曲終人散

預備了兩三星期的投資講座, 依家寫 blog之際, 已經曲終人散, 有點疲倦. 可以透過分享心得和專業來服事神, 服事人; 從中學到更多投資知識用來 update下個; 投資 blog; 又可以認識到一班新的朋友, 順便介紹人讀 Bilibala 的 blog, 一舉三得, 太好!!

分析是 Billy的強項, 雖然分析, 算得太盡, 有時太鑽牛角尖, 未必是健康. Billy 同神有約: 學習不以分析去算人, 卻以分析去為人打算, 為人打算但不為人作決定.用分析去幫助不太喜歡(不是不會而是不太喜歡)分析的人, 幫到人也令自己開心.

在投資分析上, Billy較強的是股票分析, 今次要講退休同 in general 地講投資, 退休不是 Billy 的強項, 要惡補!! 今次惡補完就修補了 Billy投資分析的缺口, 令到將來可以幫更多人.]

講座期間, 不停 hard sell 個 blog.
Fanco 開始之前問我:「你會打你個 blog 出來?」
Billy :「我頁頁 powerpoint 都有個網址.」
Fanco :「咁 hard sell?」
Billy :「有機會 hard sell時侯, 當人地唔介意你 hard sell, 都唔 hard sell? 老虎都 hard sell.」
食住個勢, 狂做 promotion.

投資講座錄影左, 之後會進行斬件, 雖然上載到 Bilibala Finance 網.多謝鍚安團朋友們的容忍. 容忍我達 1小時37分之久, 也沒有打手勢 kill 我. 要知道假如有十個鐘, Billy 可以理論上可講十個鐘(但Bilibala 會在3小時左右冇電), 所以, 能容忍 Billy的人是很有愛心.多謝!! 多謝!!

投資是一門嚴肅而無止境的學問, 但願我們在盡量少交「學費」的情況下, 一齊謙卑學習!