眾裡尋真 Baidu Search

三年前某次崇拜散會, 遇上李思敬博士退修會, 想也不想就撲去畫龜報名.
簽完個大名那招待才趕得及向我溫馨提示:"弟兄, 這退修會主題是人生下半場喎! 你真的打算報名?"
billy(都唔知比乜反應)只聽到從後趕來看熱鬧的管++在笑罵,"睇清楚d la"
billy笑,"睇得好清楚 la, 李思敬嘛(我話知佢講乜? 總之講聖經我老虎都報左先, 係咪咁講呀! 最多到時化個妝扮老入去. 耶穌不是讚那四個拆屋的有信心么? )....唔該, 冇報名年齡限制?"
招待,"咁又冇"
billy,"咁我報 la, 呢度報名費."

這次輪到那招待弟兄呆了一呆, 剛好有位像女主持人的在旁打完場,"趁年青去聽下半場, 好好預備, 聽得嚟岩架la."
退修會上果然只得我一個年輕人(唔係年青人), 李博士共講了三篇經文, a. 尼希米記第一章尼希米人生的下半場, b. 創世記六章洪水中的挪亞, c. 約翰福音十五章葡萄樹與枝子.
除了每段經文的釋經之外, 最令我印象深刻是(第一次, 之後好多講道有再提)聽他提到的三個詞: 成功, 成就, 成聖.

我自然盼望人生走完上半場, 可以對自己講,"我成功了", 當然, 若被人肯定我的成就自然開心. 然而世上有幾多成功人仕? 有成就的只怕更少. 一生追求成功成就, 也許沒有錯, 但我們又用多少時間花功夫成聖(屬於主)?

尼希米是個好成功, 有成就, 位列朝中九卿之一, 但他沒有像波兒般將為自己謀算當作行公義, 好憐憫. 乃是千方百計的為神為神的子民求好處, 願追求這樣吃力不討好的成聖之路.....
由於對這三個詞(成功, 成就, 成聖)有深刻的思考, 花了兩年多時間寫了這首新歌. 描述一個為理想勇於到處尋覓, 考慮走十架路之人的心路歷程.

之所以要用這么長時間去寫成, 是因為我用了兩年時間才 justify 到成聖有什么吸引力, 比成功和成就, 甚至成名值得. 單單感覺到唔 ok, 變不了歌詞. 一個月前想通了.
詞也就得以完成. 詞用了一大堆好硬好搏殺的字詞. 慢慢細味或者會有共鳴, 但我們大部份人會放棄代入歌詞中, 覺得我地唔係果種人. 我都會話我唔係.

眾裡尋真
曲: kevin suen  詞: billy & bilibala
1
用百度怎搜索理想追逐下個夢?
谷歌裡是否找到
成功秘訣至勝道?
怎探路那捷徑可
成就這一生到老?
可會有一張成名地圖?

副:
眾裡搜百度,
我競逐我今生要找一生路
美麗人生
願上棧道若是值得

碰上主窄路
你背上十架走那犧牲死路
你為何宣稱
我若是學效便放鬆, 有你便夠?

2
十架路儘管要我走多第二里路
基督裡未必找到成功秘訣
卻引導走正路你杖引牽
成聖可一生到老
祝福我, 跟主足印覓途

副:
眾裡搜百度,
我競逐我今生要找一生路
美麗人生
願上棧道若是值得

碰上主窄路
你背上十架開拓永生出路
順服神一生
你復活升天在至高勝券在控.

眾裡搜百度
轉角處是你邀約我奔天路
驀然回首
沉重地踏步, 問那軛最抱負重?

(行李若笨重便放低次要比重)