回收精靈

剛看完 The Earth 那套記錄片之後回家, 想起之前 Earth Day, 公司 lobby 擺放了有攤位, 推廣環保. 遇到大會的吉祥物 - 回收精靈, 一隻識擺姿勢映相的回收精靈.


香港政府廿年來呼喻市民「清潔香港, 一於響應」.
所謂「清潔香港」就是將垃圾放入垃圾桶. 但製造垃圾本身是有違環保精神. 環保精神是鼓勵不浪費, 回收, 循環再用, 復造以及與大自然復和.

嘩! 咁長龍? 有金執?

不做垃圾蟲換來清潔, 但進一步想, 你想做個不斷製造廢物的人嗎? 你想香港/多倫多是做個不斷製造廢氣的城市嗎?
俗語云:「臭坑出臭草, 廢人產廢物, 廢城有廢氣....」
你是廢人嗎? 你的城市是廢城嗎?

係有野派! 環保保溫水壺!!

一話有得分, 全棟大廈的人都湧落來分, 比走火警更迅速同雀躍.

大會當然要借這個機會教育我們這班廢人(係費神工作之人).
什么可以回收?

• 膠樽, 玻璃樽, 仲有玻璃樽的愛;
• 鋁罐, 汽水罐;
• 果汁盒, 鮮奶盒;
• 卡通箱盒

食物亦可以回收? 邊個食你口水尾?

• 水果, 菜渣
• 肉, 貝類, 魚, 骨
• 意扮, 麵包, 粟米片
  
• 奶製品, 蛋殼
• 咖啡豆, 渣, 格, 茶包
• 糖, 曲奇, 餅
• 整餅料, 草藥, 香料

真係估佢唔到. 但乜都回收, 個回收桶咪好臭好嘔心 lor.
未回收之前, 我先被人「回收」, 係回魂個「回」, 收屍個「收」

哈哈, 一樽一樽, 似唔似生化武器?
什么環保只是掩飾, 其實這是個 C 奶「 E 奶黑」仔的土製大殺傷力武器工場, 一個炸彈可以炸死 1 個廢人, 將廢人變身成 1 個有用人同再生人.

仲有環保袋同小回收盒.

今日的戰利品!!
關於The Earth 那套記錄片, 下次分享.

唔講唔知, 金融風暴同樣影響環保公司的盈利. 除了因為廢人廢城少了廢物和廢料需要處理外, 回收再造再賣收入亦因為原材料價格下跌而減少. 看來金融風暴的威力真是無孔不入其極. 連廢人同廢城都要為此收儉收儉.