今 日有空去 Staples, 坐暈它裡面的每張大班凳, 都覺得不夠好, 同揀女友一樣, 難揀! 從前那張, $99加紙, 坐了6-7年, 現在類似的也要 $149 + 稅, 貴得佢. 好樣 D, 身材正 D就 $200幾, 還有大班凳最講究個 pet, 要 pet pet 位夠厚肉才坐得舒服. 但 pet pet位夠厚肉的大班凳要 $300-400以上, crazy!! 所以一直揀, 揀了一年, 依然冇著落
, 我講那大班凳.除非我有心栽花, 我的意思是除非我想 8月15開花, 否則一定要盡快買番張.
去了 Costco, 見到順眼, 合眼緣, 樣靚身材正 pet pet 位....ok la, 時侯到了, 就唯有求其, $184 + 稅, 來個速戰速決, 成交!!
同揀老婆一樣, ok 就算!
返到屋企, 要 DIY(香港邊洗?), 對愛玩 lego的我, 也沒什么大不了, 就當建立同培養感情, 否則真係有排你受.
一句「唔該」 DIY 洗死人, 仲要比錢.
還有簡單到無法說明的說明書.
就像談戀愛和投資, 在廿多年教育裡從來不教, 說明書簡單到無法說明, 但卻是一生人最重要的兩個課題.
凳仔唔識砌, 可以俾人砌; 戀愛和投資唔識砌, 就一定被人砌.
砌要砌得有步驟, 5隻腳就不容易反, 戀愛和投資的腳又有那? 在這天腳底下什么是有保証?
個滾輪只是大力一套入去, 其實非常化學.
再將那個 pet pet 座套上去, 沒有鏍絲, 也沒有掣, 只是一味向下搏命壓, 同樣化學. 萬一從大班凳上反下來也不知如何是好.
反而椅柄有鏍絲, 真諷刺.
弄了半小時才弄好. 有信心坐上去?
外表看上去穩陣, 但如今相處過, 建立過就知道其化學. 正因為它化學, 有時侯令你感到不安, 但如果有點信心和多分信賴, 就繼續坐下去.
Posts
No comments:
Post a Comment