早餐既大同

今日係巴士度, 讀到梁文道既一篇article, 比倒我一D提醒.

佢話佢教書果陣喜歡問學生早餐食左D乜, 又追問學生知唔知D早餐食材來自地球既邊一度. 令我記起細個果陣一個廣告:「牛奶係邊度黎架, 媽咪!」「牛奶公司.」呢個廣告trace食材到提供食材既跨國企業公司, 但呢D跨國企業公司背後, 又係向邊D國家同生產人攞貨既呢?

梁文道話當我地係天寒地凍既冬日, 嘆番杯熱巧克力既時侯, 有冇諗過係非洲象牙海岸既某個家庭, 仔女夜晚冇電冇書讀, 阿媽冇$冇醫生睇, 爸爸一日工作十幾粒鐘只吃兩餐餓飯, 為一個可可農場工作, 而係嘆熱巧克力既我地同呢個係可可農場工作既家庭中間, 就係賺左超過九成利潤既跨國食品集團.

我從來冇用呢種角度諗過tim, 原來透過早午晚餐, 行下futureshop又或者H&M揀下衫, 都可以令我同第三世界國家既貧窮拉得咁近. 令我慚愧係: 我就係果D跨國企業既股東, 又係果個對跨國企業盈利評頭品足, 嫌三嫌四既分析員. 恐怕果班CEO咁埋沒良心咁做不公平貿易, 亦不過為左討好我地呢班貪得無厭既股民/mutual fund holders. 幸好我手上既公司大部份係build up第三世界國家而唔係推倒它而自肥果種. 不過, 梁文道既article係一個好大既提醒.