放手接手

通常一二月公司 year end會好忙, 4月 quarter end又會好忙. 時間上, 每兩星期一次既cell group bible pre-study, 每月/每個半月一次 G12 (cell servants) meeting, North Bay project開始之後亦 driven唔少時間. 嘗試加多D陪Daddy 陪天父, 做運動, 同弟兄姊妹朋友傾計食飯, 為初信弟兄follow up, 分唔出時間, 覺得好虧欠.

想讀神學, 想花時間寫blog, 寫個Philos website同為Philos' songs出MV/slide shows, 但冇時間. 經濟同投資方面, 想學多D, 睇多D news & articles, 做多D經濟分析&基礎分析, 出多D pro D既報告, 但同樣欠奉時間.

做Financial advise admin work越來越煩多(我admin好差), 要求我出席advisor meeting既demand又越來越多, 加上平時咁忙, 大跌市前約唔到client re-model個portfolio, 大跌市可入市亦約唔到client加碼, 覺得好虧欠.

5月頭 manager同我開review meeting, 勸我要認真看待我地 business, 去meeting, 做好admin work etc etc, 之後我真係認真咁做admin, 想做好但仍未夠好, 5月中去左advisor meeting, 神透過branch manager提醒左我. 我有出路, 就係quit!!

既然吃力不討好, 睇住人D錢, 責任壓力又大, 又賺唔得多(因為1)擺唔出時間; 2)admin work差; 3)分析太仔細老實又唔識轉彎, 有乜可能上位?), 不如quit, 無謂我辛苦時又令到神, D upline同clients陪我一齊辛苦. 就算以後賺到, 我又唔係靠佢開飯, 何必在financial reporting這份要加班既正職之外再花已經耗盡, 擠無可擠既時間同生命呢?

某日放工搭巴士, 忽為諗通左, 後來我不斷反思quit既理據, 我再次發現神既恩典同期望 lor. 我要spent more time on神/family/弟兄姊妹身上, 要continue神話語既各種職事同創作, 要進修同分析經濟/民生/市場, 同神既心意偏離既人與事, 要早D quit(雖然對我D clients好唔好意思, 但好多謝佢地體諒 lor).

恩典係神令我份financial reporting full time工作輕省左, 人工因為太出上頭走佬而一加再加, 一年之內加左我4次人工, 多到我有D受寵若驚, 有趣係: 加人工令我賺錢or賺外快既incentive因為marginal tax rate太高而大大降低, 加埋奉獻同家用, 每賺多$100得10%落自己袋, what's the point?

另外一個同錢有關既恩典係投資, 我發覺投資股票要有一個輕省唔貪心既清心, 升幾多跌幾多都唔緊唔緊咁有所堅持, 再加上經濟&基礎分析, 原來回報可以多好多, 雖然過去幾年我就係咁做賺左唔少, 但我一直都唔信(攪笑). 假如我將生命同時間過份分散地投資, 會成為我培養一個輕省唔貪心既清心既一大障礙.

既然神既恩典咁多, 我可以耗盡自己, 而浪費青春嗎?

祈妙旅程

既然神係無所不知, 又何必祈禱? 大概係好多初信都會問既問題. 一星期前同阿Siu做follow up佢亦問過. 信得耐既其實冇解決過呢個問題, 只係唔再問己矣. 大概神想人祈禱, 係祈禱先令所求既要求生效, 又或者, 透過祈禱先令我地知道神(旨意)點睇罷! 之前分享過 National Treasure II這套 Disney movie, 令我對祈禱有新既體會.

男女主角(Diane Kruger & Nicolas Cage)既關係 - 因衝突而相遇, 因歷險而結合, 但因了解而誤解再分開, 最後再因歷險而復合. 故事講 Nicolas好聰明, 能夠破解一個又一個 puzzle/hint找到寶藏, 同時亦完全了解女朋友個心諗乜以及真正想要同需要. 正因為咁, 佢往往可以未等女朋友開口就叫破, 並且說服佢放棄 Wants, 而接受Nicolas比佢既 Needs. 情況有 D似神一樣無所不知, 但結果令女朋友反感而走佬.

故事最後, 女朋友Diane提出要求:「我想同你講, 同你分享我諗緊乜, 想要D乜...」Nicolas:「但你未講我已經知道...」Diane:「係, 你知道, 我知道你完全知道. 但你可唔可以聽我分享下. 」

原來人與人既關係, 唔係建立係無所不知, 有求必應, 又或者唔理你想點總之你give up ur wants and i will provide ur needs之上. 而係花時間彼此互信/溝通/分享開心唔開心, 有理無理既要求等...祈禱係關係建立, 唔係法庭審犯, 只等法官宣佈: Yes, No, Wait這類冰冷裁決既官式交談. 早前寫左首歌叫<<祈妙旅程>>, 再同大家分享下啦!

誰曾應許?

詩歌<<誰曾應許?>>有句「晝夜眷佑, 連頭髮也數過.」 一般人以及領詩都覺得, 神既愛好無微不致, 連頭髮也數過云云. 一般人唱完聽完覺得好舒服, 但從來冇諗過呢兩句究竟講乜.

問題係: 1) 神係咪無條件, 基於乜野情況, 頭髮也數過係咪代表晝夜眷佑/無微不致? 2) 點解頭髮也數過代表晝夜眷佑/無微不致?

其實, 歌詞出自馬太福音10章30節, 全章聖經係耶穌差遣門徒出去宣告天國降臨既信息, 但耶穌怕D門徒驚, 唔敢出去, 叫佢地唔洗憺心, 因為天父對佢地「連頭髮也數過」...所以呢個應許係用來安慰人對委身付代價而產生既憺心. 英文NIV用過去被動式"is all numbered", 即是係門徒企圖委身付代價之前, 天父已經數過佢地既頭髮. 委身付代價除左係權利義務之外(太過法律既形容詞), 而且係一份福氣同感恩回應(人際關係上既形容詞). 另外, 26-29節提到呢個委身可能會死, 會殉道. 咁去理解「晝夜眷佑, 連頭髮也數過」又會唔會令你再反思「 誰曾應許」這個題目?

2nd question, 點解頭髮也數過代表晝夜眷佑/無微不致? 第一個原因係29節同31節睇到D. 耶穌話:「麻雀值一文錢, 神都保守同愛惜(可能指獻祭用既雀仔), 何況你地(奉獻自己服事神既人)呢?」 咁點解強調頭髮呢?

假如你男朋友/女朋友每曰去數你D頭髮, 你會覺得佢浪漫嗎? 你會因為咁覺得佢非常愛你嗎? 定還是你覺得佢好無聊, 好煩呢?

以色列人覺得頭髮係冇可能數得到, 而且每個人頭髮既數量, 個個唔同(other than和尚), 所以能夠數得到頭髮代表神對個人 unique既了解.

另外以色列人覺得頭髮代表神賜比人既力量. 參孫力大無窮, 因為頭髮. 大衛個仔押沙龍頭髮好靚同夠重就代表佢好有領袖魅力. 所以「頭髮也數過」亦代表神賜比你既力量, 你有力量去manage/handle神比你既situation既應評, not神will always problems難處.

民數記6章講向神許願同委身既以色列人, 當許願/委身期過左之後, 又或者犯罪/不潔之後要剃光頭. 即係由擁有數不盡既頭髮變成冇頭髮. 參孫因為犯罪而被逼光頭, 因為犯罪令神離開佢, 以致冇左力量, 所以, 「頭髮也數過」在當時門徒心中亦有一種因犯罪「數無可數」, 冇晒力量既警誡性. 另外, 許願/委身期過後剃頭並將頭髮同祭牲一齊獻上, 就代表承認力量源頭以及係委身後將榮耀歸比神.

30分鐘瘋狂掃貨

以前電視有個節目, 比贏左既參賽者在電器鋪or玩具鋪瘋狂掃貨3分鐘(由於起點&終點係服務員櫃檯, 來來回回, 實際只有兩分鐘). 我好多時諗, 如果比我會掃D乜野? 電視機? 遊戲機? 電腦? Um.....假如比3分鐘你已經拍斕手掌, 比30分鐘你咪發大達? 可以將成個電器鋪/玩具鋪搬番屋企?

美國早排水災, 浸到我美國母公司, 所有同事都受影響. 高地水浸到腰, 河邊水浸到二樓. 有人預先將家俬財物搬上二樓, 結果都係浸晒 :<

部車浸左, 可唔可以再用? 間屋浸左, 可唔可以再住? 政府會賠幾多? 下年洪水唔會唔再來? 聽美國D同事講, 今次洪水來得好快, 有D低漥地方政府派人去(半強逼)接D居民撤走, 比30分鐘你執野. 原來30分鐘係洪水既時侯係好短, 可以執乜? 應該執乜? 好多同事, 執左證件, 證書, 存摺, 首飾財物, 一D隨身衣物同埋最重要 - 家庭照片/年輕照片同錄像, 唔夠時間, 要走. 一兩星期再返到家園, 早已人面依歸, 景物全非 :< 有個同事間屋係河邊, 洪水過後, 間屋沖左去三里外既農地, 而農地就變左泥漿 :<

原來當面臨天災人禍, 電視機, 遊戲機, 電腦係比唔起舊相咁重要. 當我地spent好多 $去build up 一個home sweet home, 一下子化為烏有, 可以點呢?

保險? 水險好貴, 冇乜人買, 加埋賠都賠唔到, 令人回憶既人事物, 損失有幾大, 真係唔識計!!

Wii Fit

千呼萬喚始出來, 由上年年尾上youtube到6月係北美推出, 但out of stock, Wii Fit 係我期待已久. 呢段等侯期間, 有好多「專家」為左飯碗既緣故, 話 Wii Fit只係遊戲而唔可以有做exercise既功效, 所以冇用云云.但假如做exercise冇遊戲既元素, D專家又點樣鼓勵好似我呢D咁lazy既都市office人做運動, 而且持續咁去做呢? 係人都知最緊要運動, 係人都知頭30分鐘跑步好, 遊水or踩單車叫帶氧運動, 而帶氧運動係「冇用」, 因為未能消脂亦練唔到肌肉. 呢D「專家」既言論亦影響左我Daddy對我呢條懶蟲既睇法, 就係: 每當我做30分鐘運動, 佢都會話我「冇用」 :< 問題係: 冇頭果30分鐘又點會有之後既日子呢?

成日叫Daddy 媽咪鼓勵我, 但佢地話, 做運動係責任, 唔洗鼓勵 :< 又話我唔肯做運動就會點死點慘. 呢種沒有「祝福」只有「咒詛」既表達方式(當然出於好意)令我做運動太多責任感, 好冇癮, 又有種不能超越30分鐘既罪疚感. 又因為呢份罪疚感同責任感, 而令我無法超越30分鐘 :<

Wii Fit既誕生令我人生再現希望, 可以重新開始, 而我亦有種使命感, 去為Wii Fit平反. 一直都欣賞任天堂呢間做遊戲既百年老店, 由灰機, 紅白機, 超任到Wii同Wii Fit, 我都有捧場, 每次都比到我有創意無限既驚喜. 只係唔鐘意管理層「過份」保守 just in time既 inventoy management, 令到產品成日 out of sotck, 令我買唔到.

7月11日, future shop出新flyer, 早上10點我同老細講我出去一陣, 半個鐘後返, 跑左去排隊買Wii Fit, 原來要籌, 感謝神, 有18部, 得到第14號籌. 有籌令我覺得部Wii Fit特別矜貴, 有種分別為聖, 蒙揀選既族類既專貴身份. 尤其見到後面D人繼續排隊, 我出於「好意」話比佢地聽 Wii Fit已經sold out果陣.

love admin

振災/平時捐$比邊個, 好多人都會based on admin fees, admin fee高就唔好, admin fees above 20%就太過份, 一定係D總理中飽私囊, 最好100% $落到施恩對象身上就 prefect. 係咪咁簡單? 假如你打開教會年報, 會發現admin fee係多到爆, 差傳/牧養/傳教既費用遠遠低過admin fees, 係咪代表admin fees冇用? 係咪代表有人中飽私囊? 大部份情況下都唔係, 我地又點能大細超, 用另一種法碼去論斷自己唔知既事呢?

慈善機構裡面工作既人唔係牧師, 但都係人, 都要開飯, 人工普遍比企業低, 福利普遍比企業差, 但生活指數肯定比施恩對象高好多, 冇admin fees點養家? 點請專業人材? 假如請班無能人仕, manage funding唔惦, 非自願地亂洗錢, 又或者因為對災區經驗/人脈/器材不足, 樣樣都要由零開始, 帳目上100% to 施恩對象又能代表什么? 當然慈善機構既施恩對象唔係機構本身, admin fees唔可以高得太離譜, 但唔可以太刻薄. 退一步講, 你有100蚊, 假如無法親身救濟, 你比人, 有70-80送到施恩對象之中, 20-30送到服事既人手上, 難道不是一件美事么?

講返教會, 施恩對象有三類: 1)牧者/行政人, 聖經話:「牛在場食農作物, 唔好封住佢個口」 2)會友, 所有設施場地唔通你冇份用? 除非你唔返chruch; 3) 我地身邊/遠方未信既人. 所以如果你覺得10%奉獻太多(對唔住, this is mini requirement, 冇得再低), 好容易, 帶多D人返 church, 令教會資源得到充分利用, 減低general exp per head count or per sq feet, 咁咪抵D lor.

我地係神既施恩對象, 佢比左條命我地, 又令我地豐衣足食(即使唔係大富貴), 10%奉獻係我地感恩既代表, 亦係我地向別人向自己施恩既機會. 另外, 聖經亦吩咐我地在10%以外3.3%施恩比貧窮苦難中既同胞.