約會須知

有人話, 買樓最重要是「地點, 地點, 地點...」
不知道約會, 約女仔食飯最重要又是什么呢?


有不少人認為 Billy 個人太 technical, 太沉悶.
可能是事實, 但依然覺得真無辜.
朋友/教會團契相聚, 每次總會有人問我投資和稅務上的意見, 又或者問聖經問題. 問到, 難道我不答么? 當每個話題我都可以滔滔不絕的說大半天

理論上, 你有幾多時間, 我就有幾多內容, 但通常講了4個鐘之後, 大家都冇乜電再講同再聽下去.

久而久之, 就被人定型, stereotype 成一個只講投資, 聖經的怪人(叫人睇我個 blog, 又唔睇, 因為怕悶), 結果就食左隻死貓.
有利有弊, 利是令 Billy形像變得更專業, 更可信; 弊是令大部份女仔覺得我太沉悶.
有可能我就的太沉悶, 上述一切, 只反映 Billy 這人太會自圓其說.

Ok!! 還是不要再踩同醜化自己.
返回最初的話題: 約女仔食飯最重要是什么呢?
好愁! 唔知道!

最頭痛是想去邊度食. 個個人要求不同.
我自己冇乜所謂, 因為無論去邊度, 我都有本事評頭品足一番, 這份評頭品足本身就能令「去邊度食」變得次要. (哈哈!! 係 Billy 一廂情願的想法, 係 blog前面的朋友請不要有樣學樣. 佢中左唔知幾多次招架啦, 仲係死性不改.)


記得第二次約小怡食飯, Billy 思前想後, 還是決定去 Warden & Steels 的真東北餃子館. (Billy 又約女仔食飯呀! )
一間格調平凡(係低級), 裝修, 陳設同伙記都給人又老套, 又草根, 有一份回歸廿年前祖國的感覺.

但真的好食嘛! 真東北餃子館是 Billy 在 Toronto 食過最好的一間餃子館.
但有人嫌它污糟, 你見唔到, 唔代表佢唔污糟. 它格調平凡不代表它污糟, 就算是污糟, 又如何? 豈不更有祖國風味.
食街邊都污糟架, 慘得過人地好味, 就算肚痛, 我都義無反顧, 又唔係日日食, 既可以清腸胃, 又可以促進新陳代謝, 幾好呀!

蒜泥白肉, 北方人喜歡切得厚厚的, 更飽肚之餘, 食得豪邁, 像大俠一樣
「小二, 一盤蒜泥白肉, 再多一壺女兒紅, 快!」
「客倌, 小店沒有酒牌.」
「咁, 沖茶, 唔該!」
「係! 係!」

其實, 約女仔食飯好平常, 唔係約女仔就約男仔, 當然你亦可以約狗仔(寵物, 唔洗約). 食下飯, 傾下傾下計同溝下溝下通都好平常.
你沒有先至不正常.

來真東北餃子館, 當然要食餃子, 每次都會叫這個鴛鴦餃.
鴛鴦, 幾好意頭, 鴛鴦餃是白菜肉餃和鮮牛肉餃.
自從吃了餃子, 就小食小籠包, 小籠包 6隻要 CA$4.0, 餃子 15隻才CA$4.99, 味道變化又更多. 不過喜歡白醋, 不愛鎮江醋.

雖然, 單對單可以投其所好, 天南地北, 什么也講一餐, 但 Billy 越來越發覺, 假如個女仔根本不想同你傾談, 又或者根本不想和你花時間, 心不在焉, 一句起兩句止, 其實, 依然無法暢談.

遇到 Death Air 怎算?
「食野! 食野!」
「這是金菇牛肉煲. 另一個招牌菜.」

只顧食都不是辦法.
Shall We Talk首歌不是說:

情人在分手邊緣只管喝湯
若沉默似金, 還談什么戀愛?

金菇牛肉煲有得自己玩下打邊爐.
有竽絲食, 蕃茄, 波蘿, 紅棗, 令到這個湯底更加鮮甜, 勁鐘意食!

兩個人食飯, 最難點菜, 叫多了食不完, 叫太少又不夠.
至於約女仔食飯, 最忌拘緊同不自然.
這通常只會在對著「夢中情人」,「女神」才會發生.
對著「夢中情人」,「女神」, 約會越多, 就更令雙方確認, 什么都不會發生.

原來過份遷就係唔 work, 佢反而覺得你冇性格.
而冇性格又令你變得更遷就同更冇性格, 又令到兩人更加發現大家話不投機.
兩人食麵, 變成一人請另一人食貓麵就冇癮.
就是和能夠自然一點的朋友約會, 大家可以自然一點最好.

食過不少貓麵.
但感謝神! So far 小怡同那次, 在餃子館都沒有請過食(i mean 貓麵, 可能快架啦!)

兩個人食飯, 能夠有胃口繼續, 就繼續下去 lor.
冇?! 約少 D 咪食少幾鑊 lor.
不過有時, 人好犯賤, 明知食唔落到繼續死頂.
係太吸引, 太好味? 還是不想浪費, 太有衣食呢?

Anyway, 下次約去邊間食好呢?