非禮被扣留的 bilibala?

周五放工回家坐巴士, 有個白人女子投訴有人打尖, 塞往其中一個車門(3 doors in total)不讓後面乘客上車. 幸而我排另一條隊, 她塞了一條隊, 令我上得更快, yeah!!
以為事件會不了了之, 誰知, 那個白人女子還有殺著, 居然報警喎!
一報警, 所有乘客包括我在內, 忽然變晒做打尖(或非禮)的疑犯, 架車停在中途, 全車人被扣留(oh no!!).

我從未遇過有人會因為俾人打尖而報警. 我覺得這名女子鐘意吉屎(勇氣).
我亦從未試過被警方扣留, 而且被扣留的原因是打尖和非禮別人. 真無辜, 我從來冇膽咁做 ga ma, 我指打尖呀! 非禮? 想都未想過 la (真係?)

假如警車到來, 他們會不會用大聲公叫:
「裡面既人聽住, 你地已經被包圍, 乖乖地舉高雙手, 滾出來.」

感謝神, 這時侯, 又逼又熱的車廂開始令所有人腳仔軟.
於是, 同樣有吉屎的乘客開始向司機發火, 司機被逼得太緊(真慘, 打份工姐, 又唔係我報警) 也不知過了多久(我煲了三煲電話粥又讀完全篇詩篇119, 176節經文)後放人落車.
感謝神, 我被判無罪釋放.

我是否應該學電視中殺人全家, 淫人妻室的大壞蛋, 戴住個黑超, 在法庭(係巴士)出來, 在閃光燈前(係巴士的死火燈前), 抬頭指住個天, 大聲說:「我一向相信法律係公正.」跟住在哈哈大笑隱約聽到有人衝出來尖叫:「你個衰人, 你不得好死, 你個衰人....」指住苦主「個官都判我無罪, 你再嘈, 我有權告你.....」
(Billy, 夠啦! 熄左部電視啦.)

當時有一半乘客留在車上睇片, 要求繼續去片.
我走人啦! 搭上另一架後來居上的巴士. 但所有轉車的乘客依然忍不住七嘴八舌的議論剛發生的事. 其他八卦乘客也忽然虛心詢問, 等一班好心人在身旁繪形繪聲的解畫. 大致認為那白人女子太過份和阻住地球轉.
轉車的乘客中, 亦有不少「方死冇人知咁」大聲講電話, 說明遲到的理由.
總之, 像戲院散場一樣, 一個一個墟的影評, 場面壯觀又攪笑.

不過, 講笑還講笑, 假如那女子真的被人非禮, 而不是少題大做. 但因為對其他人帶來麻煩和討厭, 不但爭取不到同情, 而且還由受害人變成滋事份子, 假如這才是事實, 那么世界上同類的事件, 每日發生幾多宗呢?
弱勢社群的利益, 在責罵聲中又誰會關懷?
主耶穌作稅吏, 罪人, 妓女的朋友, 又容小孩子進前來抱抱的榜樣, 在充斥誤解的社會中如何學效, 又是否值得(問心果句)學效?

假如那女子是長得楚楚可憐的范冰冰, 而非孔武有力的女大力士 look.
情況又會否180度逆轉?
我(其他乘客)會否像電車男主角, 挺身而出:「小姐, 唔洗驚, 我係巴士男, 我會保護你, 我地交換電話.」