路人甲乙丙之丙

某日完左崇拜, 送完Minnie之後, 阿lok車我返屋企, 比前面架慢吞吞既警車阻住條路. 阿lok就過線爬佢頭 la(真沙膽), 點知一爬架警車就響燈, 要爬番我地頭(咁少氣架), 佢要爬, 咁我地咪唯有行埋線比佢爬 lor. 警察真愛撩事鬥非, 好似想塞住我地咁, 我地唯有停低.

於是, 阿lok就對住個警察開槍, i mean開窗, 個警察伸個頭入來手指指問左幾個非常無聊又一定要答既問題:「呢包乜來?」「紙巾.」「呢個呢?」「銀鏡.」「呢樣?」「香口膠.」「可唔可以睇下?」「隨便.」「果D又係乜?」「廢紙.」「去完邊度?」「Church.」「會去邊度」「Drop我(Billy)返屋企」「比你地個車牌睇下」(喂!我唔係 C機喎!)

驗完一輪, 比番D野我地, 就話:「我地以為你個brake燈壞左, 原來你落左N波, 冇野啦!」(Then what is it do with 紙巾/香口膠)

常言道:「平生不做虧心事, 夜半敲門也不驚.」原來係自欺欺人. 當警察叔叔來到, 我真係驚 lor even though當時阿lok冇超速又有停 stop side (平時唔知 :P).

小註: 當時跟阿lok傾起/欣賞既黃偉文果首<<落花流水>>既歌詞, 換來既結果估唔到係比警察叔叔問到落花流水.