夜半驚魂

聽說在政府防疫中心打豬流感針要排長龍, 太費時失事, 結果等到教會 E 生來免費免排才打針.
之前見大隻佬打針時好似甚痛, 所以都好驚. 雖不認同「男兒有淚不輕彈」亦覺得有時掉下男兒淚會更加感牲, 但打針打到喊, 恐怕只會被人嘲笑.

Billy 仔一直在身旁, 一臉關注, 等我一哇哇大叫就為我拍照留念. 哈哈! 那有這么容易. 結果我全程笑容滿面 Billy 仔反而被我激到差點哭出來.

放假常約女仔出街, 又約男仔出街, 有時同時約女仔男仔出街.
那天晚上食完晚飯送朋友回家, 可能神認為 Billy 不夠飽, 請 Billy 食宵夜, 食牛肉干.

對面有架警車掉頭緊緊跟著我, 我不知他掉什么, 唯有停下來給他照肺.
他說我的車頭燈燒了, 拿了我的車牌, 保險紙同車主証明照來照去, 又打上總部 check, 為時 15分鐘.

燒了車頭燈真的無法知道, 也不知可否求情, 希望不扣分, 不知塊牛肉干要多少錢, 假如廿元我即時付款, 不要再煩我.

警屍:「你好, 這裡有幾塊牛肉干.」
Billy:「吓?!」(連下巴也掉下來, 不敢相信).
警屍:「燒了車頭燈一塊, 你車主証明是影印....」
Billy:「租車嘛!」
警屍:「影印要底面影印, 所以你張車主証明無效, 又一塊牛肉干.」(夠了, 好飽)
Billy:「你張車主証明無畫龜(簽名)又一塊.」(嘩! 太熱氣, 食到吐血)

真黑仔. 人家美源髮彩變黑, 我今晚也嘗了.

「逐漸變黑, 又得, 立即變黑亦得」
「衰左!」
「美元發票, 冇得彈」

一看牛肉干, 嘩, 每塊 $110, 貴過食 Canoe. 股票浮盈蒸發 3萬也沒有這份無奈.
個朋友話, 不如祈過禱, 如果你心裡不平安.
Billy:「神啊! 感謝你.....等等, 我干甚感恩, 收回這句, 神啊! 食牛肉干, 不想付錢, 求你幫忙. 回家路上正有三架警車等侯我, 好不平安, 求你保守我這段回家路. 我不想一晚食 6塊牛肉干.」