忘了忘不了

有人話: 食飯係最好交通建立既時間, 話說daddy睇完<<東張西望>>陳敏芝既訪問後, 食飯果陣就問我:「你記唔記陳敏芝有乜特徵?」(佢一直一廂情願咁認為藝人陳敏芝係我小學同學, 當年既班花陳敏芝.)

Billy:「十幾年, 點記得呀?」

Daddy:「你同人做左10年同班同學, 又暗戀左人地8年, 連些少特徵都唔記得?」

Billy:「車!! 我陣時成班男生都話鐘意佢ga la, 全世界鐘意, 你唔鐘意會比人打ga. 特徵? 我一向都記唔到人地D樣 ga la, 點似你喎! 你食呢行飯(明星既攝影師) ga ma, 望一眼就知, 我日日對住你, 你問我你有乜特徵我都未必答到.....陳敏芝? 咪有眼耳口鼻, 長頭髮, 幾靚咁lor.」

Daddy:「呢D都唔係特徵, 點解你咁冇用? 乜都記唔到, 一D都唔似我. 」

Billy:「咁我對picture一向都屎, 呢D唔係冇用, 係大家各有所長. 我仲記得陳敏芝三年班之前既學號係5號, 而我係23號, 呢D我就記得.」(激死)

為左證明藝人陳敏芝唔係我同學陳敏芝, 我决定上網, 起陳敏芝底, 估唔到當年考試三名內, 小學就令無數男生著迷既陳敏芝真係陳敏芝, 又估唔到睇個樣仲好似25歲以下既藝人陳敏芝原來又真係陳敏芝, 答案係: 陳敏芝 = 陳敏芝 (廢話).