好心好報

尋日在 和吸血鬼再決鬥 一文中問:「究竟同$1,700蚊買份光明磊落值唔值, 平定貴.」
尤其是在經濟不景, 公司又沒有加薪, 又有可能裁員, $1,700蚊其實真係好肉痛. 所以, 當時同神講, 俾一晚時間我, 次日起床才改過, 至少到身家曾經有一晚多了$1,700蚊(咁都得?)

有時我會問神? 好心是否真的會有好報 ?
其實....唔一定.
有時會有種「越是待你好, 得不到分數」的感受.

幾年前剛考完車牌, 果個漆黑的晚上, 果條濕既公路, 果個粗心大意既司機, 即係我, 撞倒架停在路邊的車, 仲要係「波子」.
當時那「波子」司機在屋內, 不知情.

果晚雖然月黑風高, 但黑璇風忍者顧住為民除害, 捉小強.
同樣是可以神不知鬼不覺地走人.
但我又是為了買「光明磊落」, 去拍門「自首」, 賠粒「波子」, 貴到我叫救命.
今次又來!
神呀! 咪玩, 我個心靈好脆弱架, 一篤就爆架.
全世界乜都跌價, 就淨下「光明磊落」, 企硬唔跌, 死未.

不過, 有時, 好心亦真的有好報.

之前講過, 公司冇加薪, 冇 bonus 派, 仲要 send 個 email出來話考慮派 bonus 潤我.
Surprise 是居然有 bonus 派 (AIG 都有, 想來我公司更應該有).

太開心!
以為唔得, 點知得左.

雖然細細份, 今年收入, 點計都比上年少 15%, 但「有」比起「冇」, 好太多.
感謝神.