有乜咁「餃」野

Civic Holiday , 同團契弟兄姊妹去左尼亞加拉 on 湖旅遊, 感謝神, 一路同Ar lok, Ar Siu, Nelson傾計, 都幾開心, 係佢地身上亦學到唔少.

返來後, 同Daddy去Warden & Steels, Metro Square 既真東北餃子館食dinner. 近幾年來自中國北方既移民日增, 北方餃子館開到似雨後春筍, 但最喜歡始終係呢一間. 今晚叫左3個菜: 鴛鴦餃, 肥牛肉金菇煲, 菜肉雲吞湯.

食餃子要夠熱, 凍左就唔好食. 所以我通常會食完一碟再食叫另一碟. 鴛鴦餃係我經常食開, 北方以餃子做主食, 所以餃皮唔洗簿, 最緊要夠飽. 所以, 如果餃子整得好味, 其實好好, 又正又飽肚. 最討厭鼎泰豐果D所謂迷你小籠包, 裡面只得一泡水, 雞碎咁D D肉, 仲得6粒, 貴到死.

肥牛肉金菇煲唔錯, 菜肉雲吞湯係第一次叫, 有驚喜, 個湯落左D紫菜同蝦仔, D雲吞皮好滑, 雖然跟廣東鮮蝦雲吞有別, 但都好好食.