跌市回憶 - 神的同在/安慰

透過次按危機, 令對冲基金爆煲而觸發起既 8月大跌市, 果然威力驚人. 短短 1個月, 唔夠廿個交易日, TSX由 14,600點插水至12.600 or 14%; Dow由14,000至12,500 or 11%; 恆指由23,600至19,500 or 17%, 你可能話, 大市跌關我乜事? 我睇長線. 但理性一件事, 心情又另一件事, 再加埋身邊既聲浪, 令每次跌市都變得膽戰心驚.

8月頭某日, 爹地在車我番工果陣, 口黑面黑同我講, 叫我唔好咁「貪心」, 要止蝕, 如果唔係死人, 唔好同隻股票談戀愛......媽咪問我個市會唔會再跌, 不如賣咁 D......有 client每日打電話問我點算......教會弟兄姊妹, 哈哈, 聚會講聖經, 平時講飲講食OK, 講股?? 唔好愛世界啦......我同媽咪既 B&L fund balance正在以高速, 每日不斷蒸發......

當時我禱告, 呼求主, 我同神講:「連爹地媽咪都唔 support我, 你呢? 你都叫我沽貨嘛? 你都叫我唔理嘛? 我冇眼睇 la, 又費事比人話我愛世界....」

聖靈話:「你要安息, 唔好亂, 靜一靜, 計一計你 loss左幾多, 唔好 over estimate左過 loss. 如果你當初唔聽話, 冇將 equity减少, 冇為餘下既equity做cover同protect, 你會唔見好多好多好多.......依家呢?」

Billy:「仲未入肉, 仲未破07年既防線 (當時係 8月9日, 安息年完之後第一日).」

聖靈話:「Good, 你唔可以冇眼睇, 咁樣係逃避, 如果你係普通 investor, that's fine, 但我要訓練你成為比正常人了不起 - 屬神而又胸懷普世既投資人. 平時你唔睇市, ok, 依家你一定要睇到實, 無論你心情幾壞, 幾冇support都好, 日日同我睇住佢. 安息年己經解封, 我准許你 all in, 將所有錢, 自己既, 媽咪既, 甚至借番來, 我都准你 all in, 分段買入(因為我唔比你預知未來, 你唔能夠亦唔會摸底). 相信你既眼光, 因為我相信你.....你唔洗為自己求, 你ok, 為所有投資者代禱罷......」

Billy:「主啊, 我如今可以安息, 因為你與我同在. 上次(06年5月)日元利差交易令股市跌12%, 當時你鼓勵孩子 buy & hold. 今次次按, 你又鼓勵孩子 buy at low. 願你旨意成全 => 叫我安息, 漸漸成為一個了不起 - 屬神而又胸懷普世既投資人, 好叫人將見到你既榮耀同豐盛既恩典.....」

我既然摸唔到底, 就 set 好晒價, 按住神既准許, 手頭上三隻股票每跌 1.5%(大約)就入貨, 入, 入到冇錢為止, 由8月9日入到8月17日, 入足七日.

B&L fund balance仍然以高速, 每日不斷蒸發, 不過, 神令我既心平靜安穩......

8月17日, 大市止跌回升, 終於雨過天青. 依家事過境遷, 我唔知講乜, 好感謝神: 神為我伸冤, 佢用我, 佢信我, 佢教我學懂安息, 安慰我, 與我同在, 又教我學習將眼目心思去記念同服事佢同 others.