娶老婆的計算

呢個計算好有趣
首先，娶老婆，打算一生一世的婚姻可唔可以用價錢去量化呢？
第二，假設可以量化，那圖文的計算方法是否合理同化算呢？

作為一個金融佬，值得瘋狂地思想一下.

計錯數
1. 10萬蚊聘金？係港紙，人仔定台幣？十皮就想結成婚？唔係好多人能夢想成真 lor
2. 娶老婆的"功用"就是做工人，性伴同生仔？
3. 如果我要工人，有必要請個24小時的嗎? 一生一世好唔好都冇得換，做得唔好甚至唔做都唔炒得？要用一半身家解雇佢？該圖冇將呢堆風險同請"散工"的彈性優點算進去.
4. 若當老婆是性伴，那我這聘金之上還要計算 opportunity cost. 我同了一個，就不能同另一個. 因為就算宗教原因不談，像我們這種平凡人，要像陳冠希那樣風花雪月是不可能. 招妓，患性病風險高，包小三成本重.
5. 女人生仔女好辛苦，但生出來我都有份養喎！

該點計:
努力愛錫老婆，唔係因為當老婆係 cheap cheap 工人，cheap cheap 性伴同生仔機器，而係當老婆係你一生一世的合作伙伴，一起經營一個家，一起成長.

1. 如果揀得好，雙方一起會比單身的估值更高，互相補足. 當然當中有累鬥累的風險因素
2. 專心愛一個，會減低好多交易成本
3. 唔揾小三，對試探避之則吉，會減低分一半身家同斷六親風險
4. 將一切資源同愛去建立對方，令對方滿足同成長，而唔係轄制，這樣會令合併的這家增值，自己得益
5. 愛對方愛到點?
我認為愛係: 當你識計但唔去計，或者你唔識計都學去為對方打算.
這個不容易，但好處係你會學到愛同體會愛，為自己成為一個男子漢大丈夫而驕傲，又唔會覺得自己犧牲太多，好唔抵. 當你要抵先開心，你係永遠都會認為自己付出太多而對方又太佔便宜，這你一定會悔不當初，這又何苦呢？

當然，要揀得好就要認真揀揀個自己真心鐘意既，又計清條數，如果計得清的話.