冤有頭債有主

著名導演史提芬史弗堡宣佈唔做北京奧運總監, 仲呼預全世界杯割北京奧運. 理由係蘇丹發生內戰, 甚至有種族清洗既危機(咁關中國乜事?)

中國作為蘇丹最大經濟合作伙伴, 史提芬(以及好多人)認為: 1)中國有能力制止蘇丹既流血衝突; 2) 中國冇嘗試/唔盡力(好似霸權主義既美國or帝國主義既英國)去于預其他國家內政; 3)中國要為境外既戰爭負責, 中國冇人權冇民主, 而其他國家就唔洗負責; 4) 出矣反矣唔do, 又杯割跟政治無關既體育項目係正確既.

蘇丹係非州面積最大既國家, 以前係英國殖民地. 英國以前最拿手就係蝦蝦霸霸, 霸人個國家, 吸乾人地D資源, 跟住好「民主」咁比你獨立, 但留低一大督蘇州史: 將唔同種族/宗教/利益既人分埋一齊, 玩分化, 等你班友打餐死, 印度/巴基斯坦係咁, 南非係咁, 以色列/巴勒斯坦又係咁, 蘇丹自從1956獨立以後, 當然唔會例外(將來伊拉克同阿富汗, after撤軍, 相信係一樣). 所以, 要負責既應該係英國政府.

蘇丹伊斯蘭教同基督徒, 阿拉伯人同黑人, 民政同軍政打左幾十年, 原因比史提芬拍既科幻片簡單: 仇恨; 但果D以為用一兩句, 一兩次制裁就可以平息仇恨既人, 似乎太膚淺. 或者「愛」係用我地一生要學既功課, 而「恨」係要主愛融化才會慢慢化解既心鎖.

係一塊本來唔夠資源, 比英國佬吸乾吸淨既地上, 有咁多幫人, 唔打就奇, 越制裁就越窮, 越窮唯有越爭. 你殺左我阿爸, 我咪殺翻你全家lor, 殺全家, 你一定來殺我全村喎! 點算好? 唯有滅你族先可以安枕無憂, 係咪咁講呀? 講和? 我咪日日冇教好訓? 「匈奴未滅, 何以為家?」; 「革命未成功, 同志還需努力」; 「要將D迦南人滅絕剩盡, 否則係絆腳石」從當地任何一方既心態去諗係make sense. 岩唔岩係另一個issues. 除非分做2個or3個國家, 否則永無寧曰, 但點分好呢? 唔講由是可, 一講把鬼火, 打過啦! 打咪打, 怕你有牙...

人與人既仇恨係要第三者用愛同關心去了解, 先有了解才能期望化解, 唔係"No", "Stop", 喊口號, 甚至出埋手, 打到某方or雙方都訓落地就解決. 中國作為蘇丹最大經濟伙伴, 供應金錢, 石油, 鐵路, 基建設施, 物資等等, 先係正路(你睇英美係第三世界國家咁泛眾憎, 而中國就咁吃得開就知邊個方法work la, 大導演, 番自己祖國杯割仲實際la). 當人人豐衣足食, 可以自立自存, 仲爭乜? 但呢個方法take time lor.

中國比列強蝦足百幾年, 咁難得先叫做爬翻起身, 攪個奧運. 誰不知今日在蘇丹做和平使者既中國反而比昨日既劊子手們唔夠民主, 實在太諷刺. 就利益而言, 財寶係邊, 心係邊, 唔通中國想投資係一個內戰不斷既國家? 佢唔盡力, 邊個盡力呀? 你做導演, 兩個演員打架你都會盡力勸解. 一味為反而反, 有口話人冇口話自己.

請繼續為蘇丹祈禱, 係軍係民, 信乜教都冇教好訓好慘 :< 為當地既無國界醫生, 中國/聯合國和平部隊/工作人/宣教士平安, 佢地既成果pray; 為神制止背後攪攪震/煽風點火既邪惡勢力(我好公道, 唔係指英美)pray...