2007 Part 2

2nd term感恩:

4月尾5月頭, 公司發現左非常轟動既book錯數事件(令CFO係6月被逼走佬), 事件令公司上上下下既人都將last name改姓賴. 除左我老細, 因為佢本姓陳(係本性沙"塵"個陳), 居然係呢D時間認叻, 話係佢found out the error. 即刻比人食住: 點解依家先 find out? 即係你錯!! 唔認錯令我地同投資部既關係變得好火藥味, 好政治正確, 又令老細同佢班馬仔變得更精神緊張. 我比老細同另一位菲籍同事每日疲勞轟炸得越來越利害, 而佢地反而話我回答佢地既態度唔好 (試下我每5分鐘煩下你). 感謝神, 老細係8月終於頂唔順, 辭職, 對佢來講可能係種釋放, 而我亦要學做真正既supervisor. 佢走左之後, 一切如常, 同其他departments 既關係仲好左tim, 我既"脾氣"又好左好多, 再次証明公司冇左邊個都唔會死.

5/6月返港, 興奮同欣慰係可以見返媽咪, 舅父s舅母s, 姑丈姑媽, 表弟妹s, 朋友, 又借掃墓記念婆婆同嫲嫲. 去左海洋公園, 迪士尼, 澳門, 仲有樟木頭睇媽咪間廠. 我又照住神既吩咐, 去左D比較special既地: 去股票行(金魚缸), 感覺一下全球最波動既市場既炒股氣氛; 去夜夜生歌既蘭桂坊, 見識一下香港既夜生活; 去中下階層既屋邨區, 了解下佢地既住屋環境同社區設施; 去左好景, 好可怕, 我去梯口賣Wii game既鋪頭買野, 之後行入少少發覺唔對路, 跟住D人捉住你, 叫你入去睇4仔, 嚇到我即刻掉頭走; 見到快將遷拆既舊區拍照; 上金管局博物館, 知道多D關於香港既金融史; 去馬會睇人買馬, 去澳門賭場睇人賭錢, 又睇下D荷官, 保安同招待有幾大年紀, 個樣生得好唔好; 去威尼斯人酒店門口睇佢個地盤, 睇下D建築工人返工; 係外地勞工署, 發現澳門原來引入好多外勞; 係樟木頭睇住D小販開檔, 品嘗街邊小食; 係媽咪間廠睇下工人工作同生活...

係香港返加先發覺5/6月D bonds跌到痴肺, 蝕左唔少, 跟據99年既經驗, 我知道(係估計)股市爆破已經指日可待, 係時侯做最後部署, 神講過, 因為孩子follow, 所以今次蝕既當係佢借比我, 所以, 我更加唔可以令神(我既最大"股東")蝕得不明不白. 我問神: 你安息年(8月前)唔比我買股, 咁我沽空又可唔可以? 哈哈, 聖靈卻唔比我咁做. 唔可以沽空, 但今年投資做左好多嘗試: 1) 子母聯動: 將孩子同媽咪既所有戶口睇成一個portfolio, 增強資本, 減少manage時間同transaction cost; 2) 學習think like an investment bank, act like a fund manager: 資本增大令分段買入同賣出成為可能, 亦有錢買各行各業各地股票/基金/bond, 令組合更diversify; 3) read各行各業各地年報, 進行分析;4) 學用期權去減低風險, 增加回報; 感謝神, 照住佢既恩典, 避過住8月第一波既次按風暴, 保住個本, 跟住安息年之約完結, 將錢撥回股市.

媽 咪工作/供樓壓力+daddy因生活費而引申既抑鬱, 這一切都令我非常憂心重重. 市場波動, 令跟我"搵食"朋友s同我齊齊係bond度蝕錢, 比人笑, 比朋友質問, 一D都唔好受. 點解我將我既資產同朋友對我既信任, 都壓晒落去順服神既安息年, 換來反而係一連串不愉快同人家對我既不信任? 我在公司 2nd quarter end既操勞誘發底下, 到7月, Billy終於病倒, 憂心傷肺, 咳! 咳! 咳! 咳! 感謝神, 佢係次按危機之前拯救左我同我班朋友, 為我主持公道. 又感謝神, 次按冇我想像中咁嚴重, 對全球經濟影響唔算太厲害, 雖然, i believe more impact will come.

8月Adam走, 去London深造smth about sounds, 佢走之後, recording既工作就停左. 感恩係同佢合作寫左建堂歌, 係萬民堂反應唔錯, 可惜只係唱過一次. 一如以住, 首歌隱伏左hidden meaning, 就係大衛感恩祈禱(歌詞's內容)既上下文 => 在神眼中最重要係建立我地, 建堂vs唔建堂 is not the focus point.

感謝神團契retreat令弟兄姊妹關係更進一步, Ricky咁唔開心都來, 同哭同笑既經歷係寶貴既; Stehpen, Wendy, Nelson etc etc都話想有番stable church life, 有心追求神, 仲有Vincent因為唔見電話而信主都值得歡喜. 希望係呢團火未熄之前, 可以點著弟兄姊妹同神建立更親密關係既心同行動.

聖誕禮物

今年boxing day futureshop同bestbuy似乎冇乜大減價, 又或者electrically我冇乜需要罷! Laptop, desktop, TV, digital camera, printer etc etc都唔想咁快換. 其實部 laptop死死地, 要鏟機, 睇下點先算, 乜都吸引, 乜都平過之前, 唔通樣樣都換咩?

美金貶值對我來講絕對唔係好消息, 不過, 至少去 Chapters買書有"discount". 所以今年聖誕禮物買左Dr Jeremy Siegel既新書同埋Intelligence reframed, 一本有關成人教育既書比自己. Boxing day去行futureshop, 我隻256MB既"手指"死左, 所以, 買左條4GB既replace佢. 陰功, 條4GB仲平過我2年半前果條, old technology貶值速度的確驚人. 幾日前我仲買多左個中文手寫板.

送比人既禮物買左三份. (我唔慣送禮, 買禮物袋去放禮物還是剛剛從朋友身上學返來, 第一次用). 聖誕禮物其中兩份係書, 我發覺係呢度既香港年青人唔鐘意睇書, 不過, 亦正因為咁, 其中一份禮物成功係團契gift exchange日(12/28/07)送左比應該送比既人, 期間冇出現任何意外 :> 另一份禮物, 原來當時人已經睇過當中一半內容, 睇來要買過份比佢 :P 仲有一份係枝筆.

驚喜係: 我居然亦收到一份禮物, 一個錢包, 一個我好鐘意既錢包. 舊果個我係去日本旅行果陣買, 我以為日本先有得買tim. 哈哈! 多謝晒, 好感動!!

雙普

四萬(陳方安生)認為德誠(曾德誠)講事實同歷史係人身攻擊, 咁唔知森記(楊森)問唐唐(唐英年)2012係咪冇雙普, 態度同語氣之惡劣, 一D民主精神都冇, 簡直係野蠻, 又唔知算唔算咆吼公堂呢?

對於「民主」黨惡劣既表現越來越反感. 當年「民主」黨唔理民意(民主+民生)要盲目執著字眼, 支持居港權, 令到香港整個醫療同教育系統失衡, 更加深香港人同內地人之間既仇恨(esp孕婦同家長), 「民主」黨可謂「功」不可抹.

之前特首選委會人數本來可以 double, 令民主進程升級, 但「民主」黨再次漠視民意, 玩企硬, 結果令民主進程原地踏步. 早排李柱銘叫外國政府借奧運向中國拖壓, 已經神憎鬼厭; 依家佢地又玩企硬, 來個霸王硬上弓, 係要2012, 仲叫大家罷市, 罷工同罷課, 再次話比全世球聽佢地係個冇商冇量冇理民生既政黨.

叫一個忽然民主(四萬自己話: 今次補選係1st time受民主洗禮), 又忽然民生(四萬自己話: 落選區拉票才體驗民間疾苦), 退左休仲官威十足, 走出來「指指點點」, 贏左又口德欠奉(指葉太跌落地拿番D沙)既前高官做民主先鋒, 雙普代言人, 已經反映到「民主」黨既政治智慧又幾多, 又反映出佢地為左要贏而放棄原有政治立場(因為四萬充其量係民主初哥)既悲慘事實.

其實點解一定要2012? 就算比個馬蹓上台, 只要馬蹓肯同中央合作, 中央又肯支持香港, 香港就會繼績繁榮安定. 如果選梁家傑(泛民, care 基本法45條 & nothing else), 連financial data都講錯晒, 牙尖嘴利, 一味同中央對抗, 到時香港人聽食屎. 香港唔係要一位民主英雄, 而係一個體貼社會各階層訴求既政府(當然BT曾仲有好多要做).

美國民主? 咪9個法官話 Geroge Bush做總統lor, 咪油價高飛lor. 美國民主? 但唔係叫所人傳媒同政府玩對抗, 唔係回復英國殖民時代 = 民主.

都係果句:「沒有共產黨, 就沒有新香港, 要整瓜香港, 請支持民主黨.」

神阿! 請給我多點時間

唔知點解, D essays永遠都鐘意等到 due date之前先開始做, 但到果個時侯又好唔想做, 反而做左好多其他野, 例如打機, 睇戲同埋寫 blog咁.

12/31要交啦!! 點算呀! 廿幾頁紙 take home exam :P

B&L年報: 2007 Part 1

07年快完結!! 如果要我用一種動物/植物去形容/回顧Billy既 07年, 我會用「冬蟲夏草」. 理由大概因為今年頭半年係安息年, 在神既吩咐下一切(包括事奉)都自願or非自願咁「停下來」, 冇乜進展or失去方向, 好似一條蟲, 按住造物主為佢安排既日期, 鑽入泥土之中, 冇人(包括Billy自己)睇到佢既生命, 脫變, 又或者成長.


下半年倩況有左戲劇性既變化, 正如冬蟲被草本植物侵蝕, 變成夏草, 雖然外表依然係亳不起眼, 一棵轉眼枯乾既小草, 但在回顧之中, 卻發現其藥用價值, 而且味道甘美難言.

1st term感恩:

今年團契有以下既調動: 一. 將由頭分到尾既小組聚會變成worship前合word前再分開既方式; 二. 每月1st week regularly 有sport night; 三. 重新分組. 呢三個改動(assume 06 & 07所有組長既付出still constant), 加上「滕lung瓜, 瓜lung滕」既化學作用, 令團契人數同group dynamic不但從谷底反彈, 而且不斷創出新高. 當我見到阿Ken, Fiona班friends & her friends' friends重返教會, 令我再次經歷到「福音本是神的大能」這話. 與此同時, 團契調動令Word/查經時間嚴重縮減(from Billy's view), 令Billy為現有/回歸弟兄姊妹同神關係既中/長線成長感到掛心. 隨住Word/查經時間縮減, Billy係團契既事奉亦由tangible變成intangible, 變得有D無所適從(When everyone seems to find direction, Billy is the one always feel lost), 忽然多左咁多人要去build up relationsip, 亦帶來新既挑戰同掙扎.

Philos worship team 07年開始錄音, 見到大家百忙之中抽空practice, 商量arrangement, record以及Adam既後期製作, 好感動. 更睇到神係我地當中互為恩賜(every member has a special talent/gifts to share/contribute)既恩典. 又為07新歌歌詞認受性同共嗚感有所提高而鼓舞&感恩. 不過, 07年創作上冇左06年(wrote songs for follow up course) 果一份明確方向同目標, 好ad hoc, 而且record在忙同資源有限底下進度緩慢, 詩歌未能進一步普及性, 又缺乏播放空間同機會亦令Billy對點樣突破「瓶頸」感到有點迷惘.


照住神安息年既吩咐, 用8個月時間逐步將手上equity變做bond, 呢個「宏觀調控」到4月初正式完成. 次按問題係06年9月HSBC出盈警而正式開始, If乜事都冇發生, 就當為神既緣故賺少D lor, 反正神賜比Billy既已經夠多. 如果問題好似97金融風暴咁, 有貨係手會死得好直, 相反, 有錢係低位入貨就肯定賺, 咁就係神對Billy順服既rewards.

Billy係係權衡利害關係之後同神達成安息年既一年之約, 同時將投資回報預算由9%減到6%. 係Billy心目中, 神係B&L既最大「股東」, 一切以股東利益著相, 賺少D唔緊要, 但唔可以蝕左神交託比我既錢, 更唔可以因為asset management所帶來既stress(if any)「輸」左Billy - 神係B&L手上最寶貴既asset. 安息年所重就係「無為而治」, 所要學既就係培養「平常心」, 其間TSX不斷咁升, 令 Billy missed左好多賺錢既機會, 每沽出10%asset, 壓力就大一重.

富貴「黃金」屋(上)

今朝睇到一篇有關黃金歷史既article, 原來將一兩黃金打成金簿, 遮蓋幅度可以有100 sq ft, 我即刻想到聖經入面, 摩西做會幕, 所羅門王做聖殿, 乜都鋪金既歷史. 你可能覺得出埃及記or列王紀關於建築既經文好悶, 但imagine聖殿入面, 每樣野都包金, 係真金純金. 聖經作者想透過建築學, 讓讀者感受到果種連金沙賭場咁靚都要行埋一邊既金碧輝煌, 同宏偉氣派, 從而對神產生肅然起敬的心和完全奉獻的行動.

不過, after reading the article, 對那些經文有左新既體會: 原來果份金碧輝煌只係需要付出好低既成本: 聖殿內牆長60肘闊20肘高20肘, 加埋廊子長10肘闊20肘高120肘, 而1肘=1.5尺. 總面績就係: 7,000 sq ft (東 120x20 + 南內 60x20 + 南廊 10 x 120 + 西 20x20 + 北內 60x20 + 北廊 10 x 120 + 底&頂 70 x 20 x 2 = 10,400 / 1.5 = 6,933) 亦即係只需要用 70兩黃金, assume過去打造技術差D, max 200兩黃金就可以令一堆石頭變得璀璨奪目. 依家金價大約US$800 o.z., 即係US$640一兩. 所以聖殿鋪金只需花費約US$130,000, 不過未計人工.

跟據歷代志, 大衛為聖殿 reserve左近100萬兩之多, 另外所羅門每年稅入黃金11萬兩, 但居然仲要按左廿座城, 向推羅(鄰國)借2萬兩金(may be per year), 條數真係唔知點計. 可見所羅門王真係大洗到爆. 列王紀將建殿同所羅門既奢華拍住咁講, 今日睇番似乎係一種諷刺多過讚賞, 睇來所羅門王當年唔好講十一, 連百一奉獻都做唔到. 多錢如所羅門, 洗腳唔抹腳, 反而令佢離開神, 又令國家分裂, 貧富懸殊, 睇來都要警醒一D先得.

放生你

大約係三年前, 當Daddy返港, 加拿大正式由Billy當家之際, Billy將上網由Bell轉去Rogers, 再同手機, 電視bundle up係一張單入面, 令三樣月費同時減左15%, 然後用省回來既錢 upgrade電視, 可以睇埋histroy, food & discovery 等channels. 不過, Rogers差勁既效率, 過左一個月我都未睇到新add既台, 令我好唔開心. 於是打電話投訴. 忍受唔到服務員差勁既態度同答案, 佢居然話即使我睇唔到都照charge我錢. 於是我一怒之下cut左cable既upgrade同high speed internet, 只keep番basic plus cable package同DSL internet.

三年, 期間Rogers upset過我無數次, 令我一直想轉又唔咁心轉. 直到星期六, 去Rogers, Daddy話想轉Digital TV Cable Plan, 計過條數, 比多數蚊,今次可以 睇多百幾個台. 好啦! 原諒Rogers, 轉做Digital TV la. 學關心妍首歌咁話:「明白放過你就放過自己這個道理.」依家我終於可以睇histroy, food & discovery channels la :>

環保有責?

美加政府應否為環保付責, 加強條例去强制企業既二氧化炭排放量 etc etc, 以致地球暖化問題唔會進一步惡化呢? 一連兩星期聯合國會議, 令呢個topic又再為到關注. 「布殊(Bush)為經濟唔理環保.」;「哈珀(Harper)點解唔係環保上帶頭而follow布殊」;「環保影響全球, 人人有責, 不能太自私」等對美加元首既指責此起彼伏, 响過不停. 連我Daddy or教會既弟兄姊妹都咁講, 話佢地為政治目的不擇手段, 唔理民意, 假民主, 政治真係黑暗云云.

計我話, 布殊同哈珀冇錯, 你選佢出來果陣, 佢既政綱係唔環保架. 哈珀話减稅, 减GST, 改善經濟, 呢D都做到, 但從來冇應承過改善環保, 你選佢出來, 又話佢唔環保, 即係話自己都係為經濟唔理環保, 又或者, 你連人地政綱係乜都唔知就去選, 咁仲死.

What is your compliant? 你咁環保, 選綠黨(Green)lor, 要民生咪NDP; 要經濟同企業競爭力強就Conservative, 要分餅仔咪Libera, so simple, 教會要維護傳统婚姻咪選什么傳统家庭大聯盟lor. 點解你投Conservative? 食得咸魚就抵得喝.

高峯的快感...

今年10月尾, B&L Global Fund回報率(%)創新高, 短短兩個半月之內, 回報率(%)就勁過上年創出來既歷史新高(一個我自以為永遠無法再超越既%), 升幅之快令我唔係興奮, 而係害怕同不知所措. 但係呢個勁高既回報亦隨住温家寶總理既言論及次按問題進一步竭露, 在剎那間消失.

「夕陽無限好...高峯的快感, 剎那失陷.」

雖然我係恆指31,000點果陣估左25%貨, 又入係巴郡(BRK.B)去對冲下跌既損傷, 再係幾乎最低位買番D貨, 但10尾既回報最高點只怕今年難見. 果種失落感同樣叫我害怕. 這就好比一個好學生, 上年final同今年mid term都幾乎perfect甚至爆燈, 忽然之間final原來只得六七十分, 雖然可能都己經係全班頭10%人先得到既成績, 但係果個學生心入面始終覺得唔夠好. 會問/檢討: 「點解係某高位唔偷雞(沽貨)呢?」「當初買某某公司既股票既决定係咪太草率同價位太高呢?」亦都有同神分享自己既心情, 一個冇乜人會有同理心既心情(至少 in加拿大冇乜).

從另一個角度睇, 今年點都好, 財富上神都超過我所想所求咁祝福我. 因為次按, 今年目標係賺6%, 神蹟目標係15%, 其實只要每年賺9%, 就可以係計劃之內(第二or第三個安息年)有退休能力(or Financial freedom or將人工收入邊緣化). 但神既祝福保守卻遠超過我所想所求. 我依家亦只不過返返我9月尾既水位, 賺少好多, 但距離蝕仲扯不到邊兒, 我既心點解要愁煩, 自亂陣腳呢? 不如專心仰望神.

提醒係: 讀到馬太福音, 話:「先求衪的國和衪的義...」又讀Warren Buffett既言論:「買定離手, 安心瞓教」(assume all are good company to invest.)

08預算

公司收入因為保本基金蝕大餞, 所以, 估計明年加薪同花紅都會比外出既天氣更差 -> 凍過水, 唔係, 係凍過雪至岩 :<

每年稅率都成功維持在10%以下(以real income instead of taxable income計), 隨住人工同投資收入按年增加, 10%稅率變得越來越有壓力同困難. 除非將資產進一步分散: 1)攪生意; 2) 投資房地產; 才可將稅率進一步維持.

估計08年人工收入升幅會由9%減到3%; 而投資回報亦會大幅倒退58%; 但稅率(plus CPP&EI)會由10.5%激增至17.0%.

Overall稅後總收入會比07年減少24%, 資產年增幅亦會暴減至20%. 隨住資產增加, 人工收入進一步邁向邊緣化, 資產年增幅亦會不斷下跌, 如何透過投資收入去減慢資產年增下跌速度, 成為未來既另一大挑戰. 但保守估計, 想來孩子還是學曉過平淡日子來得實際.

投資: 股票/基金比重, 08年打算維持係一半一半水平. 由03年hold到今日, 仲不斷增持既股票有China Life(LFC), 由05年不斷增持到今有China Mobile(CHL), HSBC Holding (HBC), Wala Power(HNP), China Cons Bank(0939)同Aegon NV(AEG)5隻. 其餘都係07年買入.

日常開支方面, 家用同奉獻依然會同收入增長掛勾, 增4%; 由於今年唔返香港, 其他支出估計會減低7%.

美國朋友

年頭公司查出一條好大好大book錯數事件, 奇就奇在一條咁大既數, 居然投資部, 精算部, 會計部, 所有高層以致同我地核數既E&Y咁多年都查唔到出來, 公司既內部管治(internal control)能力存疑, 消息一出, 連總公司既CEO都驚動埋. 事情平息之後, 美國果邊派在十幾個人來「幫」我地對數, 同set up procedures去make sure每一個數都有根有據.

嘩!! 原來將每個account D數一住咁trace back到99年係咁難, 簡直想死, 你問我個數點來, 我問邊個呀? 舊人, 你又炒晒; 舊system, 你又換左; 舊back up, 你又唔知擺左去邊, 揾手指就得.

呢個幾月不斷 entertain果班美國朋友, 其實佢地好好人, 不過我真係唔識答同揾番D陳年舊帳出來. 好愁!!!