買廚房家電攻略

新屋快入伙，揀完室內設計，到揀家電. 早早揀是因Builder 為了度身訂造廚櫃，要我們提供相關家電尺吋.

不知大家選家電(爐頭/焗爐，雪櫃，洗碗機，抽油煙機)有什么心水: 不銹鋼？大小？強度？耐用？customer reviews? 款式？

買了本 kitchen's consumer report雜誌補習，上網睇review, 問builder和(有品味又相熟的)朋友意見， 獲益良多！

1. 爐頭/焗爐: 按 home depots 阿paul的專業意見， 煤氣爐加熱能一步到位，熱定之後， 跟電爐其實冇話邊個一定勁d, 電爐講watt數，煤氣爐講輸出度，而一般家居政府又限死左最高limit.

2. 焗爐靚與否睇它的柄和按鍵，玻璃面貴過膠面

3. 爐頭尺寸最好跟抽油煙機一樣，一般分30"，36", 四頭或五頭，大尐grant尐，煮飯也方便尐(多尐位放煲)

4. 抽油煙機睇兩樣指標: 風力同靜度，風力指標是cfm, 老外的通常由 250 - 800cfm ($300 - 1500)，中日的由400 - 1000($250 - 1100)，視乎你煮飯的油煙程度.
個人認為可以花多一點買最勁抽的，這樣整個廚房都會耐用整潔許多. 又勁又靜就貴尐，值得！

5. 抽油煙機分見到和見唔到煙囪兩款，大廚房用見到的可能比較大體，關鍵在乎跟整個廚房的配合和諧以及你想唔想特顯它的存在

6. 中型以上的雪櫃分三種，中間分界的 side by side， 上面扇門敞開下面凍櫃的french door, 還有build in入櫃的.
build in入櫃的最貴，但亦因要build in, 雪櫃深度一般較淺(錢)
我亦不喜歡 side by side，分開一半令兩邊都變得太窄，唔好放東西
有人話2000呎屋配個33吋，3000呎該配個36吋. 二人世界(就算將來多兩化骨龍)，33吋，乜都夠啦！

7. 雪櫃有製冰和唔製冰，我選擇唔製，to me, 係純阻位同積污水，難明為什么high end 都有ice maker.

8. 不少人愛將備忘，滋貼貼在雪櫃面，原來新款同high end的stainless steels 雪櫃面已經無法貼貼.
我們是懷舊，念舊之人 :p

9. 洗碗機原來也有許多花臣，靜度，射水力度.....是噴射式，花灑式，貴的可以調較籃子位置甚至每一格的走位，也有尊門洗樽，勁烏糟的噴孔設計，貴一倍，對於只用它來當大型格水籃的我們，不是物有所值

10. 唔知你對品牌有沒有特別喜好？在北美洲廚房家電只有五個選擇: 1. 惠宜普，2. Electrolux, 3. 通用電子, 4. LG， 5. 西門子 (Bosch)
什么Kitchen Aid 只是惠宜普的高檔版，Kenmore 是Sear 和那些公司合作借殼做機的產物.

品牌重要因為配搭，同顏色，同柄，同牌子亦可能有多一點bundle discounts.

煲consumer reports, 最可靠和少故障的居然是kenmore, 其次是通用.

講靚靚是Kitchen Aid
Cheap cheap 耐用是Electrolux其下的 Frigidaire

實惠而勝價比是惠宜普和通用其下的GE.

我是通用電子的長期股東，由08金融海嘯起開始持有和增持，有份肥水不留別人田的情意結. 之前烏龍屋的家電就大部份選GE.

今次不同，和管++一起溜覽，商量，她較喜歡靚靚的 Kitchen Aid.

11. 去邊度買家電？服務最好經驗夠多係home depot, 不過貴(有price match)，洗衣機,乾衣機等Futureshop black friday, 無敵平，廚房家器卻只ok價. Bad Boy, The Bricks 有得講價，但好花時間. 我最後在網上Canadian Appliance 格完價(要不跟Futureshop同價，要不更平更多款)再去陳列室壓多6%，比正價平25-30%. $59送貨，但沒有安裝服務. 

12. 7-8月教主日學，其中一課講路加福音c16不義管家，永恆>短暫，建立關係>自己嘆
在消費時可建立一習慣，問自己，我買這物品
a. 想要or 必要
b. 為自己or為建立關係
c. 有多長遠的價值？

我用上述問題問自己，究竟廚房家器屬什么類別？
a. 當然是必要
b. 當然也是為大家，若為自己，一個人不如出街食
c. 期望至少用十年

哈哈！全部過關, yeah!

但問題來了，買平的定買貴？
貴d就靚d？features多點，還是夠用就算呢？當一系列features可以製造出更多而原本眼未曾見, 耳未曾聽，人心未曾想過的需要和必要時，我們把決定合理化，又有何難？這個有趣的思考題就延申為這一個多月 billy對有關消費在聖經裡的默想和研究，下回分解.