沉默的高揚(2) - pre 07 annual report

07年, Szone既策略同programs都有變動, 我認為變動係好既, Szone人數幾乎double 06年, 連每次團契既氣氛都唔同左, bonding同dynamic都強左. 有趣係: 就事奉岡位而言, 我變得好 lost. 冇左查經, 又或者, 只有一個soft到我覺得有點借題發揮既word時間, 令我唔知點帶. Cell唔係查經, ok, 但word一D都唔查經係我到今日都摸不著頭腦, 永遠帶得吃力不討好既「苦差」.

我係一個讀經人, 聽到其他組長每次開會同帶word之前一再強調:「呢個唔係查經.」我個心就「拿」住「拿」住, 心裡明白咪算lor, 何必要講埋出口呢? Word既時侯, 我讀到有唔明就喜歡發問, 但立即會有人出來講:「發問題一定要有答案, 如果唔係就唔好問(唔好攪亂擋) .」問可能有答案, 唔問就永遠都係一個疑問, 有乜可能未問就有答案? 有答案又何必問呢? 我唯有保持沉默, 每個meeting, 每次word.

公道話係: 我見到弟兄姊妹有心追求, 不過, 有時團契生活似乎吸引D lor.

我今年(唯有)一切咁係度等, 等所有人達到今年目標(眾人由外面回轉返church之後), 發現有D乜野miss左既時侯, 盼望明年弟兄姊妹可以往下扎根, 往上結果. 又唔可以一味咁等, 所以開始攪cell同church以外既查經.

其實我地係互為恩賜既, 講到攪活動, 建立關係, 我唔係唔做, rely on其他弟兄姊妹帶頭, 但bible, 其他弟兄姊妹要帶頭, 我就let go, 你唔揾我help, 我唔知亦好難主動咁help, 呢個就係Billy既性格, 係咪需要改, 改唔改到同幾時改到係另一堆問題. 以致今年變得好lost, 但又好幽閒. 創作又因Adam走左去London而有所減慢, 以及意識到同Philos其他members有著worship concept上既不同(見於上一節既分享)而有所改變(more "worship" & "gospel" and less "biblical"). 於是, 今年, Billy將大部份時間同resources放在另一個事奉岡位: econ同finance之上, build up自己係果方面既知識 => 視野 => 同靈命素質. 係下一節再同大家分享.