電筒照? 大晒呀?

係巴士讀經, 同神查經. 查到使徒行傳第9章 - 保羅信主. 通常讀到呢度D人都會話神好勁, 竟然令一個反對/攻擊基督徒咁勁既人轉變成一個愛主為耶穌搏左條老命都會開心到流口水既人. 甚至保羅自己係往後22章,26章同其他書信中都認為果次經歷係神既恩典...不過, 問題就係呢度.

有冇睇Back to the Future? Martin為左逼卅年前既老豆追佢媽咪, 於是半夜著住件由頭凹到腳既防毒衫同個電筒+walkman扮外星人, 佢老豆當然唯命是從. 咁神用呢招對付保羅, 又算唔算超越左人既自由意志? 點解神唔對所有人都咁, 就唔洗咁煩, 即時將福音傳到地極.

不過新約咁信耶穌既人, 印象中只有保羅一個, 或者係特殊例子. 通常呢D例子, 新約有一個, 舊約都會有一個, yes, 係巴蘭既故仔, 天使攔路, 連隻驢都開口, 仲架勢過保羅. 不過, 巴蘭冇因此敬畏神, 反而借神過橋去收多D錢咒詛神既子民, compare to 保羅既逼迫, 差唔多la. 睇來比「電筒」照既人都有自由意志選擇follow定唔follow神. 另外保羅本身就信神, 敬畏神, 只係唔知耶穌係神. 「電筒」不過係點醒佢, 證明耶穌係神, 諗落又ok喎!

我地冇咁special經歷, 但信到, 照咁睇, 神都幾睇得起我地. 至少我地冇保羅咁麻煩. 既然神咁睇得起我, 咁我點可以睇唔起自己? 保羅都可以去到咁盡, 咁我呢? 點可以輸蝕架?