動勿完(3) 環遊世界

小時侯愛去荔園, 因為荔園有隻大笨象. 探朋友帶兩梭蕉就誠意欠奉, 但每次去探大笨象都會帶蕉, 而大笨象有蕉食就好開心, 我見到大笨象好開心, 我又會好開心.

每周六坐小巴由比比家去老佛爺處, 都會經過美孚, 遠遠望見荔園, 都會興奮到高叫「荔園」同拍手掌. 同車的乘客真多得我唔少, 嚇鬼死.

多年過後, 大笨象離開了大家, 荔園也拆了.

這次去 Toronto 動物園, 也看不到來自亞洲的大笨象, 因為大笨象去了避暑山莊, 只淨下空空的一個象園.

沒有大笨象, 就走去看非洲長頸鹿.

同樣在開開心心的開餐.

又去看美洲熊人開開心心的暢泳

再看深海裡的水母開開心心的潛水

最後看澳洲袋鼠開開心心的跳來跳去.

環遊世界據講要花 US$2萬.
在動物園走一圈, 有如環遊世界, 也不過廿元, 真是開開心心.