Translate

Tuesday, November 27, 2007

碎紙機

之前買果部碎紙機, 一次碎6(查實係5), 每日只可以碎25, 對我呢個每日收至少5封信既人, 部碎紙機太慢, 唔夠用. 但買多部又唔甘心, 因為咁等於承認之前買果部唔夠好, 又冇理由一間屋豬腦, 電視, 錄影機, DC, MP3 players, pritners etc etc, 樣樣都有幾部, 依家連碎紙機都買兩部, 成伺體统?

不過時間緊要過$$, 亦緊要過空間, 思前想後左兩個月, 做左唔少comparison between碎紙機同between retail store, 終於買左部. 對比之前果部, 呢部一次cut 11, 每日可以碎100, 仲係cross cut, 個桶又大D, $79, 8.

回家, 兩日cut左積存半個月近二百張documents, 好開心, cut完之後, 就感謝神, 走去瞓教.

沉默的高揚(1) - pre 07 annual report

星期六晚, 為coming佈道會我地既敬拜組合Philos有彩排既時間, 負責人之前話, 我地可以唱乜歌甚至promote下個team都冇所謂. 令我費解係: Philos其他members揀既歌, 居然冇一首係我地自己既作品, 就連用來promote佈道會用既<<福音奇遇記>>, Philos theme songs, 以及members要求將Above all歌詞翻譯既中文version都唔唱 :<

在神裡面, 我係個讀經人, 在創作上我係個填詞人, worshiper/歌手要唱乜歌, 我唯有沉默, 不過這令我唔開心左一兩個鐘 :<

我心想: Billy既詩歌唔夠「福音」, 唔夠「worship」唔係Billy想, 而係出於神既召命, 但係時下呢種worship style/concept底下, 就連Philos都唔會唱一首Philos既詩歌, 崇拜, 佈道會etc etc, 又有邊個會唱呢? 因為冇一首會fit, Billy既所有詩歌係係另一套worship style/concept寫成, 如果<<同夢同心>>唔係植堂記念歌, 恐怕亦冇人會番歌, 但惶論用佢來默想腓立比書, 這是那首詩歌既一個重點. 「主啊!!你比孩子既召命同vision, 要到幾時先可以實現呢? 呢個召命同vision又會唔會透過另一個方式/媒界實現呢? 願你旨意成全, 願你既話語透過孩子既詩歌感動/改變千萬人.」 :>

Saturday, November 24, 2007

伊斯蘭銀行

滙豐(HBC/0005)未來設劃將投資新興市場既比重由依家30%增加到50%, 最近成功係馬來西亞開設伊斯蘭銀行, 亦即係進軍回教徒市場. 原來根據回教教義同投資原則, 係唔可以投資係某D行業, :酒精飲品(不可醉酒), 豬肉相關產品(唔食豬肉), 賭博/消遣/娛樂事業(縱樂係唔文明既行為), 以及傳统金融業(不可向弟兄放債取利). 不過, 任何公司都無可避免有現金, 有現金就走去收息亦好正常, 咁點算? 根據回教投資原則, 果部份既收入就要淨化(要捐番出去.)

呢個投資原則除左有趣之外, 最令我佩服係佢地對信仰果份執著, 又將信仰生活化, 將投資信仰化既果份細心. 金融業係百業之首, 放棄它等於放棄三分一投資選擇, 唔容易. Before我地話人太「律法主義」之前, 我地基督徒又有冇呢份細心同堅持呢? 我地係生活為信仰所定既各樣底線係太寬鬆呢?

Friday, November 23, 2007

忘了忘不了

有人話: 食飯係最好交通建立既時間, 話說daddy睇完<<東張西望>>陳敏芝既訪問後, 食飯果陣就問我:「你記唔記陳敏芝有乜特徵?(佢一直一廂情願咁認為藝人陳敏芝係我小學同學, 當年既班花陳敏芝.)

Billy:
「十幾年, 點記得呀?

Daddy:
「你同人做左10年同班同學, 又暗戀左人地8, 連些少特徵都唔記得?

Billy:
「車!! 我陣時成班男生都話鐘意佢ga la, 全世界鐘意, 你唔鐘意會比人打ga. 特徵? 我一向都記唔到人地D ga la, 點似你喎! 你食呢行飯(明星既攝影師) ga ma, 望一眼就知, 我日日對住你, 你問我你有乜特徵我都未必答到.....陳敏芝? 咪有眼耳口鼻, 長頭髮, 幾靚咁lor.

Daddy:
「呢D都唔係特徵, 點解你咁冇用? 乜都記唔到, D都唔似我.

Billy:
「咁我對picture一向都屎, D唔係冇用, 係大家各有所長. 我仲記得陳敏芝三年班之前既學號係5, 而我係23, D我就記得.(激死)

為左證明藝人陳敏芝唔係我同學陳敏芝, 我决定上網, 起陳敏芝底, 估唔到當年考試三名內, 小學就令無數男生著迷既陳敏芝真係陳敏芝, 又估唔到睇個樣仲好似25歲以下既藝人陳敏芝原來又真係陳敏芝, 答案係: 陳敏芝 = 陳敏芝 (廢話).

南非再見

收到Rubycall, 原來佢黎左加拿大, 正係Montreal去緊瀑布. Ruby係南非既中學&大學同學, 當年全校最細既大學生就係我同佢. 以前成日同佢鬥高分, 中學幾乎次次都輸比佢, 到大學肯勤力讀書, 先追到過旗鼓相當....

最近係facebook揾到佢. 原來今年2, 佢借公司既exchange program去左美國做工, 為期兩年, 如果唔係都冇機會再見. Montreal去瀑布, 點都估唔到要由10點揸到8點幾先到, anyway....總算見面. 十年冇見估唔到個樣都冇乜點變, 又估唔到都仲好多野傾. Through Rubyfacebook account, 又揾到Frank, AngelaIsabella, 可惜我係facebook仲未揾到香港D同學仔 :<

再見小雪兒

今曰, 11月22曰, 多倫多終於落第一場雪, 出乎意料係: 我只係遲左15分鐘返到公司, 通常落雪都會遲D起身, 因為反正都「超時鐘要塞」, 呢D日子係奉旨遲到, 所以, 我好難想像果D提早一個鐘出門口返工既人抱住D乜野心態(除非你有仔女送返學), anyway. 今年冬天早來, compare to上年, 我祈左幾次禱, 到1月13/4號先落第一場雪, 等到我. 放工又怪, finch station, 冇人排隊, 架巴士即到又唔洗爭就有位, 實在太奇妙.

Wednesday, November 21, 2007

白鴿出局

當白鴿唔飛入尋常百姓家, 而不斷在阿公頭上動土, 有趣係: 阿公冇嬲, 反而係百姓站起來, 捉左佢當乳鴿咁燒, 不過可惜, 青黄不接, 一隻隻老 at at, 請都冇人想食.

2007
年區議會選舉結果公佈, 證明香港人既選舉意識同政冶智慧都比以前成長成熟. 記得03年果陣, 當時經濟唔好, 負資產, 失業, 生意唔好, SARS, 加埋基本法23, 市民將對政府失政既所有怨忿放在民建聯, 一個較為支持(其實唔係乜都支持)政府既政黨之上, 結果, 區議會選舉慘敗, 206人參選, 只有62人當選, 所有票去晒比泛民果度, 其實民建聯既地區工作, in general, 一向都比民主黨好, 做民意調查亦比較主動, 積極同貼近民生, 不過, 依然敵不過羣情洶湧. 試想像連長毛都入到之後既立法會, 就反映到當時D人幾不滿政府.

03
年尾中央推出自由行, 董伯伯落台後不斷加強與內地經貿合作, 內地人來港買樓, 加上內地「巨無霸」中人壽(2628), 建設銀行(0939)紛紛來港上市集資, D政策不但令香港經濟/房地產/股市起死回生, 市民有飯開(中產), 賺到錢(富豪), 對中央態度就由敵視變成友善, 亦終於收起從前果份傲慢與偏見, 內心深處都知道(但死口唔認), 香港冇左邊個政黨都得, 冇左普選亦no body care(最好空降李克勤「大佬」落港做特首), 但「沒有共產黨, 就沒有新香港」呢個真理, 呢個事()實反映係07區議會選舉之中, 民主黨, 呢個除左為反對而反對, 2012普選之外幾乎冇實務可言(Bilibala話既, 唔係絕對, 但有立場就有派對)既政黨失去市民既支持.

民主黨要挽回弱勢, 除左要積極扶立新人, D關心社會, 仲唔好一味反對, 要知道呢個世界冇perfect, 冇普選唔洗死, 但冇飯開就會死, 係焦慮死.

撲水的天空

當香港房地產係90年代起飛, 全香港市民走去撲水; 當香港股市呢兩年一飛衝天, 全世界都走去撲水, 但係呢十幾年間, 有另一班人走入內地, 唔係係城市, 而係去山區, 最貧脊既山區果度 - 撲水.

尋晚睇<<信報月刊>>, 講述一位謝士恆醫生「愚公」植林既故事. 話說93, 謝醫生返鄉下, 發現水井冇水, 連水塘都快乾, 缺水令當地農民生活靠種低產品種為生, 謝醫生就動左慈心, 捐左幾萬出來買高產品種種子比佢地, 但一年之後, D收成都冇. 但佢冇灰心, 請教於人, 再拿$出來買左個山頭植林. 但由於山頭本身泥土太硬太乾, 唔受水, 大雨就山洪, 小雨就流落山下, 依然種唔出野; 但佢冇灰心, 再進修研究, $在山上掘無數長2米高闊半米既洞, 將泥土曬乾, 壓碎, 加入稻米穀, 增加其透氣度, 再倒回坑中, 又植樹在其上令到土壤可長期吸收水份, 又减少山洪. 謝醫生既努力同金錢冇白費到, 佢「撲水」成功, 先後令梅縣, 東山鄉等貧脊地區, 係幾年後由沙漠變成綠州, 冇水變成水塘, 我睇到東山鄉植林前同植林後既圖片, 真係比一個肥婆減肥前減肥後更令我嘆為觀止. 但謝醫生01年發現自己患癌, 05(同我婆婆同一年)離開世界, 係佢抗病期間, 仍然竭力為山區貧民付出佢既精神, 力氣同錢財, 繼續「撲水」. 一班有心人係佢離開以後, 向住黄土高原, 呢個過去5千年來寸草不生既曠野著手......

這篇article令我好感動, 又令我對以賽亞書35章有新既體會: 「曠野和乾旱之地, 必然歡喜....沙漠也必快樂.又像玫瑰開花, 在曠野必有水發出, 在沙漠必有河湧流...並且耶和華救贖的民必歸回, 歌唱來到錫安. 永樂必歸到他們的頭上, 他們必得著歡喜快樂, 憂愁歎息盡都逃避.」係邊個令曠野出水, 令沙漠有河湧流? 呢度唔係講緊主耶穌靈意上既拯救, 而係鼓勵被擄既子民歸回耶路撒冷做開荒, 做利民既工作, 因為神會祝福, 係神既心意. 係我地身邊有好多「曠野」, 有好多「沙漠」, 我願唔願意出錢出力去服事活在其中既人呢?

for more information: http://www.greenaction.org.hk

Tuesday, November 20, 2007

天皇名粥 (1st Markham Place)

有個朋友識得天皇個老細, 聽講佢賺唔少, 一個禮拜埋數一次, D錢擺係車尾箱, D錢多到成個山仔咁, 試過一打開車尾箱就飄出來.....真唔真就不得而知.

果曰叫左個牛肉腸粉, !! 牛肉同腸粉既比例適中, 而且切成三段之後, 每一段既牛肉比例平均, 係多倫多唔係每間都可以做到; 腸粉夠滑, 唔削; 牛肉有牛肉味, 淋滑得來食唔出鬆肉粉味which is good, 值得欣賞是: 裡面散發出淡淡既果香, 係乜野係呢? 果皮, 師父將果皮磨碎, 同牛肉猜和在一起蒸, 難得係果皮覇度, 要令它不至奪左牛肉鮮味唔容易. 係多倫多, 食唔到第二間比佢做得更好, 不過, 有時都要講運氣(or 睇神既恩典同憐憫).

美中不足係, 天皇唔似黄三記或者四季粥, 比客人透過玻璃窗飽覽整個腸粉製作過程, 不然, 係眼目既「情慾」之後, 一定會令胃口既「情慾」大增, 令一碟本來巳經正既腸粉更加吸引.

評分:

味道: ****
服務: ***
效率: ****
價錢: ***

Saturday, November 17, 2007

安息年回顧(2)

07年8月8日, 安息年正式劃上句號, 5月債券既虧損以及6月家庭既財政危機亦告一段落, 當一切回復正常, Billy就問神:「點解你要孩子守安息年? 唔通你唔話比我知嗎?」聖靈:「我要你守安息年, 你知唔知係乜野意思?」

靠住神既祝福, Billy既資財一年勝一年, 在過去7年多以高速不斷增加. 而呢個祝福卻令金錢奉獻續漸被邊緣化. 何謂邊緣化? Billy奉獻依然係收入15-16%, 但同資產相比, 卻變得越來越微不足道, 呢個就係邊緣化. 邊緣化其實係好事, 因為最理想既退休資格眞係令人工收入邊緣化(坊間稱之謂financial freedom), 用投資回報完全取代人工收入, 要達到人工收入被邊緣化這個退休目標, 無可避免係十一/五一既金錢奉獻會首先被邊緣化. 那個係Billy, 仲有生活係資本主義, 自由市場下, 每一個基督徒都要面對既問題, 無論你覺唔覺, 理唔理都好.

對其他人影響有幾大, 我唔知, 對Billy, 我相信係大架, 唔係膚淺地認為佢對錢sensitive, 這要從Billy自小建構既信仰生活觀講起: Billy係一個相信以小控大既人, 由求學時期用10分1時間親近神, 借此拉緊其餘10分9既生活/時間, 達到以神為主, 珍惜每一刻既時間管理目標, 同樣, 自出身以來, 用奉獻去拉緊其餘10分9既金錢, 達到以神為主, 善用每一分既金錢管理目標. 當奉獻和資產既比例減少, 制衡力就會相對減少, 時間, 收入同支出都可以以神為主, 資產又用乜野去令到Billy以神為主?

神故意要Billy經歷由巨大回報到安息年間果種冇淡好食(-2.5%)所帶來既衝激; 又親眼見到之後次按風暴, 股市點樣係2星期內跌15-20%, 而Billy又一毫子都冇蝕既神蹟, 叫Billy體會到資產上以神為主既重要性, 但係要有系统咁以神為主, 即使奉獻同收入都邊緣化都以神為主, 要點做呢? 「大而可畏既主啊! 求你教我.」

第一, 股市升升跌跌, 每日都可以比一年奉獻amount多, 唔震憾就講野; 賺得比股神仲多(in %)亦會好易以為自己係股神, 我要不斷提醒自己, 賺得多唔係罪, 但當人人都賺, 自己就絕對唔係股神, 而係普通人, 就算係股神, 目標都係「保本」, 我又算乜野呢? 第二, 賺得多, 隻手就鬆(洗豪D), 說話行事同工作都會不知不覺間有種不可一世既感覺, 要嚴密監視, 求聖靈鑑察; 第三, 長線投資, 睇新聞, 而唔睇報價, 亦唔計算自己賺多賺少, 係另一個control; 第四, 用時間換取思想, 加重讀經同寫blog時間, 又加重在朋友中交通建立, 為世界/身邊人代禱既時間, 令股市波動心理影響因此冲淡. 「大而可畏既主啊! 求你保守我.」

Thursday, November 15, 2007

歲月風雲(2)

最近加拿大播<<歲月風雲>>, 借汽車夢去講回歸十年, 借回歸十年去為吉利汽車賣廣告. 中國汽車要打入世界市場, 似乎冇十年都要多五年, 如果要數歲月風雲, 不如話在全球銷量唔低而又有營養價值既維他奶la.

提到維他奶, 最出名當然係80年代既廣告歌:如果太多牛奶味, 朱古力味冇定企, 等到朱古力味番番黎牛奶味又唔爭氣......

其實維他奶係1940(43)面世, 創辦人係羅桂祥先生同佢兩個細佬, 第一日賣出6, 6仙一瓶. 由單車逐户派送, 初時冇消毒, 所以要即日飲用, 銷量有限. 二戰爆發, 維他奶被逼停產. 1945, 香港重光, 維他奶亦繼續以單車派送同零售寄賣方式經營. 1953, 維他奶引入高温消毒技術, 無須冷藏, 令銷量大增. 為左增加知名度同認受牲, 維他奶開始在各中小學免費派送同試飲. 而當時讀小學, daddy亦係果陣時飲豆奶. 1962, 加入麥精豆奶. 60年代末, 香港開始由輕工業時代步入消費服務業時代, 於是1968, 羅桂祥細佬睇到寫字樓打工仔食飯, 時間就係金錢呢個需要, 離開大佬出來創業, 開左會港第一間快餐店, 果然食正條水, 生意越來越大, 分店遍佈全港, 就係為人熟識既大家樂飲食集團. 過去, 大家樂跟後來係1972年才成立既大快活鬥左足足幾十年, 加埋美心快餐(怡和's)三分香港既飲食天下, 唔講你未必知, 其實大快活係羅桂祥另一個細佬開.

早期既維他奶係用闊口既牛奶瓶,後來改用裝汽水既玻璃樽. 1975年由依家主席羅友禮先生係瑞典引入紙包裝, 84年出維他375(仲記得「多D, D, wala」果個廣告嘛?)00年出125 mini. 不過最令人懷念同津津樂道既, 依然係士多, 放在鐵櫃熱水中既玻璃樽維他奶, 「秋風起, 三蛇肥, 北風吹, 熱維他, !!9512/962, 香港曾經出現過一場維他奶風波, 係麥精維他奶中發現有酸味, 令維他奶一度停產同回收.

時至今日, 維他奶己由獨孤一味變出十種味道, 係香港深入民心, 不過係北美生意一直唔好, 現正不斷打入內地市場. 至於我, 喜歡麥精維他奶, 亦經常飲用, 不過, 我仍然好想飲蒙牛. 哈哈, 可能因為要返香港先買到既緣故, 其實返到香港, 以毫升計, 我還是飲麥精多過飲蒙牛.

生意......不宜輕舉妄動

前幾個月有個六年冇揾過我既 York CCF同學突然打電話來, 問我有冇興趣做環保生意, 一問先知係 network marketing, 仲要夾 $11,000加紙, 幫間乜都賣既公司集資, 佢 up-line 有 900人 under佢, 分到十幾萬港銀一個月云云...... . 我自問唔係build team既材料, network marketing又唔乎合我既聖經/投資/理財理念, 我為此求問神, 聖靈告訴我:「管它一年賺幾多, 你都say no.」Billy:「係. 如果唔係一場朋友聚下舊, 孩子就連見都唔見. 求主叫我說話合宜, 不致動怒.」

我同果位同學見左三次(因為佢為此不斷call我約我), spend左6/7個鐘, 有趣係, 我到依家都唔知佢間公司做乜, 個同學一味推說環保係新行業, 唔易明, 你唔講, 我點明? 一味講會賺好多錢, 我唯有不斷惋拒.

同學卻死纏爛打左好耐, 話:「呢個係involve係大生意既好機會, 又可以enjoy加拿大頭淡湯, 你去邊度揾? 你份工可以比到你嗎?」(大生意?? 唔知有幾大?)

Billy:「我church, study同工作tie up左我好多時間, 唔能夠再involve....」
同學:「乜你唔想早D退休?」
Billy:「我唔join, 都可以退休, 我點解要join?」
同學:「錢冇人嫌多嘛.」
Billy:「冇錢呀, 萬一蚊加紙太多.」
同學:「你冇錢? 用晒來投資乍卦, 但投資唔係賺硬.」(係唔比錢你, 點?)
Billy:「總之神比我賺夠, 我想有番D時間休息安靜.」

之後就冇再見呢位朋友. 感謝神, 令我說話合宜, 但係...

聖靈:「呢個世界有好多唔適合做network marketing既人, 為左一個發達夢走去network marketing. After Primerica同呢次環保公司, 你應該知道點為呢班人祈禱同做分析啦, 呢個就係點解我唔比你join, 但叫你去聽既原因. 至於你個同學仔, 滿腦子生意, 不用再見, 電話亦少傾, 免得你動怒得罪我. 不過, 亦為你個同學仔祈禱, 佢將全副身家壓上去, 你就體諒下佢, 好好祝福佢, 唔好幸災樂禍, 但係你亦要protect身邊既朋友, 唔好走入唔適合佢地既地方.」

Billy:「係, 孩子謹遵教誨.」

Wednesday, November 14, 2007

依然故我

最近聽到個同股市有關既笑話, 話說恆指由2萬點升至32, 有個伙記在送外賣途中, 經過金魚缸, 抵受唔住「誘惑」, 入左去, 令送外賣遲左, 不過又賺左幾萬. 於是, 佢一不做二不休, 係佢老細未鏟佢同孖叉佢之前手起刀落, 炒左老細魷魚. (聽講香港因股市而令工作散慢, 服務態度變差既人越來越多, 因股市而辭職既人亦有不少.)

或者你會笑香港投資股票既人瘋癲, 居然quit左份工, 你會話佢地貪心, 話佢地賠了生命....但請你平心靜氣, 從佢地既立場睇, 當你每日都超時工作, 老細洗人唔洗本, 人工又"un"(冇人會覺得多), D顧客要求又變態, 好相與既, 一開口就話你:「今時今日咁既服務態度係唔得」(咁你想點? 咁叻咪叫劉德華來做lor), 唔好相與既就話:「你信唔信我打去明報」(玩野下, 揾餐食姐, 洗唔洗咁絕呀?) 咁既工唔知你會唔會enjoy? 「捱就捱啦! 鬼叫你窮呀? 頂硬上呀!

夜闌人靜, 偷偷咁顧影自憐, 可能你會唱呢首歌(調用<<尋著你的那天>>: 「傳說人生只不過是個夢, 無方向, 無意義, 沒內容, 貧窮或富足結局多方面不同, 但偏偏我仍然在困苦中.......直到一天買下紅籌或國企, 徬徨空虛悄然消失遠飛, 國企是神奇妙賜畢生的福氣, 如黑夜盡頭重現晨曦.」你話佢crazy? crazy? 佢只不過買左隻股仔, 隻股不斷咁升, 唔通咁就犯罪就crazy? 點解唔可以話係神既恩典呀? 另一方面, 如果有人, 就算賺5/6萬月薪, 而自尊不斷被踐踏, 但股市一日既升幅就有等如你既月薪, 季薪, 甚至年薪, 令你有quit既衝動甚至行動, 唔通咁都唔正常? 咁「自甘墮落」繼續向「現實」低頭, 而且堅持唔投資股票果班, 就唔crazy? 反而唔貪心, 係屬靈同愛主? D乜野道理?

我為教會既牧者/領袖 祈禱, 盼望佢地明白活在大升市既小市民/小投資者既心, 而唔係左一句貪心左一句crazy, 除左增加不必要既罪疚感, 你幫唔到佢揾到出路. 神係果位陪你走過高低起跌既主, 而唔係逼你低不成高不就既變態主子, 你要成長唔係有錢賺唔去賺, 亦唔係蝕到死就賭氣瞓教, 而係學會係乜野情况之下都能「保守你既心」又以神為主.

這令我想起聖經裡面既一個人物 - 未底改. 當佢mout係宮門口(可能佢係守門侍衛)比哈曼玩「殘酷一叮」果陣, 佢冇離開神; 當佢被萬人擁戴之後, 佢依然故我, 繼續返回岡位盡忠; 當佢最後一人之下萬人之上, 位極人臣果陣, 佢用盡佢既職權, 為百姓求好處, 呢個就係香港/內地投資者學習既對象.

Tuesday, November 13, 2007

方覺受用

之前老細(controller)走左, 個個人都話我係最好人選controller個位, 勸我向VP爭取升職加薪云云. 長遠計, 做manager比做散仔容易, 年紀大左, 隻眼矇左, 精力差左, 而科技又進步左, 追唔到, 捱唔住, 就再做唔好一個散仔. 道理唔係唔知, 不過, 神卻吩咐Billy, 唔准為自己爭取, 只可以等, 即使冇, 亦要處之泰然.

11月12日, 老細捉我入房傾, 終於加薪. 呢次加薪能令媽咪匯錢補貼在加家費减少25%, 每年儲蓄加15%, 又同時令開支比重佔收入百分比減少19%, 但由於會令投資回報追求收入的時間拉長, 所以退休時間表會因此减慢半年.....

神既恩典好大, 令我想起以撒, 創世記中, 神祝福佢, 令佢在農作物(一分耕耘一分收獲果種)出產有百倍收成, 又令佢畜牧業(羊生羊, 牛生牛, 錢生錢)發展強勁, 成為掘井(水)高手. 我冇以撒咁勁, 但神令我既事(農)業同投資(牧業)今年都好理想. 我算D乜? 神竟然咁樣祝福我, 遠超過我所想所求.

當我知道呢個消息之後, 我效法神既僕人:「不揚聲, 也不使街上聽見他的聲音」所以, 這個消息只會係呢個blog度公佈, 籍此答謝一直以來支持呢個blog既忠實讀者.

Sunday, November 11, 2007

妳是如此難以忘記

抬頭望住天上既一彎新月, 以為代表住一切從新開始, 估唔到呢彎新月勾住既, 又正正係一串又一串舊事舊片段, 妳既笑容妳既一舉一動, 既然己經烙印於心, 記億又點可能因時間而冲淡呢? 妳雖然走左, 聽到朋友無心既一句, 走過大街偶然既一望, 電視劇既某一幕, 流行曲既一句歌詞, 都會泛起我對妳既回憶, 只能講一句:「妳是如此難以忘記!!

朋友同我講起, 佢行街見到隻杯好鐘意, 於是買左比公公做聖誕礼禮物. 令我想起我曾經送左條沙灘大毛巾比我婆婆, 係我初初出來做野, 第一次公幹, Miami, 如果冇記錯, 條毛巾係$15美金(大約$25加紙)加稅. 當時媽咪Daddy話我傻(because buy "made in China " @ US and deliver back to China ), 怕我賺錢從此亂咁洗錢, 但婆婆唔會想到呢D, 佢一收到條毛巾就好開心, 自此之後, 佢就一直用果條毛巾做被. 毛巾長但做被始終太短, 但婆婆始終用果條毛巾做被. 所以當我聽到朋友講起佢公公, 我又想起我婆婆, 忍唔住眼濕濕, 佢走左返天父果度, 但係我始終好唔捨得佢.

Friday, November 9, 2007

歲月風雲(1)

上星期, 還在 prepare主日學 on 舊約綜覽, 今堂講到被擄時期先知耶利米同以西結. 話說猶大王約西亞敬畏神, 行律法, 係以色列歷史上最好既君王, 比大衛仲好, 因為一D衰野都冇講過, 卻不得善終, 戰死沙場 :<

猶大國從此喪失自主權, 在北面巴比倫同南面埃及兩大勢力底下生存, 政治同宗教或向「北」或向「南」傾斜, 都變得吃力不討好, 甚至自討沒趣, 走上亡國既絕路. 而先知耶利米同以西結就係要勸當時既以色列人, 唔理黑貓定白貓.....唔係.....係唔理巴比倫定埃及, 總之盡量保持中立, 唔反抗, 唔獨立, 盡之逆來順受, 但信仰卻堅持依靠耶和華, 那怕結局會似約西亞王咁不得善終, 生活上聖潔, 聖潔即係關心身邊既難民災民同貧民, 唔係今朝有酒今朝醉.

剛好Minnie (Billy's frd)msn問我, 我班主日學講乜, 於是, 我將內容大致講左一次thr msn, 佢唔明(正常). 當時神比我智慧, 將聖經講得明白, :「猶大國, 巴比倫同埃及當時既關係就好似你成日聽果首歌咁lor. 」佢問:「邊首歌?, 我唯有打電話比佢, :「聽到未呀? 佢問:「我聽到(你講)la!Billy:「唔係, 我問你聽到首歌未?」佢問(希奇):「歌?Billy:「你個電話聆聲呀! 如果太多牛奶味, 朱古力味冇定企, 等到朱古力味番番黎牛奶味又唔爭氣......」解釋就不言而喻, 不過接下來果幾分鐘我淨係聽到佢不停咁笑lor. 後來我用同一個比喻係主日學度share, 呢次就冇乜反應, 令我明白到, 解經如果解得貼身(當然係聖靈工作), 咁解釋除左呼之欲出之外, 就可以產生共鳴同永遠牢記在心, 盼望神繼續用我啦!