飯飯惦

今晚放工, 餓到爆!! 餓到什么也想不到也做不到, 連寫 blog 也無力, 一個人倘在沙發上, 滾來滾去, 不停大叫:「好肚餓呀! 餓死我」今晚小得玩煮飯仔, 煮到8點還未有飯食, 餓死我....

=> 可能因為空肚飲咳水, 在肚內來個乾煎胃酸咳水煲, 嘩! 好辛苦.

肚餓覺得時間特別長, 等呀等, 左三分鐘, 右三鐘, 終於等到, 誰知埋檯第一句老佛爺就說:「唔准食咁多.」(其實老佛爺食得最多, 但唔准人話佢)
事緣昨晚 Billy 添了飯, 但忘記了自己已經添了飯, 食完又再添飯, 被老佛爺捉到, 於是立刻被帶到刑部照肺.

不知為何, 由細到大都很善忘, 照計食這么多魚肝油丸應該有足夠 Omega 3, 不致老人痴呆, 但永遠記不起自己有否添飯. 可怕是, 由於 Billy 太喜歡食白飯, 所以一旦忘記了, 後果會非常嚴重.

記得10多年前, 剛離港移民, 有晚煮了 5碗飯, 8塊羊扒, 開飯, 忽然有個小朋友上門找小得玩(開飯才找上門, 最令人討厭). Billy 從前是這樣記數的: 「小得食, Billy 食, 小得入廚房添飯, Billy 又入廚房添飯...」但那晚小得和小朋友玩, 但 Billy 卻以後小得又食又添飯, 結果食完一碗又一碗, 一塊又一塊. 直到小得送完那個「瘟神」之後, 發現飯煲和平底鑊空空如也.

問Billy:「你做乜食咁多? 」
Billy:「冇呀!」
小得:「冇? 個D飯同D羊扒都唔見左, 難道被老鼠食左?」
Billy:「你有份食家嘛!」
小得:「冇呀! 我一塊都冇食!」
Billy:「係嗎? 咁你做乜見到我不停食又唔提我食左幾多? 我唔記得家嘛 :P」

又一次, 請了2家人來家中食飯, 煮了兩煲羊腩, 兩煲飯, 但我忘了, 以為只有一煲羊腩, 一煲飯(因為一煲拿到飯廳檯, 一煲在廚房), 我忘了, 不停去廚房, 筴完一塊又一塊, 添完一碗又一碗, 直到食完為止. 飯後, 小得發現兩個飯煲和兩煲羊腩都空空如也.

問Billy:「你做乜食晒成煲羊腩同成煲飯(5碗)? 」
Billy:「冇呀!」
小得:「冇? 個D飯同D羊腩都唔見左, 難道被老鼠食左?」
Billy:「你地成班都份食家嘛!」
小得:「我地成班加埋都係食左一煲羊腩同一煲飯.」
Billy:「咁咪岩數, 有乜問題.」
小得:「有兩煲羊腩同兩煲飯, 你個傻佬一個人食一煲....」
Billy:「係嗎? 咁你做乜見到我不停食又唔提我食左幾多? 我唔記得家嘛 :P」

所以, 自此之後, 我都要打醒十二分精神去監察住 Billy, 因為知道他太善忘. 但我自己也善忘, 忘了提醒他.