有本難唸的經, 知易行難, 比完錢, 講完一輪, 可能什么也改變不了.

不過, 為何全世界各大公司都捨得花幾万幾十万幾百万的顧問費去提出老生常談的「廢」腑之言? 難道錢太多? 定還是所有「廢」腑之言真的有用?

有幾多次屋企人同你講肺腑之言而你又聽?
正因為係屋企人, 越大條道理的說話不就越難頂, 越難接受?
因為從來不是誰有道理我們就聽從誰
而是我們聽從誰(buy邊個), 誰就有道理(就buy邊套).

一家人如是, 一間公司更加如是.
公司講士氣, 講和諧, 叫誰做這個醜人去提出方案?
公司同事朝見口, 晚見面, 你話你係泥菩薩, 誰信?
顧問就可以充當「醜人」和「菩薩」的角色.

所以, 公司什么也找顧問.
如果你屋企有講道理無法達到的和諧改變, 不妨找顧問幫手.

話題

和朋友出街食飯, 除了「諗去邊度食」傷神, 那怕是男性朋友還是女性朋友, 最怕冇話題同有 dead air, 同男/女朋友食飯就更怕.
Shall we talk 歌詞不是說:「情人在分手邊緣只敢喝湯」
怕的是:「沉默似金, 還談什么戀愛?」

又同小怡食飯, 食過幾餐唐餐, 轉食西餐.

有趣是: 為什么和家人食飯反而不怕冇話題同有 dead air?
不少人同家人在家食飯, 只會望著電視「螢幕發光, 無論什么都看」;

今次去一間叫 The David Duncan House 的高級西餐廳.
我總共去過 7次左右.
看天花, 走廊, 欄杆, 坐燈以致擺設, 自有一份古典色彩.

曾見不少人同家人出街食, 有的只會看報紙, 雜誌或者玩手機, S.M.S. or D.S.「情願在發聲機器面前笑著忙」, 不談不上一句半句, 真奇怪.

焗牛油蒜蓉包, 可以夾酸瓜(Piccolo, 即係魔童), 橄欖, 或者點酸忌廉(我愛小忌廉, 可惜那兒只有酸忌廉).
夠晒脆, 難得乃保留到包身的鬆軟, 一定不是翻叮.
美中不足是 "lone" 左 D, 油左 D.


有時同團契食飯, 個個話題離不開行街, 睇戲和娛樂圈.
我這個講時事, 歷史, 政治, 財經和聖經的小數派慘被看成反常.
有的笑我因為老是講這些悶透的 topic, 係冇姊妹會喜歡聽.
真是荒天下之大謬!!

日日講娛樂圈, 陳冠希, 衛蘭, 白姐姐....難道又不悶么?
不過是人夾人, 何必這樣咒詛他人?

頭盤可以揀沙律或者餐湯.
沙律也不錯, 除了可以揀不同 dressing, 還有不同顏色的有機菜.

港男/女講女/男節目笑稱港女物質主義, 公主病, 而港男則是電車男, 冇內函.
但假如港女有氣質, 是否更吸引到港男?
又假如港男有內函, 是否更令港女傾心?

古人話門當戶對, 真是一語中的
你有氣質才會喜歡有內函, 不然你只會覺悶;
你有內函才會喜歡有氣質, 不然會令你拘緊.

介紹小怡食這個 Prime Rib.
牛扒 5成熟, 出面有燒烤味而裡面 juicy, 肉質鮮嫩而帶著脂油, 而且份量十足.

至於我食過 Prime Rib 好多次, 試食鴨胸.

廚師用秘制橙汁夠開胃, 亦凸顯鴨肉甜中帶酥的美味.
雖然沾滿橙汁, 但仍然脆皮, 肉質較雞肉結實, 而比牛肉嫩滑.
相比我們廣東燒鴨, 另有番滋味.

重大發現是: 原來小怡亦有投資. 投資股票和談論股票.
雖然她平時不多提及, 但不似得教會有些人什么也不懂, 也不理, 扮清高, 彷彿視錢財為糞土, 叫人不貪錢, 自己其實也很憂柴憂米. 這等假冒為善之人最難頂.

總而言, 你唔投資唔講股票冇人會話你.
但你唔可以話人貪錢, 唔可以幸災樂禍嘛!

能夠敢於在教會/團契(當然不是崇拜/聚會進行中)群體中談投資股票, 對我而言就是一份勇氣和誠實. 當然不是走上貪得無厭這極端之上.

小怡居然肯分享, 而且還有認識和留意我隻 number 2 第二號愛股, 我對她又多了一份欣賞 , 除了聖經之外, 又多個姊妹和我有這個不為清高人仕認同的共同話題.

叫了個士多卑梨雪糕, ok la, 普普通通.