以下是我過去廿年的觀察和觀點:
大環境
1. 在香港田鴨式教育下長大，讀書就是硬記死背，應付完各個考試，然後畢業，就放下書包，這個人生重擔.
一個忍受了廿年讀書苦楚與逼迫的人，絕對是吃得苦中苦的人上人，但叫佢 enjoy 讀書就怪.
不怪，只有怪人才見怪不怪.
2. 中國人出名實用主義，講求效率，又要即學即會，現炒現賣.
閱讀一些冷知識，速乘法，短短的散文還可以，又長又臭就可免則免，除非係城中熱話，八卦，陰謀論，禁書禁刊就另計.
(所以我們華人最適應今天的網絡文化. 大國掘起更加走在最前，連一般詞彙都嫌太長，乜都縮成兩個字攪惦).
3. 要滿足度穩定，一睇就明，容易吸收，快靚正，有時間都睇動新聞，動漫啦！鬼同你閱讀喎？
自以為讀
按這大環境而論，信徒閱讀率，可能已經比"外面"平均高好多.
至少每周主日讀下經，一年一次在教會一擔沙糖一擔屎下讀了四分一至半本靈修書.
按十個信徒一個組長的比例下，組長又會讀多一點添.
人是一群愛比較的動物，當你比身邊人多讀了一點有營養的書籍，就不覺得自己不濟了.
當你明明覺得閱讀慘過擔泥，但為左神，你摺開本書讀上一兩頁，忍受沉悶的煎熬，就感到好委身，屬靈左，生命改變左(謙卑的你當然唔會承認自己屬靈. 你只是感到屬靈左，生命改變左，就夠了!)
永遠咁樣同人比，又同自己的過去比，就冇得輸，自以為有好好的喂養，並為此感恩不斷.
機會
從教會立場看(不代表我認同)，要鼓勵一班唔喜歡閱讀佔多數的信徒閱讀，你會點？
記住: 果班友仔可能只有胃口食一本，你一年只有一次機會.
教會正常地會有以下考量:
1. 俾好味卡樂B你食，卜卜趣，當然正，但冇營養
2. 俾牛扒你鋸，未必人人食得落，有人要生，有人要全熟，有多汁，有少汁，有人冇牙，有人冇刀叉用，總之好難服事.
3. 俾奶，俾 formula 就皆大歡喜.
當教會假設你只有胃口食一樣野，當然俾奶，0 歲到 百二歲都入到口，你冇牙，你冇叉用，凍飲，熱飲都得，我致少質你食，質大你先嘛！
限制
另一方面，教會/團契揀讀物，有以下限制:
1. 人人都能包括到在計劃之中
2. 要人人有份不落空，推介的書本一定要:
a. 人人都會明白，唔用腦都明 (easy enough) 你只要花點時間將你生命經歷自然地，合理地或胡亂地牽扯到有神的介入，就任務完成
b. 能預計到人人會有得著(take home-able)
c. 合乎教會信念.
在合乎教會信念一點上，是非常重要. 不能讓信徒受傷害，反過來懷疑信仰.
又由於要函括天上地下一切所有的信徒，要保障連最baby 的信徒吃了書卷後會快高長大(做多多事工)，而且唔會致癌，唔會出疹，甚至唔會俗親.....
ie. 嘔奶就得，"令人噴飯的"這種毒物就 no no 啦！俾你放入拉記已經仁至義盡.
可以點唉?
經過一輪精挑細選，能夠推介的，除了阿媽係女人同工具書，還能夠有什么？你講?
(其實不止閱讀，上述邏輯思維可以在講道，團契，詩歌，事奉，教會的一切中體現)
因為地球太危險，返明亮晨量才最安全.
因為吃肉吃糧即使有益，但吃奶仍是最穩陣！
牛奶，羊奶，馬奶都唔夠好，最好由教會自制的靈人奶，對 BB更有益. 幾時要，就揸乾揸淨班主日學奶媽，用盡吃奶之力做一份私房靈奶(我都有份做過幾本，仲未計自我審查，改來改去its crazy and its not worthy). 資源有限，或冇時間，買街外奶粉最經濟實惠.
教會就是一個廣大的育嬰場，為兩歲以下屬靈 bb而設，奶多人不怪.
要達到這育嬰要求的讀物，對大部份已成長(出了牙仔)的信徒而言，自自然然成了"阿媽係女人"，什么都了無新意啦！
信徒是否老是想吃奶是一回事，基於教會(以為)一年只有一次機會，以及在選書上的自我限制，教會只會喂奶而不會喂糧.
感召
其實教會不是不知道這種"偏心"對(認真)信主兩年以上的人是一份煎熬，亦會限制了這群信徒的成長(甚至令其流失). 但為什么教會仍然"執迷不悔"呢?
因為教會與其因材施教，總喜歡用道德感召(所謂神的方法)去解決教內(教外)的不公和不均問題:
1. 要合一，要包容. 所以一教會/團契/小組，一齊睇一本書.
(乜書？當然上述那種.)
2. 做大既遷就下做細，明白的遷就不明的. 睇下耶穌！放下九十九隻羊去找一迷羊.
(這當然是錯解經文，但教會永遠是這樣想)
3. 你乜都明晒？點解覺悶？點解唔肯謙卑？你自以為豐富，實際上是貧窮....
(喂！你十年都教我 + - * / 同背九因歌，我悶好正常，我想升班你就話我驕傲，乜道理呀？)
4. 如果你同神關係好，點會唔想讀想追求？
(我阿媽同我關係夠好啦！佢好愛我，但唔代表佢煮乜我都有胃口嘛！依家叫我幾大都用奶樽飲奶奶喎！即使我照食，你都唔洗逼我次次讚好味好享受嘔奶同俾你掃風？神唔係東方不敗/習大大，你都唔好做689好唔好？
再者，我真想追求，就不會甘於重覆同獨孤一味飲奶)
5. 識得食自己既人永遠都識得揾食架啦！
貪方便可以上進深主日學(揀個勁尐，肯教深尐，落地尐既老師)，去圖書館借書，勤力尐可上網，聽出面講，睇信仰百川(i mean 時代論壇，唔係果尐一味識鬧教會同轉貼教內醜聞既網站，科科)，仲有去出面買書自己煲.....
教會可以因為上述的種種道德感召，合理同反智地忽略較成熟信徒的牧養嗎？
6. 對於領袖(肯做，而唔係少少頭腦知識就也文也武果班)教會點會忽略呢？對他們這一群，教會會重點培訓.
培訓內容就是在他們超忙的事工之上，感召他們再上一個課程，再讀多本阿媽係女人，兼讀多本工具書裝備自己.
"每日半個鐘，一周兩個鐘，咁都唔可以俾神？"
"大佬! 係好鬼多個鐘之上，再加幾個鐘啊！你唔識計數點同神交帳啊！"
忙到爆連睇漫畫都冇乜精神，邊有力又睇多兩本咁悶又學過晒既書呀！衰鬼！
TVB個B
今日 CCTVB 不斷唱紅同制垃圾既電視節目，流失了不了觀眾，CCTVB 為什么不思進取？
幾年前播套天與地，有人話係神劇，有人唔知佢講乜，為什么觀眾對其評分會好壞參半?
當呢個世界，始終有百多萬放工唔想再用腦既觀眾支持. 你革新會吸引更多新人? 減少人離開？還是令更多鐵一般的支持者隨流失去呢？
我諗這是今日教會同樣面對的困惑，沒有推倒重來的狠心狠手，一切教會新思維，都只係換湯不換藥，只會加重一班事奉人的重擔.
Posts
No comments:
Post a Comment