Translate

Monday, October 29, 2007

天荒夜譚

係好細過果陣, 就開始睇 1001, 阿拉丁神燈之類既卡通, 都係由千多年前流傳在近東阿拉伯一帶既故仔, 不過最近, 有位朋友不惜係香港打長途電話比我, 同我講左一個鐘頭故仔, 去介紹依家香港最潮既故仔, 就係阿里巴巴(1688)呢隻股仔.

ALI, ALI BABA, ALI BABA 跟蹤土匪好細心

ALI, ALI BABA, ALI BABA
跟蹤土匪好勇敢

芝麻開門 芝麻開門 明白了 明白了......

市盈率 106.3(即係如果冇增長, 1064個月年才翻本)都可以超額認講 250, 以最高價$13.5一股集資116億元, crazy? 不過對比當年Tom.com (8001, 又係超人攪出來既蕉皮), 係冇業績之下超額認講6佰倍, 阿里巴巴其實好理性嫁la, 連續三年70%收入同盈利增長.

於是, 我上網睇左阿里巴巴既股仔書, 果然吸引過Harry PotterDa Vinci Code. 阿里巴巴業務主要係透過B2B, 為中國中小企建立出口/內需既網上採購平台, 按過去五年增長GDP11%, 出口上30%, 網上用户上24%, B2B用量上70%, 阿里巴巴呢隻股仔似乎的確唔係天荒夜譚既故仔咁簡單. 不過又睇番當初上市既中國移動(0941), 坐擁市場專利, 政策傾斜同高增長高回報率行業三大優勢, 一上市就升到$80, 同樣係市盈率100, 當時市值一度勁過大笨象(0005), 但科網泡沬爆破, 跌左82.5%, 之後用左8, 076月先去返$80. 阿里巴巴會係下一隻Google, 定係Nortel, 依家都冇人 care, 最重要係IPO一出, 高買高賣, 憑信心, 總會有傻仔接貨, 又或者有咁既想法: 「如果Tom.com可以一上市升3.4, 要求阿里巴巴帶我坐飛氈, 番兩番都唔算過份?

Billy來講, 我依靠神, 又相信「股神」Warren Buffet果套, 投資唔係玩賭大細, 而係boxing dayfutureshop掃平野咁. 不過香港人連郵票/首日封/四驅車/麥記Snoopy 公仔都可以炒餐死, 睇怕真係唔識死. 用瘋癲去形容依家個市, 完全唔過份.

超人二萬點話有泡沬自己又入貨玩陰濕, 而四叔就二萬五, 二萬八, 三萬, 三萬三咁唱, 兩個唱雙黄咁, D人講既野要好小心聽, 佢地升賺錢, 跌就賺更多錢, 跟住佢地冇着數.

連股票係乜都唔知既女仔, 同我平時冇乜兩句既男仔, 香港long d我既朋友仔都同我講佢買左股仔, 何必要做養金魚缸「亞伯」, 比人殺鬼死? 或者今次神會悅納該「忍」多D, 仲要笑亞伯抵死 :P

開市到中午收市, 寫完呢篇文, 唔夠兩個半鐘, 個市直逼31500!! 我真係要為小股民好好禱告!!

泡泡浴場

今日, 香港人人都冲緊泡泡浴, 個個好似患左瘋牛症咁, 令我想起卡通<<千の千尋>>既一些片段: 千尋在一所幽靈浴場打工, 遇到一個冇面鬼, 由於冇面鬼有錢, 於是整個浴場既人都爭相去服事佢, 等佢派錢, 除左千尋之外...

(下面提及幾位朋友既投資意慾, 睇左, 發覺講緊你唔好嬲. 好好錫住你D血汗錢, 錢唔易賺, 賺到係神既恩典同努力既成果.)

*********
股民甲「個市幾時/升到幾多先爆? 」
Billy:「我係先知(神既代言人)但唔係未卜先知, 我知幾時爆, 股神就走開 la, 因為佢都唔知 ma. 賺緊100%/200%/300%/400%以上既, 有信心咪揸貨lor, 升升跌跌關你乜事? 跌仲happy! 有懷疑揸現金lor. 依家先入市果D? 咪聽做大閘蟹 lor, 蒸熟比肥姐食, 累人累己lor. 」
=> 人比較善忘, tends to忘記沉痛教訓, 所以肥姐先去食大閘蟹 lor.

*********

股民乙:「依家買乜好?」
Billy:「乜都貴, 最好買 cash, 進取D坐大笨象(0005), 再激D入股神個「孫」建設銀行(0939), 15% return per year應該冇走雞.」 點知我咁prof既suggestion居然冇人開胃:「大笨象唔郁, 建行又唔郁, 得15%一年(嘩你要幾多?), 我look for 30% in few months(果然後生可畏)....」
=> Warren Buffet每年22% return變第二首富, 15%每年同一次過30%, 邊過多D? 眼光放遠D嘛!! 註: 建行幾日內升15%到$8.27, 唔再抵買.

*********
股民丙:「你點睇隻兗州煤(1171)同中國鋁業(2600)?」
Billy:「我比較喜歡中國神華(1088), 龍頭, 又有1/4盈利來自發電, 一條龍, 但$49蚊太貴, $37以下我就考慮. 鑛產 is not my cup of tea, no comments.」
股民丙:「咁短線上唔上到$60?」
Billy:「有可能.」
股民丙:「咁我入, 你點睇隻江西銅(0358)?」
Billy:「我鐘意睇鐘欣桐多D.」
=> 上述D資源股一年內升左好多, 貴到嘔, 太depends on 原材料價格, 好似玩過山車咁.

*********

股民丁:「我想入中行(3988), 你認為好唔好?」
Billy:「唔好貪平, 入建行. 呢度係五行既數據比較, 建行最好, 第二交行(3328), 中行最屎.」
股民丁:「Thank you, 但我唔識睇, 我淨係想買中行.」
=> 唔識走去買都算, 數據又唔理, 夠胆買股票, 利害, 買亞洲基金算 la.

*********

滙豐話今年全港有近200萬投資户口, 當中48萬新客户, 投資股票客户由7成多升至近9成, 可以話進入全民皆股既<<大時代>>, 當中低收入/低教育/年輕人客户有上升趨勢, 情况值得我地關注.

可笑是: 「任人笑佢太瘋癲, 佢笑他人看不穿....」我地係吃不到葡萄是酸的, 還是替這種<<快賺時代>>既意識型態生活下既市民plus基督徒擔憂呢? Please pray for the investors, please pray for the Christians, and more important, pray for the one who not yet/haven't invest in stock market. 果D到依家仍未買/堅持唔買股票既人, 係香港生活簡直係活受罪, 荼餘飯後你同人講乜, 坐係度老僧入定? 唔買股票, 你傻架? 扮清高? 我換高清la, 你呢?

人地日日係你面前 show off(冇心, 分享之嘛), 你可唔可以既不幸災樂禍, 又不自怨自憐咁處之泰然? 係咪活受罪? 仲慘過SARS, 冇人同你同渡時間.

Sunday, October 28, 2007

順心認獻見証分享 @ GCGC

Hello, 我叫 Billy, 好開心返到來母堂分享我同神之間既經歷.

上年 8, 工作踏入第 7, 即係安息年. 跟據利未記, 安息年係1)有田地但唔收割, 2)關心社會同民生. 所以我1)賣左手上大部份股票, 學唔賺錢一年; 2) 增加奉獻1%; 3)學習為萬民代求.

今年 5, 神帶我返香港做實地研究. 1) 係香港, 見到好多人(包括我好多朋友)盲目咁抽新股, 又跟風炒股; 2) 去內地, 見到醫療衛生好差, 一個病可以令小康之家變成赤貧; 3) 去澳門, 見到好多年青人係賭場打工; 呢一年神教識我為萬民代求, 關心神所關心.

6
, 一個月之內, 我係債券蝕左好多好多, 蝕到好似螞蟻咁. 因為蟻蟻無論企係度/坐係度/跪係度/定係瞓係度, 佢都係爬係度. 我當時同神講:「我唔賺冇所謂, 你都唔好叫我蝕 ar.」神安慰我, :「聽話好過獻祭(撒上15:22), 你為左我, 放棄賺$, 去關心我所關心既, 我好開心(22:16-18). 如果你揸cash, 唔揸債券, 就唔洗蝕. 不過, 今次(唔係次欠)就當係借比我啦. 其實, 你既錢你既生命都係屬於我(1:18-19), 你要做又良善又忠心既管家(25:20-21), 為萬民代禱(提前2:1)

當我回想信主十年: 1. 大學果陣, 我願意多讀聖經, 比人笑我狂, 但感謝神, 係學業同揾工上傾福於我; 2. 畢業之後, 我願意過簡約生活, 願意金錢奉獻, 比人笑我寒, 但感謝神, 係生活同召命(即係事業)上傾福於我; 十年裡面對神有好多虧欠, 但當我擺上為主, 就有更多機會比神建立我, 祝福我.

想同大家分享一首詩歌, 歌詞講述大衛一生擺上, 建立聖殿, 但居然發現, 原來反而係神一直咁建立大衛自己既家. <<求主准許我>>

Wednesday, October 24, 2007

百花日式料理

周六和 Daddy去日本任食, Daddy不習慣出外膳食, 因街外水水質差, 不過日本任食例外, 因為壽司/魚生少水. 百花日式料理位於 middlefield 果間大统華隔離, 果日都幾多人, 出餸都算快, 但叫餸既輪侯時間幾長, 不過果位緣軍裝侍應都一再say唔好意思, 放過佢啦!! 服務算幾好啦!!

魚生新鮮, 切得都夠厚, 醬油冇加水, 所以Ok, 牛肉剌身太細片, 但幾好味, 天婦羅炸粉適中, 隔油功夫又好, 冇咁唔健康, 不過鐵板燒太淡, D鹽都冇果種鹽燒味......

Overall ok la,
大熊本好 D.

價錢: $18.99 (平時) + $2.00 (周末) + 15% off + 10% tips

評份:
味道 ***
服務 ****
效率 **
價錢 ***

Sunday, October 21, 2007

南非宣教分享 @ PGC

今早收到個email "remind"我聽日講差傳見證, 嚇左一跳. 我以為只是為明年 north bay reach the unreach program做promote, 點知變左講見證, 講乜好呢? 聽日張家齊牧師來講, 一位去了南非宣教既牧師, 而我就係係南非來, 就講南非la.

Hi, 大家好, 如果張牧師要去南非, 咁我就是來自以前南非, 我既青年時期就在南非渡過. 當初南非冇華人教會(或者係我唔知la), 更加冇福音書室. (所以我地係多倫多好幸福, 要珍惜 lor.)

我係香港本來信亦有返教會, 去到南非, 冇church, 星期日去左做生意, 慢慢就將主耶穌淡忘左, 後來有D牧師黎左南非, 借人地學校做崇拜, 係佢屋企攪查經, 慢慢招聚左一班基督徒, 咁我就唔係果D基督徒, 而係係大學一個叫Connie既姐姐同叫阿Tim既同學仔帶我去查經, 咁我daddy又透過某超市老細知道南非開左間華人教會, 於是開始返番 church. 後來移民加國, 穩定返church, 又係大學做傳福音的工作, 依家做主日學老師 tim. 正因為當年有一班有心人願意千里迢迢去南非, open佢屋企, 係大學, 係超市傳福音比我, 今日, 你同樣有顆心, 你願唔願意踏出一步? 想同大家分享一首歌 - <<友伙心>>:

With my (your) friends一起走過因每人有顆心,
有心去在各樣甜酸苦辣裡共渡時間.
若結識一位知音聽我(你)盡訴傾心,
會相見恨晚但誰可保證真心不變卦?
試問誰會像神為我(你)竟甘心犧牲?
試問誰會有如基督令我(你)再度重生?
In my (your) life 可否感到主愛長闊高深?
捨身救贖我(你)又能開解我(你)心底牽掛;
人在各自各追踪一生的志願夢想;
人為愛互愛才值得珍貴;
友伙心會令人無計得失彼此靠近;
維繫每段情誼不變是神恩.
In Christ 一起走過因每人有顆心,
有心去在各樣甜酸苦辣裡共渡時間.
In Christ 一切隔膜可變成「友伙心」;
發生碰撞 - 慚傀;
火花擦亮才矝貴;
基督裡培養一種默契.

如果你覺得南非太遠, 去 North Bay la, 同南非當年一樣, 冇 church, 只係3個半鐘車程, 下年4月開始, 我們會在當地攪16個programs, 你願唔願意花一個 or兩個weekend時間, 去幫助一個像我那樣的「靚」仔呢? 你願唔願意傳福音給身邊未信/流失左的朋友呢?

Saturday, October 20, 2007

沒有老細的第三季

95, 老細(controller)靜雞雞咁話比我知, 佢揾到新工, 22号就走佬. 過去兩年幾, 老細一直做得好唔開心, 走對佢來講, 係一個解脫.

記得我初初入去, VP想炒左一個AVP而扶我老細上位, 當時我老細有人撑, 於是同各department head「打交」, 企圖進行一系列改革(以前 D accounting procedures, documentation etc etc真係好核凸). 不過, 正係佢最意氣風發果陣, VP卻係呢場政治爭鬥中下台, 老細既「死對頭」升做 VP(亦即係我依家個老細). VP作風係:「你要改就改, 我唔會反對亦唔會support, 總之唔好煩我, 因為我根本不認同所有野都要改頭換面這一套, 亦冇budget咁做. 由於上面再冇支持, 其他department又只係踢十踢郁一郁, 老細每日由朝早7點做到夜晚至少7, 仍然非常吃力不討好, 所以我認為走對佢來講, 係一個解脫. 辦工室政治, 有時侯比<<雍正皇朝>>更激, 唯有神令我心裡平安, 冇捲入牽連在其中.

不過話說回來, 也是對全公司(包括我在內)的一個解脫 :P

我唔係憎佢先咁講, 佢請我提拔我, 我永遠也不會忘記的, 我亦唔介意和她一同改革, 初初一年, 我晚晚留到10點幾, 改左好多野. 但當全世界都唔願意改, 我地一兩個人在哇哇叫又有乜用? 再者, 改唔改其實又唔會死人, 點解要逼人又令自己同D馬仔吃苦呢?

老細係好 aggressive, controlmanage好強既人, 而我係一個親和力強但全無壓逼力既人, 冇左佢, 公司個個人(包括我在內)都擔心, 究竟呢條leader唔似leader既「靚」仔攪唔攪得惦各大departmentVPmanager, 準時做好3rd quarter financial statement?? 又有人(包括我老細)不斷同我講, 依家係最好時機, VP升我做manager, 因為VP同新CFO都很喜歡我, 而我又是最適合人選云云.......

我為這兩件事求問神的帶領, 神借著<<沿途帶笑>>這首詩歌鼓勵我勇敢面對, 因為佢與我同在, 不過神不許我向VP自薦, 要我將升職與否交託給主. 我回想過去從來沒找工沒要求加薪升職卻不斷有機會的經歷, 這次我也順服主, 不求.....

現在3rd quarter完成了, 我感謝主的帶領, departments既關係Ok, 加班亦減少至3晚加一個 staturday. 而另一個令我喜樂的發現是: 在這公司做了兩年多, 我的痺氣和耐性越來越差, 老細同我下屬不斷投訴, 令我好慚愧, 但我又總是改不了. 但今個 quarter我居然冇發過痺氣也好有耐性咁對下屬/VP!! 點解咁大改變? 原來我係冇辦法同時應付兩個愛爭吵使氣的婦人(正正又是不斷投訴我的老細和下屬)在我最忙既時侯不停疲勞轟炸.......假如只有一個, 還可以接受. 我喜樂因為我的反應是基於外在因素, 不是出於我裡面, 我喜樂因為知道我的 limitation, 以致將來更懂得應付兩個愛爭吵使氣的婦人, 方法就係: 盡量減少佢地「相見合壁」既機會, 不過有時好難, 一個老婆一個阿媽(同我老細/下屬一樣), 一定唔會覺得自己「皮四」差, 只會覺得我錯, 所以哦, 為我「好」所以不斷咁哦, 哦到我照佢咁做為止, 都仲要哦......唯有祈禱, 求神令我唔好舊「病」復發啦!

Monday, October 15, 2007

長龍不如短龍

記得返港某日, 我幫媽咪去尖沙咀收數, 之後去銀行入數. ! 條龍長到, 五十幾人, 多到!! 得三個 counters, 隔離條隊, 得三個阿太同一條「靚」仔, 又係三個 counters, 快好多. 我心諗, 點解呢個世界咁有趣, D人有短龍唔排排長龍?

原來香港開户口, 至少有兩種: D(50 or 100萬以上)同冇錢. 有錢? 服務好D, 唔洗排隊, 手續費又平D or, 利息高D, 外匯差價少D, 甚至股票交易費都减 D, it's crazy. 反映出香港係一個極度白鴿眼同見高拜見低踩既城市.

唔止, 識諗下, 如果有錢就乜都有著數, 冇錢就乜都斬你, 豈不是令社會窮富更加懸殊? 呢個乜野世界黎 ga? 公然歧視冇錢人, 仲要係窮人個乞兒兜度食飯食. 令我突然諗起阿摩司書: 「為一双鞋賣窮人......見到窮人掉東西也會流口水.....」邊個會聽窮人既訴求? 邊個會為窮人說話呢? 經濟唔好果陣, 加薪俸稅 , 减綜緩, 公立街症大加價, 受害既係窮人. 到依家經濟好, 更難生活, 百物加價, 但政府減稅依然要推遲到明年, 綜緩唔見加, 街症唔見減, 反而公務員加薪, 民主普選訴求大過天, 難道民主比民生更重要么? 為什么某些政黨高舉2012普選這類單一議題也有這么多人支持? 其實香港稅收不用上繳中央, 應該有好多 resource去做好民生........

Sunday, October 14, 2007

世界真細小

今日周六仍要加班, 放工後返屋企, 趕去證主買兩本書送比人, 點知去到岩岩收工 :< 再返屋企, 唔煮, Daddy出街食, FinchKennedy果間「食神酒家」. Wa, 爆到七彩, 連西人都去食同叫外賣, 因為抵食夾大件, 不過兩個人雖然難點餸, 但易揾位. 點緊餸果陣, 正在等位既人中忽然向我 say hi, 原來係 York D 舊同學, ADMS 3200 Marketing認識既 Tracy , 同佢姑媽來食飯. Daddy轉頭想望下我同學, 點知原來 Tracy 姑媽係我 Daddy舊教友, 真係世界真細小.

叫左個羊腩煲($12.95)同一碟豆苗($7.5),.羊腩 good, , 有皮但冇乜肥膏, 皮爽而燜得算淋, 支竹又好食, not bad.

Thursday, October 11, 2007

日本再見!! 香港再見!!

大伯, 伯娘尋日從日本來, Daddy今日去瀑布跟他們一聚, 我因 quarter end, 不能告假. 唯有09年日本再見. 對上一次見係 5年前嫲嫲安息主懷時. 生離死別令人傷感, 但又係唯一場合可以一大班人重聚, 好矛盾.

最近, JefferyKaman, 下個月 Eva又話走...... D CherryGinny都會走, 走下一個又一個, 唔捨得既心情就越來越強烈, 雖然自從畢業 => 分組 => church之後, 見面同話題都大大減少, 但始終唔捨得, 好似唔見左 D野咁.

機票要一千蚊, 旺季可去到二千, 但自從婆婆 05年離開以後, 我唔再覺得機票太貴. 雖然, 返港未必又或者絕大多數, 亦越來越難約到人, 可能因為我「約得太遲」, 因為香港人太忙, 又或者.........感情變淡罷! 不過, 還是值得返去的 (Billy回港主要為探親友和體察民生, 購物意慾一向不高.)

剛巧, 有人託我寫首有闕關兩地情的情歌, 我開始同因此有 D頭緒.

Wednesday, October 10, 2007

再上車才遇見新主角......

聽神既話, 唔揸咁多貨仔, 忍痛割愛, 沽左一半國壽(2628)同所有Walawala(0902)同其他股, 將 cash比重增至 25%之後, 時間多左, 心情又 relax左 :>

今日(10月9日)Steels bus唔知做乜, 轉左「上車位」, 害我等左廿分鐘, 點解不停有 53号經過, 又唔停係我面前呢? 不過我當時正在 read緊有關中國疏浚同公路發展既報告, 冇乜留意, 直到讀完為止, 聽到有個黑人女子叫我走去第二面上車, 話我身後有個牌, 寫住 「steel bus請過主」云云, 當時仲有成幾十人 in line, 我排第二, 我猶疑左兩秒, 祈禱問神, 應唔應該過檔呢? 結果我選擇了放棄「第二把交椅」, 憑信心衝去老遠既另一邊, 跟人隊尾, 重新再排過.

感謝神, 決定冇錯, 當我上左車, 回望係原地等車果百多人(53B + 53E in total), 本來十五十六既心才定下來, 才曉得為換馬和再上車感謝神, 不過人生又有幾多時侯可以咁果斷而在未知結果前讚美神呢?

或者係時侯放手, 再唔捨得都要放手.......

Tuesday, October 9, 2007

打印機

104, 打印機(laser)終於冇墨, 又係時侯買過部.

依家 D打印機, 換墨仲貴過買部新機, $120買原廠墨, 都痴痴地. Daddy, 媽咪成日(間中) D fax, 索性貴少少, 換部all-in-one fax laser 打印機, 要平面(可以印書)而不要滾軸式, 而且有 auto feeder(可以印成疊紙)果種.

買股票基金問Billy, 買機當然請教Ronald(Billy朋友), 佢幫我 shop Dell部機, $195+, 問埋墨價, $65, 唔錯. 跟住同Daddy, 媽咪商量, 又通過埋, 最後又祈下禱(之前己經祈左好幾次), OK, go for it, Yeah!!! 又有新機用.

Friday, October 5, 2007

牛氣冲天, 神的同在/警誡

自從8月17日之後, 每日就好似充滿陽光咁.....

一個月既急且強既大跌市, 種種恐怖, 孤單同失落既回憶, 轉眼就比一個更急更強既大升市所掩蓋, 個市每日咁升, 破完一個阻力位又破另一個位, 升到好似冇頂咁. 其間同朋友(ar Lok)講笑: 「今日又賺到幾多部Acer?」過一陣子, laptops都嫌太平, 笑話改成: 「今日賺到幾多張(返港)機票?」 又過一陣, 又由機票改為去幾多次(歐洲)旅行. 到最後, 笑話己經唔再好笑, 因為已經懶得去計賺左幾多.

同跌市一樣, 升市帶來極大既衝激, 唔夠50日(係28個交易日), 回報比我過去7年既累績回報還要多, 實在太難以致信. 升得最勁果日(10月2日), 單日升幅就等於我06年回報既90%. 呢次升市令我體會到點解有人會瘋癲到 quit左份工去炒股票, 以前唔會明白, 但果一刻真係有種咁既衝動.

係香港, 如果你話炒股票既人瘋癲, 不如話唔投資股票既你更瘋癲罷! 不過, 話說回來, 真正升完又升既股票, 來來去去都係果廿幾隻, 其他根本冇起過, 唔跌都偷笑, 所以, 雖然開始全民皆「估」, 真正賺到笑其實唔多.

不停睇住個市, 終於比神鬧: 「賺夠, 今年封左蝕本門就算, 無謂太上心, 反正冇乜肉食, 你將股票比重再由100%減到75%.」雖然賺到有D得意忘形, 甚至不可一世, 但聖靈既告誡, Billy唔敢唔聽, 唔聽通常都冇好結果.

求主保守孩子, 在牛市熊市抓住神親近神體貼神, 唔會極度驚慌又唔會過份亢奮, 能把自己看得合乎中道, 唔係想像中咁易, 求主幫助啦!!

「感謝主, 孩子願意守安息年, 祢就傾福於我. 孩子開始明白祢要我守安息年的其中一個目的. 從前孩子資金少, 賺蝕無關重要, 但安息年打後既年日, 當一日既升跌比我的 pay check還要大的時侯, 而且越來越大的時侯, 它對孩子的衝激可能比升職加薪又或者解雇, 對孩子的心思意念的影響來得更嚴重. 當孩子為祢管理著日益龐大的資金, 我能掉以輕心嗎? 我能跟祢關係疏遠嗎? 所以, 祢安排過去一年安息年, 去訓練孩子忍耐的心, 不卑不亢的情懷, 求主祢繼績續用我啦!」

Thursday, October 4, 2007

洗塵

930, 媽咪由香港來多倫多一個禮拜, 因為係祖國既十一黄金周, 佢忙但係冇咁忙, 又感謝神, 因為 Rogers小家, lock住個手機, 所以媽咪想用「漫遊」同內地溝通都冇計, 想忙 D都唔得.

10
1, 同媽咪洗塵同做生日(kind of), 去春秋食軒食左個魚翅龍蝦餐, 唔錯, 計埋小費, 找數 $147, or HK$1,147. 通常個仔請阿媽食飯, D 阿媽都會好開心, 不過把口就會話你唔好咁洗法錢.......好彩今次媽咪識做, 冇咁樣話我, 如果唔係, 我又會好唔開心.

基督徒愛講簡樸生活, 如果 based on 必要&想要既話: 有冇必要食餐咁貴既飯? 完全冇必要. 食貴飯又係咪心中想要? 山珍海味, 乜都食過, 冇乜特別, 所以都唔係我一家人既想要.

另外, based on 必要&想要, 第一浪費想來就是那個用真那達香膏抹耶穌既婦人, 既不是必要, 也不是耶穌的主動想要, 當時$30蚊可以買塊地, 又可以喂飽幾次5000, 用來抹頭又抹腳, 擺明浪費. 不過因為耶穌爭住佢, 於是一向有雙重標準, 又愛扮屢靈既人才會一味欣賞那位婦人, 一味只知分辨必要&想要.

從真那達香膏事件, 以及Billy同媽咪洗塵事件我地學到一件事. 原來除左必要&想要, 理財也要睇用錢既對象: 作在主耶穌身上, 洗多 D, 值得; Billy 作在家人身上, 建立到錢買唔到, 更深關係, 值得.

所以, 當我地要過簡樸生活時, 用錢要思想三個問題:

1.
必要 or 想要?

2. 對象是誰? 建立到什么?

3.
對方會唔會受落呢?