點解鍾情麥當勞叔叔

結婚快一周年, 和許多對新人大排筵席不同, 我和管++三百蚊租用教堂的禮堂, 點了外賣曲奇, 以迪士尼米奇老鼠為主題的結婚蛋糕, 廿箱水, 一雙星巴克 5 公升熱咖啡和一雙麥當勞叔叔 5公升凍果汁.

這些選項特顯了我們回復小孩子的樣式, 永結同心喜歡迪士尼電影卡通, 以及誓不兩立(說互相輝映罷)她鐘情星巴克, 而我由細到大有麥當勞叔叔陪我成長, 成材, 甚至成聖 :) 在結婚這樣的大日子, 若然不向 uncle 進行利益輸送, 俾佢賺, 實在天理不容.
之所以再提麥當勞叔叔 @ billy 婚禮. 事緣兩日前化妝厲人問我投資, 問我 burger king 值得投資嗎(堅定到永生那種)?

我想也不用想, 投資麥當勞叔叔, burger king 唔好.
厲人,"why not? 升得唔錯!"

我人懶, 加上發覺人人問我同求簽冇分別, 總之簽俾你, 比利只需簽, 上, 中, 下 (buy, hold, sell) 根本冇心聽分析. 我也懶得花口水. 不過今次不同, 厲人肯問, 我自然肯答.
投麥當勞叔叔一票當然是情意結. 比起蘇牧識波叔廿七年,五年前為他站台,  billy 卌年前就識 麥當勞叔叔, 一早就將他當作生命之糧. 09年仲投資埋他的股票.

要分析那間更好, 感情要用事, 分析仍要做足. 這樣才令我對他愛心有根有基.
先講行業

飲食業是一半必需行業, 人人都要食, 所以必需, 但人人不一定要出街食, 遇上經濟不景氣, 會多了在家煮的人, 飲食業是首當其衝的行業之一.
人人都可以煮, 叻唔叻就另計, 因此飲食業的需求雖大, 入行門檻卻低, 競爭劇烈, 要出奇制勝有時唔係鬥平甚至鬥好味咁簡單.
另外食材價格每日波動, 對回報穩定性做成一定打擊, 食材升價, 在短時間內, 除了某些海鮮, 好難將成本轉嫁消費者.

因此一間值得持定到永生的餐飲業公司一定要有三個要素:
1. 有能力與供應商議價, 控制成本
2. 消費者在千多選擇中, 寧願小小不方便, 就算小小貴, 總之一個星期裡, 都會想起你.
3. 唔係頂爛市, 但毛利率夠高. 有人話做食係對本對利的生意. right and wrong. 就菜牌價和成本比, 對, 通常是一倍, 但扣去燈油火臘, 旺鋪糟糕(sry, i mean 租高), 人工.....毛利只有 7 to 12%.

麥當勞叔叔夠大, 令他有議價力, 麥當勞叔叔夠迷人, 由細到大, 死0靚仔如我, 經常去, 一去就充滿喜樂, 點解? 我唔知, 總之世上除了媽媽好, 麥當勞叔叔早餐和滑蛋牛肉飯係我死到臨頭卻可以行公義, 好憐憫, 一邊食一邊與神同行的天糧. 有幾多 60, 70, 80, 90, 00後係咁?

再講, 麥當勞叔叔不止對本對利, 是 75%, 毛利有 20%, 冇一間大型連鎖食店可比美.
burger king 控價ok, 另外兩點乏善可陳, 怎能靠它食穀種到永生呢?

聖經十誡話, 除了我以外不可有別的神. 李思敬博士話, 該翻作, 不需要別的神.
投資企業要安樂也有同一道理. 有了麥當勞叔叔就不需要 burger king, tim horton 之流.
信仰同投資大概都反映人冇蝕底的心態, 多幾個神, 方法冇蝕底嘛. 我會話一主, 一信, 一神, 要不趕緊叫耶穌收皮, 要不搏老命跟佢.

一地一行一企一股, 每一地某一行只投資一隻股. 這是billy, 心懷二意的人, 好似狒狒, 忽左忽右, 忽然公義, 不要以為可以得到更多. of course, i learned, and still have a lot more to learn.

申報: 除 burger king 以外, 都持有. 星巴克, 麥當勞, 為何一地一行二企, 二人成一體之故也