來生不做香港人 - 金融佬解讀誰是殺 isabella 的真兇

"來生不做香港人"劇中人氣小三Isabella 忽然自殺，當中疑點重重，作為一金融佬，我有理由相信Hill少係殺 isabella既真兇.

劇情講 isabella 在酒吧電視機前見到杜指納指大跌9%，買左期指既佢因為被人灌醉左於是斬唔切倉，蝕左成億穿櫃桶底既黑錢，所以逼住跳樓.

疑點:
1. Isabella 係死於14年11月14日，大跌市果日即係14年11月13日，時差關係，美市同樣係13日，當日杜指升左40.6 or 0.23%，納指升左8.4 or 0.18%. 而唔係大跌9%.

2. 就算翻查 13, 12, 11.....就算08年金融海嘯，都冇一曰跌9%.
最癲當然係87年，但由08至今，印象中單日跌幅最變態果日都係5%. 當時冇諗過跳樓，因為覺得跳樓都唔惦

3. 要斬倉既人係一個甘去為斬倉赴湯蹈火既人. 我知道，因為我試過幾次(最近一次，人在澳門，打長途返加拿大，不斷斷線，等超耐都等，攪惦已經零晨兩點).
好似飛鳥墮入網羅，小鹿跌進陷阱，係會用盡奶力爭扎，至死方休. 所以，一個要斬倉既人，係唔會坐係度飲悶酒.

4. 11月13既唔係期指結算日(北美市場結算日係每月第三個周五收市後，也就說結算日最早係15號，冇可能係13號) ，就算斬倉亦唔洗等臨收市先做

5. 從來揾唔番那迷魂 isabella 又企圖當街攪佢既二男一女. why?

6. isabella 叫細佬結束古董店盡快著草，但事隔一兩個月，hill少去揾佢，佢仲係度，好地地，冇關門大吉，就証明個市冇跌過，冇人來尋仇

7. 當一切雨過天清以後，為什么hill少反而離開？佢叫美行唔好逃避，點解自己反而走左？
離開真的只為避開美行？若只為避開美行，行動唔方便既hill少為什么要上福建，而最後失蹤果三年又去了四川？四川不就是isabella既老家？她父母不是認定hill少係 isabella男友？

我推測 hill少睇左賭俠大戰拉斯維加斯，林超榮叫張家輝扮朗拿度呃對手以為賭輸波呢場戲，於是照版煮碗，用同一招呃 isabella (beside, 張家輝應扮美斯，唔洗扮都似，但美斯唔係巴西隊).

首先激嬲isabella, 同佢分手，用說話刺激佢，然後夾埋個 bartender 做出大跌市的假象(佢做公關，呢尐野有幾難？)在她仍未來得及反應，已被事先迷藥迷倒，然後帶佢出街，跟住報警.....

或者hill少原意只係想嚇下佢，冇諗過佢會自殺，更估唔到佢會拉埋美行落水. 

事後hill少去四川，果尐叫一不做二不休, 想法子賺一筆? 係要安慰isabella 屋企人幫佢家人收返筆錢還黑錢數定點就唔知啦！