沉默的高揚(3) pre 07 annual report

8月恆指跌破二萬, 之後勁升到三萬二, 但11月恆指回落到二萬五呢個「合理」水位, 估計今晚(12月6日早上)開市應該又會冲番上三萬, 係升升跌跌既估市當中, 我觀察到一D我認為好怪, 但又頂正常既現象:

***

8月/11月大跌市, 我都勸人入市, 但呢2個月亦係我Daddy勸我沽貨勸得最嚴勵既時侯. 佢認為股市升左咁多就一定會跌番落去, 賺夠就要離場, 如果唔係, 會死人. 呢套concept係我唔明亦唔接受. 我認為股市唔係賭場買大細(50%win/loss), 而係超級市場定平與貴, 大減價? 入! 平時? Hold! 斷市貨炒得太高? 沽! 當然Daddy既勸告係出於關心, 所以我保持沉默.

***

年頭suggest 估民甲買ING Canada (IIC-T), 好衰唔衰ING Canada既股價因為投資債券(not次按)失利, 引至股價大跌, 於是我8月& then 11月又勸估民甲換馬中移動(CHL).

估民甲:「當初我都話唔應該買架la.」

Billy:「我既分析會有錯, 你既然覺得唔對路, 點解我叫你沽你唔沽?」

估民甲:「蝕左嘛!! 不過, 我覺得ING仲會跌, 我估佢跌到$30左右啦! 」

Billy:「既然你覺得仲會跌, 點解唔沽?」

投資要學知錯同認錯, 更重要係係適當時侯止蝕, 唔理有幾肉痛, 盡快換馬(好馬)等於盡快番本.

***

Suggested 估民乙 US$55入中移動, 股價8月跌到US$50, 我勸佢瞓盡, 佢唔聽, ok. 之後中移動反彈兼不斷創新高, 我就勸B君揸住, 目標價US$89, 到左都要睇定D先, 未到死都唔好放. 結果佢US$70就放左, 激到我唔出得聲.

估民乙:「升咁多好驚嘛! 跌番落去點?」

Billy:「蝕果陣都夠膽揸住, 升少少有乜好驚呀? 佢會上到89架, 放乜?」

估民乙:「痴線架, 我冇Billy哥你咁大膽嘛!」

Billy:「我好細膽架, 我唔敢放啊! 放左我驚買唔番. 你上左班高速火車, 係佢風馳電掣既時侯你跳車, 我覺得你呢D先係勇敢.

***

Billy:「依家跌市, 有一隻股票就算唔升, 都唔會點跌, 就係股神隻巴郡(BRK.B). 所以我US$98.4沽左4成中移動, US$90沽一半國壽(LFC)入巴郡.」

估民丙:「巴郡US$4100蚊一股(not一手), 我覺得好crazy, 太貴.」

Billy:「我個人比較樂觀, 我認為巴郡值$5800. $4100? 太平.」

我叫估民丙買入兩股, 佢遲遲唔take action, 結果11月$4400入左一股, 依家升到$4900.」

Billy因為treat巴郡 as cash, 所以$4100買, $4500沽, 再用平均$84.2入番中移動, 平均$77入番DD國壽.

***

我發現心態非常影響投資決定. 我分析末必比正常人高&好, 但因為神既緣故, 令我係整理心態上比人好, 所以回報率較別人高. 因為敬畏神, 唔敢玩到咁高風險, 所以風險較別人低. 因為肯認錯, 所以蝕$較別人少. Overall而言, 感謝神既恩典同保守lor.