一洗清高

去完 Richmond Green 之後, 本來想去艇仔記. 見到隔離「好清高」居然打開門做生意, 有點出奇. 於是臨時改去「好清高」, 入去碰碰「運氣」.

年多前去食, 入到去有空檯都被他們打發走, 每次經過它門口, 條氣都頂住. 今日再登門拜訪, 我自己都覺得自己有點犯賤. 不過, 最多被人第 5次打發走. 冇所謂.

入到去, 奇怪的事情出現, 我居然沒有被趕走.
(我去食野, 而不是去新華社門口拉屎唔走. 食野「被趕走」是反常, 但這間好清香的往史, 趕客走有如家常便飯, 沒有被趕走反而是反常.)

一坐定, 老闆娘就擺上一碟酸蘿白. 殷勤招待, 介紹我食什么菜.
這番舉動更令我受寵若驚. 心想:「我係咪入錯餐廳? 有乜可能會有招待?」

老闆娘介紹海南雞, 有冇企圖, 忽然對客人咁好, 有冇企圖?
海南雞, 即管一試, 亦唔敢唔試

隻海南雞好食喎! 肉質夠滑夠甜, 勝過那些彈牙的走地雞, 但又不算太肥, 居然冇介紹錯.

小怡想食多點菜, 於是叫了個鮑魚菇爬菜膽.
個汁同 D菇好鮮味, 美中不足是用小唐菜, 除了下價一點之外亦不夠好味.

Instead of 叫飯, 叫了魚線麵.
魚線麵太大鍋, 憺心吃不了, 老闆娘話可以改細份用碗上.

滿腹疑雲, 食得不自在, 但原來轉左手, 難怪服務好了這么多. 食完我都同小怡, 以前個老闆娘次次俾說話客人聽, 依家個老闆娘服事周到, 有點不習慣, 食完都有點難以致信.