最後晚餐

經過左8個月, 臨時老細終於要離開, 於是請左佢去食真正既中餐, 叫真正既中菜. CFO又話想去, 結果我, 臨時老細, CFO, 仲有秘書姐姐四個去食最後晚餐.

我成日諗, 當西方人唔食春卷同雲吞, 唔食雜碎同咕嚕肉, 食其他中菜, 會係鐘意走不敢恭維呢? 當我食真正既中菜, 食到津津有味, 對佢地會有幾討好呢? 反正係一餐飯, 衰左就衰左, 臨時老細既然要求食真正既中餐就叫真正既中菜比佢地.

去左hwy 400既<<雲景樓>>, 比較清靜, 叫左半隻燒鴨(穩陣D), 姜蔥生蠔煲(野味, 應該ok掛), 百花篜釀豆腐. 再叫左個蟹肉魚肚羹, 同廣東式雞炒麵(炸, 都應該ok). 結果會係點?

哈哈, 蟹肉魚肚羹, 正!! 但臨時老細同CFO一聽到係魚肚, 就驚, 唔敢食, 太可惜!! 燒鴨當然Ok (感謝神, 叫左). 麵炸既自然亦順利過關, 至於豆腐同生蠔?! CFO原來唔食生蠔(衰左tim :P)而臨時老細就唔食豆腐(又衰左).

實驗結果, 正宗係唔代表佢也鐘意!!