Translate

Tuesday, April 29, 2008

飯桶先係總統 (1)

Markham14th ave金多寶食晚飯, 叫左兩餸一湯, 但白飯唔係任裝. 開來埋單, 白飯四碗收$6+tax+tips, 即係$57, !! 好貴. 超市一包牛頭牌, 97年來加$9.99-10.99, 07年加到$12.99, ok la, 08年卻加到$14.99(如果可以當股票咁買500, 4個月賺15% or $1,000. 係香港仲興奮, double. 可惜米會壞, 唔留得 :<)

通脹由過去五年美元下跌30-40%, 以致油價由30-40蚊升到近120蚊開始. 高油價令公司發展生化能源, 以玉米木薯變乙醇, 令玉米價格上升, 再引致豬肉價升所發動. 為左防止糧食短缺, 以及淡水嚴重流失, 08年亞洲/南美各國紛紛限制/禁止糧食出口. 最後麵粉, 白米..... etc etc 就起價 :<

你會奇怪點解加國通脹依然咁低, 原因有三: 1)加紙升值; 2) everything made in China , 夠平; 3) 大公司如Loblaws可以用商品期貨去lock住糧食價格長達幾年之久, 又或者sign contract with suppliers for 1 or 2 years. 加上overall 通脹係計 goods & services(not just food), core 通脹係excluded food & energy. 所以""影響.

通脹似乎唔係好事, 但係咪真係咁可怕? 請看下回分解.

Saturday, April 26, 2008

我們這一家

46, North Bay, 在那兒的西人教會崇拜. 他們的禮堂比恩典堂細一半, 但仍可容納百多人聚會, 亦有著齊全的音樂/音響設備. 崇拜之前, 禮堂會用一幅幅廉間成小班課作主日學. 我當時坐在禮堂中間那排坐位, 正與身邊一同去 North Bay的同工高談闊論, 忽然廉幕一開, 才驚覺身邊原來有十多位年青人正在聚會. 那種安靜無聲(可能是結束祈禱之故)和我的高談闊論成了強烈對比, 頓時有點不好意思. 這大概是不同文化的表達方式罷.

崇拜10分鐘後便開始, 但敬拜小組已在台上唱詩, 預備會眾的心敬拜神. 敬拜小組由兩小無猜的兩個小朋友, 幾個年青人以及兩個中年婦人主領. 感覺好家庭, 好溫馨. 報告被安排在崇拜之前, 有趣是: 當日的報告是: 「某某40歲生日, 恭喜佢, 為佢祈禱...」忽然又有人舉手報告:「某某out town, 為佢祈禱...」加上牧師好似主耶穌一般讓小孩近前來, 講比喻, 互相對答和祈禱, 令整個崇拜氣氛彷如置身 informal 的家庭小聚. (嘗試 other崇拜style is always a good experience, but to copy it may not be suitable & possible.)

牧師講使徒行傳第八章, 最令我扎心是: 腓力在撒馬利亞傳道, 大有果效, 有多人需要他牧養. 但神卻在當時叫腓力去曠野無人之地和一個人查經(類似我們由Toronto to North Bay), 在人看來是沒有屬靈以致經濟效益, 但神卻清楚向腓力揭示這「依索匹亞的呼聲」. 假如侍奉神是單單問:「我能夠為神作什么?, 「我能夠產生多少果效?」以「我」做出發點去計算同付出, 那么神又是否仍然是我所侍奉的主呢? 好值得提醒.

腓力最終做了一個非常欠果效的事, 只帶了一個巳信的人更認識主 = 耶穌, 之後還是回到撒馬利亞傳道/牧養. 但這個連名字都沒有記下的人卻令依索匹亞全國信主(當然不止他一人, 也不止是這一次查經果效), 直到依索匹亞上世紀中發生內戰以及近廿年回教入主之前, 依索匹亞依然係一個富庶的基督教國家. 邊個可以計算真正果效成敗? 大概「付出」本身就是神在你我身上最期望的果效, 主耶穌付出, 釘身十架, 本身不就是果效? 照這想法, 「參與」North Bay本身就是果效, 當然, 正如腓力一樣也回到他的岡位上盡忠...

如何向餐飲業人仕傳福音

由於加班, missed了一小半workshop :< 師母今次training最提醒我的有三:

1)時間!!餐飲業人仕工作時間長,我們清閒正正是他們最忙的時段,program/傾談/崇拜以致一切都要遷就他們的時間,而建立關係就更要預左花更多 更長的時間,即使信了主,也要花心思和遷就他們的時間,才能令他們繼續成長,keep the relationship with God;

2)心態:做餐飲業是服務至上,本質上一個客人和侍應的關係,一個坐一個站的位置,一個比tips一個收tips的交易.要打成一片成為真心朋友就要知道這一重本質的隔莫.一齊企,一齊坐低蹲低先有計傾.

3)祈禱,為他們信主祈禱,入餐館之前祈禱,出來之後祈禱...因為我們是靠神靠聖靈才可成事.

Thursday, April 24, 2008

Training on 如何向陌生人傳福音

一直以為,身邊朋友/親人係基督徒既居多,亦變得越來越 多,非基督徒朋友可謂買少見少. 假如學曉向陌生人傳福音,令坐巴士,超市排隊又或者酒樓撘檯既路人甲,以致街坊乙都忽然間成為我既福音對象.福音對象會因此倍增幾多倍?但如何向陌生人開 口,開口之後又如何入福音?如何膽大得來又唔唐突?

上了這workshop之後,最震憾我是:原來開口,入福音係可以咁容易同咁順.而彭師母說傳福音最緊要膽大心細面皮厚.假如人人傳福音都好似追女仔咁搏命,成功機會又會唔會大大增加?

Wednesday, April 23, 2008

共和 vs "民主"

上網 check Obama Clinton Pennsylvania 既選情, Clinton 55% Obama 45%, 有得繼續玩落去. 問心果句, 我希望 Clinton, 佢贏左段估唔會贏得到 Republic走中間路線既 Maccain, 咁共和黨就可以連任. Obama對中國既敵視, 所走既保護主義, 加上"民主"也許只不過是「自我」 + 「放縱」既代名詞, 單單叫民主黨唔見得更合神/合人心意. 商界同投資界一向都支持共和黨, 因為 corp tax, capital gain, dividend都會有多D優惠, 在過去百多年, 共和黨主政既時代經濟(net of inflation)係好過民主黨. 加上共和黨在宗教立場, 傳統道德/家庭立場都比民主黨優勝, 所以, 我揀共和黨.

Tuesday, April 22, 2008

歲稅有餘

今年報稅, 由於投資transaction好多, 加上有美金交易, 所以好煩好多野整. 計條數見到refund好似少左, , 好似又納多左, 雖說納多D稅等如多左收入云云, 但納稅始終係件唔開心既事, 無端端比人「分身家」喎! 講玩? 奉獻係自願, 但納稅係出於無奈(至少呢個係我lor). 尤其係當我知道政府果班大花筒, 洗腳唔沫腳, 自己加人工, 但又亂派錢, 究竟有幾多真正落到有需要既人身上又是否達到「均富」, 國富民強 etc etc既目標?

今天再計一計, 哈哈, 原來今年比上年多$300退稅(Yeah!!), 雖然稅率比上年高, 但實際 tax payable 比下年低. 感謝神, 照理說: 收入越高, 納稅越多...

Wednesday, April 9, 2008

餃子

上星期初, 在公司收到個email, send email既係在南非既中學同學 William, 佢身在紐約, 話會來多倫多云云. 原來佢從Jackie得知我公司email address. 星期五再收到佢email, 話星期六佢會坐大灰狗巴士來多倫多. Oh, No!!! 星期六要去North Bay, 但老朋友一場來到, 見唔到又講唔通.

感謝神, 原來William星期一晚先走. 於是我同佢約係North York center, 去食lunch. 計計下都11年冇見, 佢大概冇高到, 比以前肥左, 眼袋深左, 把聲沉左, 講野口氣同以前一樣, 只係從前每句說話都加上助語詞這個習慣改左, 大概信左耶穌之故罷.

92
年係南非Pick&Pay超市遇到, 識左佢一家, 因為佢姓「簡」, 所以改佢花名做「餃子」(or攪笑個「攪」). 中學果陣, 我地一齊加入棋藝會, 無論贏輸, 每行幾步都會講粗口, 有次同鄰校黑人學生代表捉棋, 兩條友仔鬥講粗口, 一個用中文, 一個用土話, 兩間學校廿個學生代表加兩個先生都冇人100%識聽佢地既對話, 但都會意到佢地係度爆粗, 連先生都搖晒頭, 總之「攪」笑. 考試佢亦會口中唸唸有詞, 有次仲跳起身高呼助語詞, 結果比先生罰.

闊別11, 神既改變係大, 恩典亦係大. 估唔到依家大家都出左身, 佢有雙學士學位, 仲做到manager/supervisor, 應該搵唔少. 咁多個南非朋友, 我都算平均學歷低果個, 但依家事業同資財都唔錯, 真係感恩. 餃子走左, 唔知到幾時再見.

Saturday, April 5, 2008

19 樓買隻牛牛

之前分享過我鐘意飲蒙牛, 不過, 加拿大冇得買. 最近有個朋友係大統華見到有得買, 幫我買左, 好開心. 於是, 我同Daddy買士多啤梨加蒙牛做飯後甜品, 好正!!

自從058月返港第一次飲蒙牛就愛上左佢, 我有一個脾性, 就係每逢鐘意既品牌, 就會上網睇下有冇得買果間公司既股票. 例如我鐘意塗白花油, 飲維他奶, TD Bank, 於是05年就買佢地公司既股票, 估唔到過去都有唔錯升幅: 83%, 25% & 30%. 唯獨蒙牛, 因為太貴, 始終唔捨得買. 直到08年全球股市大跌, 蒙牛亦由高位回落52%, 先有機會買. 大減價買到心頭好, 好開心.

怪念頭係: 假如聖經公會上市集資, 我會唔會買BIBLE既股票呢? 或者你認為股票好市儈, 其實它不過是找sponsor, 奉獻, 問銀行借以外, 找資金一種的方法而矣. 而且會令盤數增加透明度, 改善公司內部管理同問責, 未必係壞事. 好似點解United Way, World Vision, 常被指admin fee太高? 點解政府好多服務差, 又年年蝕錢, 但一轉私營, 唔單止冇乜加價, 服務好左仲有錢賺?

不過話說回來, publish bible or service對象係神; United Way , World Vision對象係扶貧 or 基建in 3rd world; 政府社會服務, D都唔係為賺錢亦未必有錢賺, 要吸引投資者入股係好困難甚至冇可能. 還是吸引唔係為錢既人sponsor or 奉獻容易. 又或者好似政府, 強逼納稅. 不過, 無可否認, public company on average管治係好D. 大概針冇兩頭利.

Wednesday, April 2, 2008

Heaven & Earth Hour

3月30日 Earth Hour之後的一小時, 我和daddy出街食飯, 打算去<<天皇>>食粥, 卻經歷了一個in between heaven & earth hours, 就是半天吊 => 困lift.

睇電視, 睇電影, 總是最危急時就會困lift, 而且一困就十幾個鐘. 好慘. 同樣情境居然發生在我的頭上. 入實驗室拎緊急制, 估唔到, 入升降機都要攪到拎緊急制. 拎左緊急制都冇用, 個building manager用左10分鐘來到, 但打唔開個lift門, 要等techni來, 唯有等.

Daddy好唔開心, 因為佢好肚餓. 但我好開心, 仲跳跳紮, 因為呢次係Billy人生第一次困lift :> 當然亦要不斷安慰Daddy, 叫他開心D.

面無聊賴, 最好係讀聖經. 或者, 困lift本是神給我的恩典, 要我每日都有「困lift」的機會去親近佢. 讀聖經讀到冇電, 讀完整個哥林多後書, 都未「得救」. 但假如我知道, 我終必得救, 正如我信耶穌將來必得贖一樣.

感謝神, 1個鐘之後, 我地得救. 困lift又成為歷史, 又成為Billy一個值得分享的經歷.

困lift困完, 又令我產生一怪念頭: 假如大廈冇elevator, 又如何會困lift呢? 似乎elevator, 又或者說科技, 的確帶來許多方便, 但卻也帶來不少麻煩, 講句老實話, 難道我地真的可以冇電, 冇自來力, 冇石油? 冇電梯都唔惦.

這又令我想起中國雪災, 點解暴雪會成災, 而五十年前同樣大雪又冇乜事? 因為因為大雪封了錢道才會有家歸不得, 因為斷電才會令家中失去溫暖, 如果交通不便, 就冇唔多人離鄉別井, 如果冇電人自然會早早預備柴枝取暖.

現代化固然是好, 我亦不是說要回到原始時代, 可見環境改善了, 人卻要面對不同壓力挑戰.