新蘇格蘭銀行的蜜月期(3) 一個好管+

新蘇格蘭銀行要我做份新豬肉調  查表, 原來話咁快我已做滿兩個月(註一). 部份問題好攪笑:
你想唔想揾另一份工? come on, 我剛轉工!

你知道公司的核心價值如何展現在你的工作岡位嘛? 低能, 兩個月, 鬼知! 更何況堆核心價值咁空泛.

為準備第三季同 2014到16的計劃, 回去複溫第二季 billy 的所作所為, 才發覺有些做錯. 計落都幾 significant, fixed 那檔案, 加上更好的 controls & checks, 再同老細(史蜜呼)自首(當然有交待我已經悔改同心意更新).

老細又冇乜野, 可能依然是蜜月期, 只是叫我向大老細同班副總回收同更新返 d 報告. 那班大帝又係冇乜野.
一邊返看上一季的習作, 一邊優化一切 manual process.....

以前在宏利, 每當我發現和改正一個錯處, 都會被老細鬧我.
billy, "老細我發現這裡出錯. 我已經同精算師一起改正了."
做呢, "點解你到現在才發現這裡出錯? 之前為什么找不到它? 這再一次証明你冇都唔識.... "
我可以講乜呢? 我上次找到你又會責怪我為何上上次找不到. 為何精算師找不到的被我找到我反而要捱罵? 你係老細, 坐呢個位四年, 條數錯你又繼續畫龜?

老細經常話我溝通不夠詳細.
好幾次精算師(做呢另外四條o靚)遲交, 她都捉我祭旗,"因為你沒有追問."
我已經追了三次, 那些電郵亦有寄給你, 亦有叫你去替我追數.
做呢,"這是因為你溝通有問題, 讀完你的電郵, 我覺得你講得唔清唔楚."
billy,"我有條 file link, 有講幾時要交貨. 你建議我還需要寫什么?"

老細話我應該講清楚個report講乜, 要精算師 review d 乜, 我已經 review 左d乜, 有乜問題.....結果我寫的電郵長左, 卻不見得令到他們準時交貨.

其實 report 季季都冇變, send 得比你你就要review, 就要 review all. 你係精算師, 你最後簽名, 錯了遲了反而怪預早兩日給report 你的我?

但我當時一直都被 trained 到好慚愧, 覺得自己點解咁冇用, 要花幾季才發現錯(其實每季都有改善和改錯), 點解自己咁唔熟....點解自己溝通咁差.
來到新蘇格蘭銀行, 才發覺係老細口味, 上班才幾天, 老細話
1. 電郵要精簡, 提早remind 人, 但他們應該知道要做什么, 三福被可以留比你;
2. 我轉載電郵給你, 就代表你要負責, 除非要加上我的意見, 不然我不會加半隻字.
3. 冇必要就不要電郵我, 同我講聲就可以

簡直係兩個世界, 我自然喜歡精簡. 在新工上任十多日, 就要主持一精算師大會, 叫一班 sales, 同精算, 會計一齊看成績表. 會後那些 sales同老細都讚我預備得好, 好有幫助云云.....上星期又同中美某島主開會講 budget, 同樣係好成功.

我來這兒才兩個月, 我所講的係我明, 對比以前....或者我唯有承認, 我的確唔屬於果度.
另外, 我亦同管++講, 有機會管人, 在教會帶領, 將來有 bb, 都唔可以學以前老細做呢, 當有人找到錯, 甚至錯左, 肯認又改到. 係值得鼓勵同一定要讚. 唔好問,"
點解你到現在才發現這裡出錯? 之前為什么找不到它?" 你這樣問不是出於智慧. 你叫佢點答你? 一桶冷水淋過去更不用說.

你可以同佢一定將程序更優化, 你可以為錯唔找原因, 但要換個方式問,"你好棒, 咁既錯都被你發現? 你可以講比我聽你係點找到這個錯? 你找到之後用什么方法修正?"
人家一定會將一切尾尾道來.

做一個至少懂得尊重人的管理人, 這才是好管+ 我的好管++. 怪責係不能 add value.

註一
因只有做滿兩個月才會收到這份調查.