在今天社會，這樣的宣告一定死得。君不見可口可樂廣告，"人若到我這裡來，就能解渴。不過，會令你不停咁飲可樂，欲罷不能。"
難道永遠再不渴？
我心諗，如果活水除了一次解渴，永遠不渴，本身味道如何呢？
會否像我們中國的苦茶，就算能醫百病，藥到病除，飲既時候都苦過哋哋，你唔會想飲多次。
你可能會反駁，話我不能以耶穌的活水類比作汽水或苦茶(sorry, 我呢個人讀聖經比較搗蛋)，可是，在聖經另一處, 阿馬太話，"飢渴慕義的人有福了", 也就是說，聖經教導人，有不必再渴似有神仙肚時候，亦有必需飢渴似乞兒既時候。咁究竟幾時同對住乜野要神仙肚，對住乜要餓狗搶屎呢？
在沒有自來水的古代，乾燥靠地下水的中東，由井裡打水是一件必需但又費時失事的粗重勞動。所以它除了代表身體基本需要，也是生活奔波勞碌的追求飲食，渴想衣裳的一個象徵意義。於是，渴了活水不再渴，就即係人有了主，耶穌，就滿足，不用再拼命追求物質，為冇飲食憂慮，為冇衣裳發愁。
可是我會奇怪，為什么今日教會出了一怪現象，我們對井水就繼續渴求。對住聖靈的奶水，胃口反而不多，真係做到人若喝了，就永遠不"喝"的忘我境界，卻又能自我感覺良好，這是為什么呢？
真真永遠再不渴
話說當年果個井旁撒瑪利亞婦人，飲左活水之後幾年的某個深夜，又來到井旁打水，遇到一個人拍佢膊頭。
婦，"耶穌.....對唔住，我又來偷水飲，我唔想架，我真係唔渴架！"
某，"小姐，唔洗驚，我唔係耶穌，請問，可唔可以分尐俾我飲？"
婦，"飲水唔好架，要飲就飲活水。"
某，"那你為什么深夜出來打水？"
婦，"先生，我看出你係個牧師。你地話，事奉該在教會内還是教會内？"
某，"我老老豆豆的話你知，真正事奉要為神，唔係為自己或為人。如果你知我有幾把炮，你就早求我，我就將椰青俾你。"
婦，"主耶穌給我們活水同靈奶，你唔通比佢仲巴閉？"
某，"人飲了活水，仍然要不斷飲奶，仍然渴想飲俗水，好似你咁，打水要偷偷摸摸，但食左椰青，今世來世也不用這么煩打水，煩揸奶，又充滿罪疚。"
婦，"咁你快尐比椰青我。"
某，"好好記住以下食用椰青既正確心法：
1. 相信幸福音，一切由神安排，咁飲幾多水都唔會feel guilty.
2. 相信愛主就得，靈奶只係頭腦知識，多飲無益。飲得少先可以保持謙卑
3. 相信合一，而你唔係完全，又唔係全知，當教會同社會有問題，你就要包容，慢慢的學會不說，慢慢的學會不動怒，咁你就永遠也不渴，不至於因為自命飢渴慕義而動了義怒，得罪神，因為口渴就代表你認為活水冇料到。
你若充充足足有呢幾樣，就能不致閒懶不結椰青了。
那婦人聽了，歡喜若狂的抛下水瓶，對城裡半夢半醒的信徒傳那幸福音, "看哪！某人對我什么也不知，就能把一切歸納為神安排，愛主同合一就得，我地以後都唔洗後奶水同義口渴，也不用為喝多了井水而憂愁。快去，快去看"
城裡的人去了，就相信，"現在我地唔係道聽途說，係有親身經歷才信了。"
由於信徒個個食椰青，食左又看似滿有能力，人們開始稱基督徒作椰青(或椰能 = 看似滿有能力的椰青)，就是從那時開始。
活水叫人永遠不渴，但靈奶卻叫人飢渴慕義，兩樣都看似其甜如蜜，卻又苦不堪言，然而食了椰青，就一勞永逸，你會點㨂呢？
Posts
