1001夜既搭訕

星期一晚, 除左係1001次(咁大把? 唔係), 每月1次既s-zone組長祈禱會之外, 仲係阿里巴巴呢個新股仔推出既日子. 第一日, 未開市(加東8:45pm左右)就做緊廿幾卅蚊, 收市$35.5, 升159%, price/earning ratio(P/E)到263倍都仲有人接貨, 勁!!!

開市冇耐, 就開車去Ronald屋企, 一路上同神搭傘.

聖靈:「升左咁多, 有冇後悔冇申請?」

Billy(想左兩秒):「拿, 我唔知係咪吃不到蔔萄是酸的, 但我冇後悔. 第一, P/E太高, PEG又高過1, 唔乎合做我地「杯茶」既條件; 第二, 抽中機會只有6%; 第三, 雖然幾乎明知賺硬, 但用萬二蚊(回報)去買我所持守既投資理念同紀律, 出手會唔會太低?」

睇過套電視劇叫<<奇幻潮>>, 有一集講有個收買佬向女主角羅敏莊高價收購人格, 諸如: 堅持, 信用, 同情心 etc etc, 羅敏莊因為細佬患病, 所以乜都賣, 賺錢救佢, 但最後連佢最痛錫既細佬都對佢恨之入骨......值得嗎? 如果40年前有人用$1億要Warren Buffet出賣佢既投資理念同紀律, 出手高唔高? 又如果你唔知為左乜, 可能身不由己, 做到冇日冇夜, 出賣左錢買唔到既健康; 最有趣係, 我地願意用 any the time去出賣(or 無了期defer)我地同神親近, 認識, 搭傘既時間, 值得嗎?