獎完又有獎

為了和麥當勞叔叔鬥, Tim 仔(加拿大最大連鎖咖啡店)推出大抽獎.
每次飲咖啡, 揭開杯身都有抽獎, 獎品有咖啡, 甜圈, 鬆餅, 而最大份獎品是一架瘋田四驅.

公司同事「熱咖啡」人如其名, 每日都飲一杯咖啡, 亦由於她有Tim 仔股票, 因此也只鍾情於 Tim 仔咖啡, 還經常勸這個和麥當勞叔叔食了卅年早餐的我推銷. 今日, 「熱咖啡」又在我面前炫耀說 Tim 仔又請她飲咖啡(得獎), 昨日抽到鬆餅云云.

忽然令我想起童年的一段往事.

故事發生在小學 3年班, 那時 Billy返學是沒有任何零用錢, 非常羨慕同學仔放小休時在小食部 all you can eat 的痛快.

某日, 一位好心的同學羅永恆, 食亞波羅冰條中獎後請Billy 食亞波羅冰條.
羅永恆非常有抽獎運, 經常中獎, 於是, Billy 邊食冰條邊向他請教中獎的秘決.

羅永恆:「食先鋒號是沒機會中獎.」
Billy:「為什么?」
羅永恆:「不知道. 因為只有豆將軍(紅豆味)才可中獎.」
話口未完, 他又中獎, 又用它換了支豆將軍.

羅永恆之前那天用 $1元買了支冰條, 中獎後, 留到當天來請 Billy食, 又用$1元買了另一支, 之後又中獎, 又留到下一日, 如此類推, 投資 $1元, 每日就這樣吃下去, 太利害的投資!!
但Billy 是個用情專一之人, 平生食亞波羅冰條, 只會食先鋒號(青檸味), 這個「價值投資」雖妙, 可惜, 不適合 Billy :(

不經不覺又過了廿多年, Billy 仍然對當日的中獎記憶猶新.
一個人怎么可以中獎密度這么高?!

人大了, 從商業角度看, 可能這是亞波羅公司希望推銷紅豆味冰條的手法.