同朕 check 下頭等機票

公司忽然急屎般要我下周飛落牙買加開會四日, 害得我要將下周的假期, 開會, 什么一切都調轉.

昨日秘書奶奶"同朕 check 下"直航機來回要$1,060.

但由於這是我第一次飛, 當我 set up 完個內部 book 機票戶口, 再 check 下, 機票跌到 $870.

但由於未取得靜英英(來自英國, 在喉嚨盡處說話, 細聲到聽唔到佢講乜的 營業部次長, vice president)批准, 又沒有 book 到, 今早靜英英一口落應, 慢條斯理的催我快 book. 我再 check 下, 價錢跌到 $750. 雖然不用我出錢, 以 billy想同任何人節省的性格, 好想即刻 book.

但由於臨book前, 同老細 check 下, 老細話牙買加果邊個土皇帝老頂都要畫龜, 於是又等. 好不容易等齊所有准許(好低能, 其實一早默許, 但要俾核數師見到一隻二隻畫龜), 再同朕 check 下, 哈哈! 班機爆左, 淨番氹氹轉機.
航班時間由四小時加到十七小時, 價錢最平都要$1280. 低鬼能! 我當然唔順超, 更新又更新, 改前一晚飛, 改後一早飛, 仍然是 $1200 尾到 $1400 頭, 仍然要十幾甚至廿幾小時氹氹轉機. 還是揀正日.

但由於這一翻折騰, 再check正日票價就變了 $1,340. 玩嘢! 我的空間在老細房隔離, 老細不停聽到我呻吟聲, 也忍不住發笑. 我把心一橫, 心想反正都這么貴, 不如試搭頭等, check 下, 才$1,370, 還可在九個半小時去到, 不折不扣的妹仔大過主人婆, 頭等抵過經濟位. 人一世物一世, 未坐過頭等, 係機會了!

但由於再仔細思想, 連大老細也book 經濟位, 假如我 book 頭等, 會不會俾人媽? 阿媽知我是 book 頭等因為 book 不到經濟位? 要証明世界冇神比証明有難, 同樣道理要証明冇更平經濟位比証明有條死仔 book 頭等難好多. 就算可以, 難道我又再通過老細, 靜英英同土皇帝 approve, 去証明 book 頭等附合所有程序公義, 按現行機制又照足 trip advisor 的顧問報告以循序漸進大花金錢買頭等, 天經地義啦!
班機爆左, 就算我等多日都應該慍唔到位.

主啊! 呢果時侯我唔需要以羅果子鹽, 求你賜但以理智慧.
如此靈光一閃, 讓我 think outside the box, 既然 round trip 不行, 不如試試 one way. 感謝神, 找到一班 one way 直航去, $630. 就算回航要 $630, 至少也是直航, 飛少好多時間. 再 check 下, 回航機 $230, 同樣是直航, yes! 最後仍可以 $860, 四小時去, 四小時返. 雖不是最平, 但已經夠好.
機票如斯海鮮價, 半日反覆到令人驚, 連股票以致 bitcoin 都要行埋一邊.

但由於機票有限期, demand supply 又太不穩定, 不然, 旅行社大可團積居奇, 低買高賣, 準有一定投資價值. 其實開公數, 計到咁盡又冇獎, 張單送到靜英英那兒, 不是照樣畫龜?

但由於格價, 分析已是 billy 的本能反應, 就算過到別人也過不到自己, 過不到自己, 就惶論過得到神.