劍宗氣劍之爭 (下)

呢個去向問題我諗左一段日子, 到神透過啊Ken某次講道提醒我:「詩歌, 頌詞, 靈歌彼此對唱」目的就係互相教導真理, 這是歌羅西書既教導, 亦係神比所有詩歌填詞人既使命, 致少係神要Philos走既路線 - 一個有後現代特色既真理詩歌, or 一個有真理內容既後現代敬拜組合. 呢條路係有真理做back up, 加上神對我過去10年真理既培訓, 寫既歌有足夠真理backup同神學反思, 絕對唔會差過<<生命聖詩>>.

Sandra經常問我:「邊個邊個點comments我地D歌?」有時覺得係我累左整個Philos陪我走呢條咁難咁吃力不討好既路. 但從marketing角度, 要走ACM條路唔難, 但跟住人走, 做到點好亦好唔過ACM, 人地係主流, 你係跟風, 大眾有ACM何必聽你D歌? 正如當年突破雜誌銷量跌, 於是放棄原有立場, 走壹周刊風格, 結果最後被逼停刊.

<<倚天屠龍記>>張君寶唔甘心投靠當時已經係大俠既郭靖, 係武當山修行, 經過幾十年, 終於成為武學大宗師, 太極既創始人. 我地今日要走神叫我地走既路, 走一條全新既路. Zion當年冇入到ACM, 但行到神比佢行既路. 我地都要咁做. 「進」可以將敬拜重新推向新境界, 心靈 &真理, 信仰 &生活既 balance; 「退」致少能忠於神既使命, 可以教導身邊弟兄姊妹透過音樂更認識神.

我無意否定ACM or 生命聖詩, 只係呢2種 style已經太多好歌, 我自問寫得再好, 也不過如此, 假如我唔係想証明自己又或者揚名, 還是走, 堅持走神要孩子走既路.