就在一年多前, 神, 就是創造 Earth 的神給了我一份特別的禮物.
The hour right after Earth Hour, 我被困電梯之中, 半天吊(參 Heaven & Earth Hour
) .轉眼又到 Earth Hour, 開始驚, 因為不知道神又想給什么驚喜我歎
.今日返工, 與別不同是 lobby多了些佈置.
業主為叫人關注 Earth Hour , 攪了個大抽獎.
灘位除了有獎品 (T-shirt 一件)之外, 亦有些關於 Earth Hour 的介紹.
記得上年, 業主和我們公司向所有員工送了一隻保溫杯, 要我們減用發泡膠杯.
今年不知是否會派 T-shirt 呢?
要引人注目, 當然要有得食.
地球, 地球, 生日快樂!!
生日點解冇臘燭?
假如你想你和地球活多幾年, 臘燭就省了罷!
不然, 到時或者要加埋元寶
用膠叉加發泡膠盒派蛋糕, 豈不又是不環保么?
正如我們約埋成班 friends 去一個地方 Earth Hour, 飲飲食食, 紙杯紙碟, 所用的汽油, 所排出的二氧化碳, 或者比熄燈一小時還要浪費.
不過, 有幾多人會這樣考慮到?
引起關注是重要, 所以約埋成班 friends 去 Earth Hour不管怎樣也是好, 也是第一步.
看下圖左下角那位柱下女子食得幾幸福就知道收效.
怕聚會浪費, 可以學盧冠延, 開完個為反對碳排放而被逼碳排放的個唱後, 走去植樹.來個將「功」抵「過」, 又可以埋成班 friends 在非 earth hour, car pool 來個郊外散心, 一舉兩得.
話說回來, 今年 Earth Hour, 到放工都算有驚無險........
回家, 乘搭那部曾把我半天吊, 吊足一小時的「360」電梯.
撞正一班約十個約大學年紀的嘩鬼上樓開 P.
我首先鼠入部電梯, 按了自己的住樓就屈蛇般靜靜的縮在一角. 之後他們成斑魚貫而入.....
他們其中一個靚哥仔(以為全lift都是自己友), 見到個標板居然有兩層著了燈(按了兩層, instead of 一層), 可能以為自己友當中有人玩 lift.
爆了句咁既說話:「攪錯! 邊個福佳禁 ## 樓架?」
跟住佢班 friends 即刻提佢:「部 lift有其他人啊!」
靚哥回頭, 見我縮埋一角, 一臉無奈又帶幾分難為情, 氣氛緊張得來, 場面又非常攪笑. 我唯有報以一笑, 令大家好下台(唔通反面, 好英咁學葉問:「我挑戰 10個.」)
在餘下的「旅程」, 那電梯繼續上升, 只聽到他們不停的向我道歉, 講對唔住.
人與人的相處有時可能像困在電梯中, 太窄, 才會產生「福佳路窄」的衝突和誤會, 但一個微笑可以將它反轉過來, 成為「窄路皆福」.
用一個微笑化解了一場風波, 從這個角度看.....
或者, 我們真的用笑聲將十怨和九仇擊倒.
不知笑聲可不可以救地球, 也不知在地球小時中, 我們又會否用笑聲去與人和睦呢?
這是今年 Earth Hour 神給我的 Hour Surprise.
LORD, I can't live without you!!!
Earth, i can't live without you too!!
But i can live without hatred & bitterness.
就用呢個鐘, 擊倒它們罷.
No comments:
Post a Comment