明年今日和吸血鬼再決鬥

在電影裡, 吸人血的吸血鬼總是俊男美女, 可惜現實生活裡, 「吸血鬼」是難頂到令人反胃.

星期一, 告了一日假還未做完份 tax return;
星期二, 放工後為要做完份 tax return, 連寫 blog 的時間也給了它, 總算做完 .

誰料......
星期三, 又收到一封信.嘩! 是管理員工福利金的公司寄來的混仗 amendment 呀! 一看, 原來是那張 tax slip 中的員工福利金, 由某個 box轉移到另一個 box.Looks ok la!!
本以為今年退稅能達到今年的神蹟目標.本以為一切一切都會劃上句號, 在往後一年的日子裡, 我可以忘記「吸血鬼」對我帶來的傷痛. (每年報稅, 其實是我們這班升斗市民向「吸血鬼」報仇雪恨的大日子, 因為可以爭取退稅.)

點知! 嘩! 一轉 box, 退稅就少了1700蚊, 成萬港紙.買一手匯豐, 3月9日, 競價時段最後那 3 秒之內蝕錢, 都蝕不到一萬.我在個 tax software 轉 box, 唔洗一秒就唔見一萬, 完全接受不了.

谷氣到賭氣改返去原本的那個 box, 多$1,700 開心下.反正報稅是 honest system, 我當冇收過這張更改了的 tax slip, 開心一下, 冇咁谷氣.

可是改了它, 即使是神不知, 鬼不覺, 但始終於理不合, 過唔到自己良心, 亦和神對我過去的恩情不相稱 .

星期四, 一教醒來, 還是將 tax return 改回正確的 box, 少$1,700就少 $1,700. 唔係你財唔入你袋, 用 $1,700蚊買做「光明磊落」, 不知是貴還是平 .

達不到今年退稅的神蹟目標, 空歡喜一場, 算啦! 算啦!「吸血鬼」! 放馬過來吧!我唔驚你架! 明年今日, 再見!