沒有花紅的日子

忙了兩個月的, 終於忙完公司的年結.
忙完, 人像死魚. 腦袋的所有智慧和腦汁俾人抽乾抽盡, 經過精心烹調, 賣了給公司享用(即係食腦), 家陣個腦空白一片, 暫時用禾稈草摭住, 正一「頭大冇腦, 腦大生草」.

在這段日子, 越來越明白「眾人皆醉我獨醒」原來是最痛苦.
雖然公司 3月1日才公佈08年全盤業績, 但我在公司2月中的簡報上已看出了差無可差的問題. 這份心中有數令到我比人更難受.

在分花紅一早無望之際, 忽然收到 e-mail 話:
「公司是否分花紅仍在討論中, 要 3月才有結果.」
弦外之音, 是否代表公司會分花紅?

如果唔分, 請你唔好引我, 好像漫畫怪醫秦博士對付他的仇人一樣, 整到佢重傷再醫番好佢, 再整傷佢.....本來對 bonus 心死的我, 何必再引我, 何必咁殘忍?

最近流行批判金融界在蝕錢下仍然領巨額花紅.
其實在那些巨額花紅背後, 充滿著無數像我這樣靠分析搵兩餐飯食的小員工.

什么是花紅? 說穿了就是公司剝削員工的把戲.
做分析要經常開 O.T., 但公司說:「你是專業人仕, 所以冇 O.T.補水, 但每年有花紅分.」(低能, 專業人仕 D時間唔係時間? 點解專業人仕冇 O.T.補水? 打橫來講.)

O.T.補水是可靠, 花紅是不可靠.
金融公司冇補水, 現在連分花(其實是人工補償)都被說成人渣, 公司就有更多籍口剝削我們這些小員工.
那 些 CEO, 花紅大份, 你限制佢應該, 但你減佢花紅, 佢可以加自己人工, 加自己 stock options, 加自己 benefit etc etc 去補嘗, 你整唔死佢, 又或者, 你整死佢既同時, 不知有多少個 Billy和那些 CEO 陪葬, cut 的 cut, 炒的炒.....

何必呢? 何必呢?

燕尾蝶之無心插柳

午飯除了 Shoppers' Drug Mart (加版屈人寺) 和 Futureshop (加版瘋擇 ), 還會去蹓蹥 Chapters Cole's (加版三連輸局 ) .
昨 日(02/25)才在 Amazon 網上訂了兩本新書, 今日無心插柳的經過 Cole's, 本來只想 window shopping, 一心眼看手勿動, 戒買唔戒輸(係唔戒書), 誰知肚裡條書蟲又作動, 令到 Billy 不單止飽受每日一次, 比生死符更陰毒之飯氣攻心的折磨, 還遇上天下間最可怕的劇「讀」 - 揭書抵你正.

唯一的解「讀」方法就是以讀攻毒.

請問我要 「書」 幾多錢?
幾多錢都唔緊要
俾張解「讀」先「單」俾我.

平價書書檯上見到 Al Gore (前美國副飯桶)的書, 相片多, 圖表多, 由標價廿蚊加紙減到 6蚊, 唔洗考慮, 買左佢.

眾所周知, 2000年美國正飯桶選舉, 大部份美國人投票給 Gore, 但 George Bush 卻在議席上勝出, 當上了美國正飯桶一職.
其實正飯桶有乜好爭來做, 日日要食人民大鑊飯, 而且飯飯大鑊, 仲要俾人罵你正飯桶.

Gore做不成飯桶(去世界各地演講, 推廣環保.
而我買的那本, 當然也是環保.

想到環保, 就會聯想到 Shine 主唱, 黃偉文填詞的"燕尾蝶". 歌詞優美而有意思.

摘去鮮花然後種出大廈
層層疊的進化　摩天都市大放煙花
耀眼煙花　隨著記憶落下

繁華像幅廣告畫　蝴蝶夢裡醒來
記不起　對花蕊的牽掛

燕尾蝶　全沒了　在發射塔之下
這地球　若果有樂園　會像這般嗎?

文明是種進化　儘管適應別制止它
力竭聲沙　情懷承受不起風化
叢林不割下　如何建造繁華　別問怎麼不愛它?

Al Gore那本書, 有幾句幾感動我:

1. Our relationship to nature is not a relationship of "us" and "it". You know that we are all part of the same ecosystem, that we are all in it together.
• Bilibala 翻譯: 我們和大自然的關係不是「我們」和「它」. 你要知道「我們」都是活在同一天空下, 同屬一個「祂」.
  
• 歌仔有唱:
  
• 教我如何不愛「它」
• 若果生命只配有一個「祂」
• 到了沒法相處再去記「它」好處
• 憑回憶製造這自欺的笑話
2. It ain't what you don't know that gets you into trouble, it's what you know for sure that just ain't so.
• Bilibala 翻譯: 不是因為你不知道而令你捉蟲, 而是你以為「自知」「確知」的那份「無知」令你捉蟲.
3. Yes, this is a crisis. However, it is not hopeless. I like the fact that in Chinese, the word "crisis" is made up of two characters: 危機, the first one means "danger" But the second means "opportunity".
• Bilibala 翻譯: 冇錯, 今次大鑊, 但唔係冇希望, 我好鐘意中文字 "crisis" (大鑊)由兩個字「危」「機」組成. 第一個解 "danger", 但第二個解 "opportunity".

究竟我們的地球是否真的如此大鑊?
我們又可以如何去愛「它」?
如何將「危」化成「機」?

請看 Bilibala 下回分解:

燕尾蝶之有心裁花.

鬆一鬆

返工忙, 放工後也是忙.
在公司, 有時間, 總要爭取機會鬆一鬆.

除了每日中午來個殘酷一叮, 食飯.

也可以沖杯咖啡, 嘆嘆茶.


公司的汽水機特別平, 外面賣 $1.59一支 500ml, 這裡賣 $1.25.

寬敞的空間, 又坐在沙發上, 一邊看電視, 一邊飲野, 不怕有人話你偷懶.

世界盃, 奧運還有奧巴馬, 又或者開 party, 這裡總會逼滿了人, 來個集體蛇王.
即使你在那些日子扮勤力, 也沒有人知道.

要清靜, 可以躲在偏角.

也可以玩足球機和冰球機. 不過這需要找兩三個同事一齊起事, 一齊「吞泡」才成事.

篤波可以一個人玩

唔篤波可以聽唱.

哈哈, 鬆一鬆之後, 做多一陣, 又係時間鬆. 同老細講聲:「早抖啦! 你」(good night)

累了

這雖然工作不太忙, 也不太趕, 但兩日覺得有點疲累. 令到昨天也沒有空閒寫 blog, 有空閒回應和看blog友們的友.什么也不想作, 整晚懶洋洋的, 其實也不是懶洋洋, 只是有別的事忙.

忙什么?

這幾天繁忙事有三:

1. 作新歌;
2. 整理舊歌;
3. 另寫一個新 blog.

新歌

Philos 今個星期四開會, Billy 希望在此之前趕起山渣老師上星期 send 給我的曲.一般而言, Billy 習慣將首歌聽幾次, 雖然擱下它幾日到一星期才動筆.至於用多少時間寫完一首歌, 大概要看是什么內容, 以及歌曲對像, 快則 3個鐘, 慢需30日. 一年大概可以寫到10首新歌.

無論如何, 這是我常常提及:
對一個音樂白癡和只有中一中文程度的人來說, 能一年寫10首新歌, 確是神大大的恩典和恩賜.整理舊歌禮拜日和團契弟兄姊妹食飯, 講起他們去聽 White Base (多倫多某基督教 band)的演唱會....Billy:「演唱會, 如果我為你們提供歌曲, 你們也可以攪一個.」某某: 「攪一個演唱會要有許多首原創歌, White Base 有11首, 再在 Takenations(另一隊 band) 借來 3首, 共唱了14首才攪成一個演唱會...」Billy:「我有40幾50首, 只係等緊人唱同錄音.」就這樣, 團契弟兄姊妹應承為 Sandra 和我的所有作品錄 demo. (好野! 感謝神)一直為 Philos 一眾成員太忙, 無法唱歌和錄音而發愁, 現在多了一班新力軍, 太好!不過要整理過去幾年的作品, 將它們全歸納到一個 file 裡, 將所有曲, 所有詞排列和set up bookmark 等, 煩死.

新 blog想試試開了Google 的 Adsense 服務有多好, 又想試試 Blogspot 和 Yahoo Blog的比較.新 Blog 主要又或者說完全的投資分享.
一來可以作為我做分析的記錄, 儲在 email裡太不方便. 二來想進一步淡化這個 Yahoo Blog的投資分享比重.Set up 整個 blog 的排版, 網誌分類等, 忙個不日樂乎.....

「點解!」「點解!」

通常Billy習慣在晚上10-11點開始寫 blog, 12點幾左右寫完, 然後教教豬.
今日放假(family day)亦不例外.

寫寫寫寫......寫寫寫寫......
yeah!! 再寫多三句就寫完.

突然間 hang 機 .
再打開草槁, 篇 blog由再寫多三句就寫完打回原形, 變成只寫了三句.

嘩! 激到我 !
激到我在電腦房大叫兼大拍書檯.
「點解!」「點解!」「點解!」(唔知仲以為我係失戀)

但一切都太遲, 一切都要重新開始.

算!! 大教訓! (睡)
真係大教訓! (罰)
仲係大整蠱!

還是覺得你最好(上)

最近頻頻打邊爐.
有兩公婆邊爐癮發作, 每日在痛苦之中渡過.
Billy 有基督的心腸, 唔忍心見到身邊有人痛苦掙扎.
於是化身成一對筷子, 將佢地掉入水深火熱的邊爐之中.
「你地依家可以煮埋安食.」(主懷安息? 未有咁快, 都未熟, 主多陣先啦!)
兩公婆即時流露感激與歡欣.

一月忙, 排期約好二月(11日)為這兩公婆打美沙酮, sorry, 係打邊爐.
本來三個人, 結果變成聯合「會疹」. 7個見義勇為的朋友一齊陪這兩公婆打.

去了 Toronto Highway 7 & East Beaver Creek 一間新開叫100 Degrees那裡打(探險).
「朋友, 你因往呀! 小心扑親.」

閒日價錢算貴;
野食選擇多元化, 一般, 手打牛肉個個都話好;
除了任食外, 「送」只一次過的海鮮盤, 海鮮盤有生蠔和龍蝦.

湯底通常是什么沙爹, 皮蛋, 清雞....100 degrees有胡椒豬肚, 冬陰功, 多點獨特選擇.
不過, 當燒乾湯水後, 伙記只加水而不是加湯, 即刻覺得間食店冇誠意.

Sorry, 老本行(投資分析)發作.
覺得難頂, 可以 skip這一段:

做食, 做打邊爐是個入行門檻低, 競爭激烈, 而產品(邊爐)與對手分別不大的一盤生意. 所以, 有人話做飲食最重要只有三樣:「地點, 地點, 地點.」
這當然有道理. 但其實 products 無分別, services 做得好, 也可以與眾不同.
例如:

• 加湯不加水, 即使是雞精水, 黃黃地色也好, 這才是服務嘛;
• 一人一鍋, 費電費 gas. 但沒有一人一鍋, 老外和扮健康/衛生一族, 肯定食得冇咁開懷;

一班人談論歷代拍過的電視劇"鹿鼎記".

邊套女主角最靚?

• 阿珂: 應采兒做阿珂, 我覺得佢唔似 lor, 不過成班 friends 一致認同這比商天娥容易接受得多,
• 84年梁朝偉那套除了劉嘉玲, 其他都弱 D(冇楊盼盼 lor, 其實毛舜筠都靚);
• 98年陳小春那套, 全部2-3線花旦, 梁小冰(依然好過商天娥), 鄺文珣, 馮曉文, 陳小霞, 假如沒有比較, 或者ok, 可惜, 點會冇比較?
• 靚女最多要數2000年台灣張衛健拍的那套. 有林心如, 朱菌, 舒淇, 陳法蓉, 吳辰君.....

邊套最好看?

• 最差共認是陳小春那套;
• 張衛健那套改到七彩, 但幾好笑;
  
• 最好....有人認為是梁朝偉那套最好. 至少梁朝偉同劉德華, 小桂子和小玄子的感情寫得不錯;
• 我認為現在黃曉明那套(到現時為止)都幾好睇. 雖然我始終覺得黃曉明不似韋小寶;
• 欣賞張紀中導演過去的每套金庸劇. 亦欣賞他用小孩子拍小年小桂子和小玄子. 比叫大人扮合情合理和可愛得多. 往後如何, 要繼續看才可有分解.

「牛肉熟, 涮啦喂!」

冤家路窄

每朝早返工 Billy都要爭分奪秒, 不是趕返工, 而是爭分奪秒留在床上到最後一分鐘.
準時返工? 哈哈, 我公司又冇打 card, 晚晚又要加班, 加班又冇補水, 準時返工幹什么? 又冇人工加! 老虎都遲返. 最好落大雪, 乘機更遲返.

住大廈, 車泊在私家地下停車場, 每朝都要打蛇餅般兜兩個大圈才能「鑽出地面」. 每當遇到送完仔女返會回家的阿媽們(點解永遠是阿媽接送?), 短短一兩分鐘的「旅途」就會變成最考技術和耐性的障礙賽.

如何在窄窄的車路, 前面塞住個「媽咪大人」的情況下繼續前進? 令人每朝都有再考牌的辛酸感. 大部份媽咪都好合作, 知道幾時要讓, 幾時當「人」不讓.

唯有一個阿毛(Sorry, 她的而且確是個不折不扣的阿毛, 仲要係好乞人憎既阿毛), 好唔通氣, 無論條路多窄, 直路還是轉彎, 她都勇往直前, 任何時侯都係咁向前質, 兩架車淨番半吋位, 響按狂 deep佢都誓死「超時空要質」. 真係乞人憎.

有時要有空位, 互相遷就, 才能過到自己過到人嘛.
假如死質, 反而令大家浪費時間.
假如她是個青春小艾的靚女又唔同, 慢 D咪慢 D lor, 我又唔趕.
我仲要省靚 D塊玻璃, 省靚 D塊鏡, 塞住又何況?
唔撞就得啦.

但果個阿毛, 唔係樣衰, 但真係要執下同大修.
仲要嬲爆爆, 好似全世界欠左佢咁, 從來唔say hi, 但我又好驚佢"hi"我架車.
冇計, 唯有停晒, 同拿手機拍住佢.

停車場是交通意外的黑點, 十成九是拜這類不顧他人的車神所致.
原來每日駕車同坐車, 遇到千萬條心口貼個勇的盲毛, so far 只試過炒兩次, 亦值得感恩.

私房菜的長談

拜日晚和小怡(不是森美的那個小怡)食飯, 去了 1st Markham Place.
發現原先「四季粥」執笠(小了一個好去處)的鋪位開了間私房菜, 一於試下.

可能工作和寫blog太用腦, 所以我最痛恨想 IQ題和諗去邊度食.
有機會可以唔洗諗, 或者有人替我想通一切, 就最開心.

最近, 小怡不斷追問我有關「聖靈是什么?」「如何經歷聖靈」等問題.
基督教相信三位一體的真神: 聖父(耶和華), 聖子(耶穌), 聖靈.
而聖靈是降臨在世間, 貫乎在信徒中間/心中, 讓人認識和經歷看不見的聖父和已升天的聖子.

OK. 介紹下頭盤先.
頭盤是咸湯丸.
Billy食過黑漆漆的雷沙湯丸, 但也從未試過食咸湯丸.
這咸湯丸有紹菜(小怡最鐘意食), 有蘿白絲(Billy最鐘意食), 還有魚肉.
個湯好好飲, 而且飲完不覺得有味精.
只不過, 湯丸倒像是可有可無.
定還是廚師希望將湯丸弄成像放在奶茶裡的珍珠?

聖靈又稱為安慰者(保惠師),理論上是與信徒關係最親近. 但現實上卻反而是我們最陌生和最生疏的一員.
我們表面上對祂禮敬有加, 但我們卻不懂和祂溝通, 甚至分不清什么是感覺, 什么是聖靈的感動.

下一個菜是蜆肉竽頭煲.
D蜆肉細細粒, 冇乜口感可言, 但太大又容易老.
竽頭不太淋也不太硬, 而且吸收了蜆肉和上湯的鮮味, 燜得好.

我們不禁要問: 除了唱詩那一刻的快感, 有什么時侯被聖靈充滿呢? 唱詩唱得投入又是否代表跟聖靈接觸呢?
看不見, 觸不到, 如何經歷到衪? 是靠感覺, 神蹟?
重讀約翰福音 14-16章, 你會發現耶穌不是用「感覺」, 「神蹟」去形容聖靈, 卻重覆用「真理」去形容聖靈.
原來每次打開聖經研讀思想, 就可以/巳經遇見聖靈.
原來在沉悶的某天生活裡, 聖靈無時無刻都跟我在一起.
只是我能察覺到嗎? 我肯相信嗎?

問伙記餐牌上寫「廚房炒飯」是什么? 她卻答不來.
唯有憑信心叫了一碟, 用條利用把口慢慢品嘗.

材料有蝦, 有四季豆, 有雞, 和燒鴨.
炒得幾乾身, 但不是太特別.

如果每日花多點時間讀聖經, 做每件事都試下祈下禱(不用求答案, 情況和你去買衫問個 friend件衫靚唔靚類似.)
至於你如何分清聖靈的聲音. 這問題有點玄. 答案是:「你會知.」
情況和你個 friend打電話給你, 你點知係佢? 聽得出(如果熟的話.)
平時冇乜兩句, 打電話來叫我估佢係邊個果D人, 同以我估IQ題一樣困難.

食完飯食個木瓜雪茸糖水.
比較可惜是, 兩個人試不到太多菜式.

小怡最後問:「平時唔熟, 錯左點算.」
錯左冇所謂, 任何一段關係都有估估下和誤會的成份和風險. 同神溝通某程度上和 online結識 blog友(祂post左本聖經講自己)差不多.
如果你怕出錯而不溝通, 怎能建立關係.

情況和你愛上心目中白馬王子/女神, 但因為你太驚太唔自然, 你好難令佢追你/追到佢. 太投鼠忌器會令到一段關係產生更多誤會.
既然神有赦免, 和祂建立關係, 何不來個「膽大, 心細, 面皮厚.」

有係時侯去廣告. 這是一首以聖靈做主題的詩歌.
在聖經裡面, 常用「風」來形容聖靈, 因為希伯來文, 「風」和「聖靈」是同一個字.

風靈頌 (國語)

曲: Sandra Wu 詞: Billy Lau

我有個問號始終找不到句號
若聖靈能和神劃上等號
為何有些時侯感覺不到衪的訊號?
不知道要如何開引號

一刻超快感充當衪入座對號
難道長闊高深只能充當口號
聖靈充滿我心房, 還是音樂的符號?
心在寂靜中那風靈才吹號

看不見的微風 雲彩大地卻跳舞
找不到的影踪聖靈卻住在我心中
也許不是神通, 不是方言, 不是失控
乃是真理的靈每一刻感動

一絲, 一紡, 一線聖靈的澆灌
一行, 一站, 一坐重生風采
生活的每個劇場都是屬靈的牧場
教我不對抗, 迎接衪的擁抱

看不見的微風 雲彩大地卻跳舞
說不出的禱告聖靈是我的感嘆號
忘不了的跌痛也是衪喬裝的祝福
我願意 我願意一生的順從