劍宗氣劍之爭 (上)

隨住Adam去在London深造,Philos(我地既敬拜組合)編曲同錄音工作就停止左. 不斷寫歌但冇人唱亦冇得錄, 令到「倉底貨」不斷團積, 就create左一個issue: 究竟我地仲繼唔繼續創作新歌?

同Across & ACM係Facehope既合作(現代派), 令我發現到我地既詩歌(歌詞wise)同主流相差甚遠. Across婉拒接受我submit比佢地既歌, <<一千零一次求分>>係係呢種情況下寫成. Across look for"福音"歌, with light message甚至negative ending都會欣賞. 聖經係寫比肯讀聖經既人, 所以Philos既歌亦係target towards呢一班人.

ACM looks for敬拜歌, 詞要簡單直接(即聽一次就明), 不斷repeat, 有大激勵性. 但Philos既歌講求深度同意境(唔會咁易唱爛, 但未必一次get everything), 透過音樂去讓人自己進入真理, 神既話語. Repeat同激勵能令人短暫得安慰, 長遠而言, 只有真理能改變人心, 所以Philos既歌唔想太pushy太repeat.

這份執著除左令Philos既歌打唔入Across, 更打唔入現在主流ACM之外, 亦受到另外批評(應該話: 謙卑既意見). 維護傳統<<生命聖詩>>一派既領袖同弟兄姊妹(保守派)覺得現代詩歌太空洞, 冇真理內容. 但每當遇到有內容既詩歌, 又會比佢地批評到體無完膚. 歌詞同聖經字眼上有出入, 保守派認為當中容易令人誤導. 但假如字眼上有出入就唔 ok, 咁釋經講道有係咪唔ok? 點解唔可以視歌詞為另一個解經方式?

我比<<風靈頌>>同<<讓我們為這地求平安>>保守派同現代派 comment. Comments都非常令人discourage. 難怪今日只有「頌讚主」冇乜內容既歌, 因為一定唔會錯亦夠易明.

我好似致身在<<笑傲江湖>>華山派劍宗(重情感)同氣宗(重真理)之間既令狐沖, 走中間路線為兩派所不容. 我冇可能返到200年前, 成為<<生命聖詩>>既作者, 但走ACM路線係可以, 走唔走係另一回事. 走唔走好呢?