當年今日的巴郡

講到公司, 走左Controller, 走左VP, 走左CFO, 母公司為我們在美國找來幫手. 我的temp老細經常自認是老人家, 從他身上我學曉許多人事管理之道. 以前Controller有一身衝勁, 事事為公司, 永遠都想到有什么可improve. 至於VP, 他的分析, 對保險業同會計制度的認識, 是我所佩服不已. 在他們身上我學到很多很多.

股市 3月份波動得好厲害, 利率一減再減, 兩者都會令公司盈利下降, 所以公司班精算, CFO, 我temp老細都好worry. 同temp老細講起最近大跌市.

老細話:「Warren Buffett said, "u should buy when everyone is worry and sell when everyone is greedy."」Billy答:「Yes, but how many people can actually do it. If everyone do it, then Warren will not be the richest person in the world.」

老細:「That's true. You know i work for Berkshire Hathaway(巴郡) before in 1977 to1980.」Billy:「Did you buy any shares?」老細:「No!!(一臉無奈), at that time is only $300/share, and now...$130,000. I should buy it. My co-worker bought 10 shares, not sure whether he still hold it or not. I worked for the CFO, they all hold 1,000s shares. They must be really rich now.」

我最有興趣知道:「Warren said that the head office has only 19 employees, is that true?」老細:「At that time, there was only 5.」其實能夠work with Warren Buffett, 一個如此卓越的人本身就是一份榮幸. 在他身上(即使沒有其股票)一定獲益良多.

Temp老細另一樣值得我學習的是:「i will do it.」同「this is not Financial Reporting's job, we won't take it. X-VP can do it on his own, I can't, I am not him, and i need your help to get it done.」究竟幾時take ownership, 幾時認低威, 比人做? 或者公司, 家庭, 教會都要知道. 畢竟, 股神只有一個, 救世主亦只有一個, 慶幸都不是你和我. 唔需要將所有人所有事攬上身, 但神要你做, 你千萬別好認低威, 不然的話, 你在教會, 公司, 家庭, 在 世上的價值是什么?

蒙牛

講完維他奶, 自然要講下蒙牛, 一隻可能係(至少Billy認為係)世界上最正既牛奶. 初次接觸係05年返港, 可謂一喝鐘情, 再喝傾心. 去日本飲過當地既北海道牛乳, 又飲過温泉區既飛彈牛乳整统咖啡(因為果個地方以前造飛彈, 依家養牛), 滑就好滑, 但始終唔夠蒙牛. 蒙牛果份乳香撲鼻, 感覺好似鮮揸牛奶咁, 濃郁既牛奶充滿整個口腔, 滲到脷底, 彷佛令身體每部份都感受得到咁. 可惜加拿大冇得買 :<

我以為蒙古大漠草原上只有駿馬同大鵰(according to<<射鵰>>), 從來未聽過蒙古養牛, 仲要咁好既牛. 上網揾有關蒙牛既資料, 發現蒙牛係內地企業在港上市既公司, 編號2319, 以銷量計, 係內地乳類產品既龍頭, 06年市佔率超過三成. 我初時諗, 佢咪要養好多隻牛牛, 每日不停咁揸牛奶, 仲要叫D牛牛生多D牛仔, 如果唔係, 點可能供應全中國呢? 又點可能維持每年20%以上既revenue增長呢? 最近睇財經透視, 先知道蒙牛有最先進既揸牛奶機, 部機好似俄羅斯輪盤咁入乳牛, 一次可以為十二隻牛牛揸牛奶. 不過, 原來蒙牛除左一個揸牛奶工場之外, 大部份牛奶係當地「乳農」每朝番工前交奶比佢地, 再經過一連串混合, 高温/低温消毒, 同包裝等過程後成為我地超市買到既蒙牛, 真係意想不到. 一般來講, 「乳農」既議價能力好低, 而內地乳類產品, 係蒙牛同伊利(600887)平分天下, 冇乜其他競爭對手, 如果蒙牛多D develop乳類製成品(奶粉,雪條,酸奶etc)等利潤較高既products, 未來增長可望持續.

但唔知蒙牛又會唔會同當地「乳農」有公平交易呢? 如果冇, 我鐘意飲蒙牛, 但唔鐘意佢既作風, 可以點呢? 唯有罷買佢既股票啦.

未完的小雪(1)

中國雪災似乎係完結左, 億計既民工s亦在回家之後再一次離家.

呢次雪災裡面, Red Cross & World Vision比我地既圖畫係一片雪景之下, 災民生計同食住既慘況. 而中國政府比我地既另一幅圖畫, 係一班工程師正努力搶修電網(有的為國民捐軀)以及政府積極檢討今次經驗, 加強基建和幫助災民渡過難關等等.

正當志願團體既救災工作同政府既重建計劃進行得如火如荼之際, 其實仲有一幅更令人關注而我地又容易忽略既圖畫, 就係比重建同救災更重要既安撫工作.

隨住弱美元引致油金價格上升令上月通脹升破8%,大大增加左中產, 低收入人仕既負擔. 上年股票房產暢旺, 無懼通脹, 但受環球信貨危機拖累, 上証指數今年回落30%, 一班上年魚翅撈飯既打工仔, 唯有改食「艇」仔粥. 佢地由關心股價到關心豬肉價, 麵粉價, 當中有幾多會對中央既稱讚變成咒詛呢? 本來己經急轉直下既心情, 加上雪災有家歸不得既無奈, 又會製造幾多社會上既不和諧氣氛呢? 農民更慘, 中國入世(WTO)己經令佢地冇淡好食, 依家連農作物都凍死, 一番經營付諸東流, 佢地既苦痛又可以借乜野途徑宣洩出來呢?

未完的小雪(2)

西北暴動遲唔遲, 早唔早, 事出未必無因, 新仇(如前文) 舊恨(59年310事件), 奧運當然係「有心人」衝擊既對象, 民主只不過是口號, who care? 係人都知藏獨係死路一條, 關鍵始終係民生, 而西藏正正係中國最窮既區域之中最窮既一個.

安撫工作比救災重建來得艱鉅.

中國人唔需要西方既偽民主, 但需要福音, 只有福音能夠安撫貧苦百姓既心靈, 令人與神, 人與人和好.

長線而言, 中國政府過去廿年積極增強GDP, 地方政府增強GDP最有效而最低風險就係基建. 假如中央因為五十年才一次既雪災, 將更大量資金投放在基建之上, 豈不正中下懷? 邊個仲肯花錢攪好醫療, 衛生, 農民資助/優化農業設備, 教育, 康民, 環保等重要既政策? 所以, 兩會期間, 溫總冇好似分析員咁put add'l focus on 基建, 而係重視改善民生. 係一眾聲浪中make這樣既decision, 係值得稱讚.

短線要打擊通脹, 最易係人民幣升值, 但升值會令熱錢流入造成泡沬, 又會剝弱出口競爭力. 所以中央較喜歡用加息同提高存備金, 壓通脹, 阻熱錢, 打擊炒風, 一舉三得.

繁榮安定, 要二取一, 我地既領導人明智咁揀左安定為前提. 中國可以冇奧運, 可以跌市, 但唔可以亂, 更唔可以分裂, 而以暴易暴係咪最好最有效既方法係另一個問題.

走向和諧社會既路係漫長, 艱辛, 但係正確. 求主賜智慧同憐憫既心腸比我地既領導人.

一見/傾心

由Steels行返屋企, 可謂一步一驚心, 條路唔係似溜冰場就似水汪汪既水塘. 依家白雪蓋住草地, 當D雪熔左之後, 唔知D草會唔會死左?
公司最近開始 in人(因為之前走在好多人), 要請多兩隻馬仔. 我成日幻想, 唔知可唔可以好似<<鳳凰四重奏>>第三個故事咁樣 in人法?

我個臨時老細對馬仔既要求好高. 因為佢想請個加國, 美國同國際會計制度都識既人. 請人, 令我有D驚, 好驚教識徒弟冇師父. 我又好驚, 因為佢想請個咁高quali既人, 令我覺得自己好幸運. 我之前唔識美國同國際會計制度, 如果用呢個請人標準, 我唔qualify, 更惶論有升職加薪. 越有自知自明就越覺得受寵若驚, 或者當人真正體會恩典既時侯, 就自然會生出一份敬畏. 彼得唔係係佢事業發展上蒙恩既果一刻(路 C.5)發現到主耶穌既果份驚恐嗎?

今日返屋企, 雪熔左唔少, 青草又再出現, 估唔到寒冷既冰雪冇凍壞幼少既小草. 回暖, 又再生長. 我呢? 面對department既重組, 公司既鉅額虧損, 裁員在即(hope not), 小草都可以靠住神既創造/生命力活下去, 成長起來, 我呢?

邊個食? 我唔食

新年團契去翠玉軒叫左幾碟盤菜, 廿幾卅人, 分三圍食. 不過, 咁多人都食唔晒, 有餘有淨, 好意頭. 不過食唔晒可能因為太多同唔習慣lor. 唔習慣? 冇錯, 唔習慣將上湯雞, 羅白牛腩, 煎魚, 牛丸肉丸, 支竹, 菜 etc etc 一品窩咁, 牛腩汁加雞汁加鼓油加....大什會咁, 好多人都唔識欣賞, 至少szone冇乜.

仲人人夾$17.5, 貴到, $17.5可以有好多alternative嘛! 好普通既食材, 佢又夠膽收咁多. Daddy話:「點解唔夠膽呀? 新年嘛! 係中國人傳統嘛!」 都岩, 好似情人節買花, 從經濟角度講係明比人當水魚, 但做水魚點都好過比人「乘機」, 破財擋災lor, at least 1st few times.

食唔晒某程度上係種浪費, 唔知邊個諗到玩「辣辣壽司」, 不過改成「盤菜盤菜邊個食? 我唔食, 你要食...」我覺得szone D弟兄姊妹真係好有創意. 尤其係將一個本來浪費食物既game變左珍惜食物, 令本來唔想食既人肯繼續食, 又覺得enjoy果度盞鬼嘛! 親子組一定要學玩.

上網睇有D關於盤菜既資料, 原來一層一層堆埋係有學問. 羅白, 牛丸, 肉丸, 支竹吸味既食物放底, 魚呀雞呀放面, 一層一層咁食落去. 以前飲食生活冇咁豐富, 係許冠傑未唱:「有了您...咸魚白菜也好好味」之前廿年, 咸魚白菜本來就係家常菜式, 過年過節才大線雞牛白腩, 盤菜係一年一次既「任食」, 成條村既人一齊食, 淨係食熱鬧都抵la. 可能因為覺得咸魚, 白菜, 盤菜, 所以覺得「分分鐘鐘需要您」, 以前果代人就更加恩愛同能夠長相斯守. 如果係咁, 咁下次食D唔係咁好食既野既時侯, 我又會唔會覺得好味D? 如果做唔到, 可以自己左手同右手玩「辣辣壽司」. 總知有衣食 + 有衣有食就好知足.

唔見得economic value added?

讀使徒行傳20/21章, 講保羅after第三次宣教, 返耶城還願. 沿途好多門徒, 先知, 包括保羅自己同聖靈都話今次返耶城有風險, 眾人都勸保羅唔好冒險, 但保羅堅持就算為主死肯, 一定要返耶城. 結果, 有人誤會(可能故意)保羅帶外邦人入聖殿, 於是所有猶太人(包括信徒 21:20-22)都想打死保羅. 要怪就怪耶城教會整色整水, 叫保羅帶4個猶太人入聖殿還願, 如果唔係咁, 就唔會有誤會. Anyway, 保羅自己似乎係「爭唔落」, 自己整死自己. 佢有機會上台申辯(22:1), 好地地話自己冇帶外邦人入殿, 冇叫人違反摩西律法咪握握手, 和好如初lor(so easy??). 佢係要見証自己係外邦人使徒, 仲想講落去, 得咩? 咪捉蟲lor. (以保羅一句話令法利賽人同撒都該人分化既口才, 好明顯佢今次係專登擺自己上檯). 結果係乜? 保羅既一生好似毀左咁, 一直坐監, 本來有機會假釋, 佢又要玩「至云上素」, 結果又繼續坐...放過一次監, 但又比人捉番, 最後斬首收場...

在人睇來, 去耶城係錯誤決定, 自毀前程又唔乎合經濟效益, 好唔值得lor. 令我想起我教會既植堂, 建堂, North Bay mission(當然冇咁嚴重), 咁多unknown, uncertain. eg, 建堂要咁多錢, 又要等rezone; North Bay 咁遠, 多倫多大把禾場啦. 值唔值得, 可唔可行呢類問題係我地成日問. 如果初期教會係咁諗, 傳來傳去咪耶路撒冷, 比盡你咪猶太全地lor. On the other hand, 計算代價係重要, 正如當年使徒行傳門徒&保羅咁.

保羅係腓立比書話:「佢坐監叫福音更加興旺, 令王宮/御營/上流社會人仕都有機會聽福音, 又激勵左好多信徒.」唔止!! 保羅之前風塵僕僕, 記住以前鐘意travel and then口講or口傳, 寫信係非必要. 之前帖前後, 林前後都係因為去唔到當地又必要講話先寫信. 坐監令保羅寫左以弗所, 腓立比, 歌羅西, 腓利門, 羅馬(may be at 以弗所), 提前後呢一D書信, 對當時信徒有造就之餘, 我地(後世)受惠最深, 呢個或者係聖靈既心意. 另外, 保羅被逼下來令年輕一代有機會上位: 提摩太, 提多, 推基古, 亞提馬, 馬可(巴拿巴表弟), 革利免etc. 最後一點係, 保羅係眾矢之的, 坐監(由高度暴光變成低調)對當時整體教會發展或者係好架, 當然呢個見解比較可圈可點.

講計數, 打算盤, 都係聖靈打得最響, 計得最清最到, 當時所有信徒都認為唔all right既一步棋都咁有果效(after years to find out, more & more), 今日, 植堂, 建堂, or North Bay又係咪economic value added? 咁要睇你同我肯唔肯參與&投入. 當年底馬走左佬, 分享唔到(或者小)成果, 我又會唔會錯失良機?