夢/想

發夢時做既野係現實生活未必會做, 而現實生活做既, 發夢時又未必遇到.

以前發夢會飛天循地, 拍下雙手就可以飛, 由高空跳落地, 雖然有種高處飛墮既恐懼感覺, 但往往可以安全著陸, 見到「壞人」即刻替天行道, 一招「手刀」殺左佢, 行俠仗義, 真爽!! 不過, 最近一兩年, 夢境有D貼近現實, 我唔係太敢飛, 亦唔係太敢跳樓, 係咪代表我越來越唔敢夢與想呢? 相同既係當我想出龜波氣功果陣, 永遠都出唔到, 學唔識 :< 另外, 間中發夢會夢見自己明天要考試, 唔記得左, 所以冇讀到. 起身果陣會出左一身冷汗, 後來發覺係發夢就會即時感謝神.

夢見婆婆, 每次都係返香港, 坐係床邊又或者沙發, 而婆婆就坐係張椅上, 佢冇乜野講, 但佢會望住我笑, 又或者問我想食乜. 當我忽然記起婆婆已經主懷安息, 婆婆就會消失, 跟住我就會大哭一場.

之前去Bonnie婚宴, 佢老公係答謝親友果陣飲泣, 當佢發覺婆婆冇緣見到佢結婚果一刻. 果一刻我好體會佢老公既心情, 果種酸溜溜而又甜絲絲, 悲喜交集既感覺. 喪禮我地叫人唔好喊, 喜宴我地又唔想見到人喊, 其實真情流露係可貴, 那怕係夢中定現實. 唔知到我結婚果陣, 如果播首<<4月3>>去記念婆婆, 算唔算過份呢? 生, 老, 病, 死係人生必經, 但能夠同至愛既人甘苦與共, 就是美.