煮禱文

時間容許, 煮若准許, 都會同心合意的為煮而活, 皆因我們都是愛煮的二人.

這晚煮 billy 喜歡的冬瓜粒粒湯. 材料有冬瓜, 草菇, 鴨腎, 蝦米, 雞脾肉去骨. 樣樣切粒, 煲水, 加罐上湯, 將所有粒粒放入煲, 中火煲45分鐘.
成了!

用來撈飯, 湯好清甜, 飯又甘香.

食飯時間傾一陣計, 睇一下電視(上網 youtube).
每周會煮意粉. 用松茸, 意大利瓜, 青椒, 切粒, 加埋雞絲備用.

煲水, 煮意粉, 照 iron chef 教要加好多鹽同落油. 煮淋就過冷河 + 備用.

炒配料, 我們喜歡加兩個鮮蕃茄切粒, 再加意粉醬, 味道會有所昇華. 之後放意粉燴.
事又這樣成了!
有午飯, 冇早晨, 這是未來三日.

煮飯仔(愛煮之後還要自潔)其實幾花時間, 短則兩小時, 長則三小時, 名符其實的 slow cook + slow food. 但我幾 enjoy 同管++ 一起煮的時間.
兩夫妻, 話就話二人成為一體,
返工, 對住老細比對住老婆時間多一倍有多. 周六日要返教會, 同朋友, 同父母聚聚. 不是說這些時間不寶貴, 但真正能二人世界的時間, 每日可能只得三小時, 仲唔係百分百在狀態. 而當中食飯佔比就超過三分二. 豈能不好好 enjoy? 更何況我本來喜歡在廚房攪攪震. 總比二人成為一睇(睇住部手機)有quality 多. 雖然我地亦唔少:p

煮啊! 我地開飯啦!
管++食飯, me to u 食 honey, 主耶穌食嗎哪!(翻出來係"主耶穌食咩呀?")

感謝主, 我們日用的飲食你天天賜給我們!
求主俾管++有從你而來的蒜頭(garlic 加力).
求主令我好似但以理reverse 咁, 食好多好多仍然瘦蜢蜢.
賜給我們有 quality dinner time.

奉主名求, 啊們!

我最近忽然想, 可不可以繼續祈下去:

免我們既 mortgage,
如同我們免了別人的 mortgage (sorry, 冇借俾人),

哈哈! 祈得仲盡心(計)過創世"紀"個世界仔雅各.

xxxxxxxxxxxx

不過同最近好紅既陳茂波弟兄比, 一定大有不如.
這兩日關注蒙主寵召的陳茂波弟兄(俗稱契弟)的新聞, 他會否這樣延續煮禱文?

不叫我們遇見試探我的狗仔隊
救我們脫離兇惡的問責.
因為強國權柄榮耀, 全是美的, 直到下屆.

我想
煮既盬若失了味, 有乜用? 這種盬渣, 掉它罷!
佢比不信主的"石頭"更加冇味, 而且係酸. 偏偏佢比一眾希望作盬作光既我地更加被放在城上.
你既然失了味, 就該避盬, 就該下來.

以下是 billy 有關陳茂波弟兄所發的祝福....

聖經話只要祝福, 不要咒詛.
我一直都謹守遵行, 就算對住一個契弟 :)
(u can parallel my prayer with 詩篇 137)

願推你落台那人有福,
願請你食皇家牛肉飯(現改為太爺雞飯)果位蒙主所喜悅.
求主賜恩給吊燒你牌照, 令你輸多過哨牙通既仁兄

奉主名求
啊們!