富貴「黃金」屋 (下)

讀聖經有時真係唔明, 跟據利未記許願奉獻, 五至廿歲既男仔值20蚊銀, 約瑟17歲比人賣豬仔就係20蚊銀代價, make sense, 奇就奇在利未記又提到一塊可撒廿公斤大麥既耕地值50蚊銀, 地權以禧年(50年)做單位計算, 即係五分一塊銀子租一年, 記住, 係聖經woo, 不變既律(至少以色列人認為), 咁第一個50年值50蚊銀, 第二個50年又值50蚊銀, 1000年之後都只值10蚊銀? 唔通冇inflation? 猶太人最叻做生意, 會follow嗎? 點 follow呀? 還是佢地索性唔賣地呢? 唔賣咪唔犯罪 lor, 哈哈! 但睇番聖經, 似乎真係有follow喎!

我地睇耶利米書32章, 至少600年之後既世界, 耶利米買地, 買70年(因為神要地安息70年), 扣番一個50年, 即係廿年, 17蚊銀交易. 依, make sense喎! (打仗, 可能平D). 再揭去撒迦利亞書11章, 70年後, 今次係20年以外, 淨番果30年, 30蚊銀交易牧場既管理費, 又make sense喎! (又或者30蚊銀係當時一年人工.)

再數500年, 耶穌時代(四福音), 20蚊可以勉強食飽5000人, 30蚊可以係一年人工又可以買一瓶香膏(的確幾貴), 可以買到塊地, 仲有人願意為30蚊出賣自己同亦師亦友既主耶穌.

呢D經文唔明左好耐. 兩個可能: 一. 上述所有書卷都係同一時代寫, 再偽稱為過去手筆, 如果係咁, 聖經既真確性好有問題. (咁即係冇可能成立, next); 二. 過去千幾年歷史中(other than in the time of war or other 危機), 係冇 inflation呢回事.

今朝Sunday返church之前, 睇<<新72家房客>>, 講香港民初, 一個月人工就係30蚊, 蘇佐揚牧師當時做傳道, 咪就係lor; 香港五六十年代, 當船費加斗零就攪到要暴動; 婆婆話佢細個白粥油炸鬼賣斗零, Daddy又話佢細個白粥油炸鬼賣斗零, 即係話歷史過去三四千年直到上世紀五六十年代都冇乜 inflation, 係呢50年先出現, 有趣! 有趣!

以前世界用黃金/白銀做買賣交易, 直到1969年, 美國既抄票都要以黃金去back up(gold standard), 由於藏量有限, 錢既供應量自然亦有限, 加上有黃金做back up, 人人放心, 所以銀紙貶值程度就自然大大降低, 所以就冇乜inflation.冇inflation同有inflation對我地了解聖經有冇分別呢?